Efesios 4:29 - Bible in Tzeltal Bachajón

²⁹ Ma me xloc' bohlc'op ta awehic, ha'uc nax lequil c'op te ya xtuhun scuenta ya'beyel yipic te yantic, scuenta yutsil slequil te mach'a ya ya'iybeyex ac'opique.

Nuevo Testamento Tzeltal de Amatenango

²⁹ Ma me awalik te ma tsaꞌamuk kꞌopetik, jaꞌ nax me xꞌawalik te lekil kꞌopetike te snujp ta alele, te ya skoltay ta smukꞌutesel te machꞌatik ya yaꞌiyike, skuenta jich me ya staik bendision.

Bible in Tzeltal de Oxchuc y Tenejapa

²⁹ Ma me xawalic bol c'op ta aweic. Ja' nax me xloc' ta aweic te lequil c'ope, swenta yu'un ya xmuc'ubic a soc ya staic bendición a te mach'atic ya yaiybeyex stojol te ac'ope.

Efesios 4:29 Referans Kwoze

Colosenses 4:6

Bayeluc me yutsil ac'opic ya xc'opojex, ayuc me yats'amul, scuenta yu'un yac ana'ic bin ut'il yac ajac'beyic sc'opic ta jujutuhl.

1 Tesalonicenses 5:11

Ha yu'un talel c'axel me xamuc'ubtesbe aba q'uinal awa'iyic soc talel c'axel me xawa'be aba yip awo'tanic, hich nix te bin ut'il yac apasbelique.

Eclesiastés 10:12

Ay yutsil te c'op ya xloc' ta ye te mach'a ay sp'ijil yo'tan, yan te sc'op te mach'a ma sna' q'uinal ha nix ya xjihnot yu'un.

Proverbios 15:7

Te mach'atic p'ij yo'tanic ya spuquic ta halel p'ijil c'op; ma hichuc te mach'atic ma sna'ic q'uinal.

Proverbios 12:13

Te mach'a chopol yo'tan, ha nix ya schuc sba ta slot; yan te mach'a toj yo'tan ya xloc' ta wocol.

San Mateo 5:16

Hich me yac asacubtes q'uinal ta stojol te ants-winiquetic, scuenta yu'un ya yilic te lec awa'telic soc hich ya yalbeyic yutsil sc'oblal a te Atatic ay ta ch'ulchan.

Proverbios 16:21

Te mach'a ay sp'ijil yo'tan ya xhalbot te ay sp'ijil, soc te schi'il c'op ya yac' te lec ya xc'oht ta o'tanil.

Isaías 50:4

Te Cajwaltic Jehová la yac' te hich ya xc'opojon te bin ut'il mach'a p'ijuben, scuenta yu'un ya jna' bin ya calbe te mach'atic luhbenique. Ta jujun sab ya stijbon hahchel jchiquin scuenta yu'un hich ya ca'iy te bin ut'il mach'a p'ijuben.

Salmos 52:2

Te awac' ha nax ya yal te bin chopol; ya xlo'loywan hich te bin ut'il navaja te huxbil ye.

Proverbios 15:23

Tse'el yo'tan te mach'a ya stahbe lec suhtib c'op; soc buen lec te c'op te ya yich' halel ta mero yorahil.

1 Pedro 2:12

Lecuc me bin yac apasic ta stojol mach'atic ma ba sch'uhunejic Dios, aunque ya yalbeyex ac'oblalic te ha chopol bintic yac apasic, ya me yilbeyex te lec awa'telic, hich ya yalbe yutsil sc'oblal te Dios te bin c'ahc'alil ya xtale.

San Lucas 4:22

Spisilic la yalbeyic lec sc'oblal soc xcham yo'tanic yu'un te yutsil sc'op te la yale. Hich la yalic: ¿Ma bal ha'uc te snich'an José? xchihic.

Salmos 5:9

Mayuc smelelil te bin ya yalic; nojel ta mulil te yo'tanique; ha jamal muquenal te yehic; ay bahba-c'op ta yehic.

1 Pedro 3:1

Ha nix hichex, antsetic, ac'a abahic ta cuentahinel yu'un te amamalalic, scuenta yu'un teme ay ma ba ya sch'uhunic te sc'op Dios, ya me sch'uhunic, ma ha'uc ta scuenta ac'opic, ha ta scuenta te bin yac apasic,

Efesios 4:16

te ha nix ta scuenta te spisil te baq'uet, te ts'acticlambil soc te junax c'ohem ta scuenta spisil te schihal, ha chican bin yilel ya'tel ta jujuchahp, ya xmuc'ub soc ya yich' yip ta scuenta c'uxul-o'tanil.

Efesios 4:12

scuenta yu'un ya schahpanic ta lec te mach'atic ch'uhltesbilic scuenta spasel te ya'tel Dios, scuenta yu'un ya yich' yip te sbaq'uetal Cristo,

Salmos 71:24

Sjunal c'ahc'al ya me yal te cac' te bin toj yac apas; como te mach'atic yo'tanuc ya yilbonic jwocol, la yich'ic q'uexlaltesel soc howijtesel.

Salmos 45:2

Ha'at c'ax hich at'ujbilal a te bin ut'il yantic winiquetic; c'ax t'ujbil c'opetic ya xloc' ta awe, yu'un Dios la ya'bat bendición sbahtel q'uinal.

2 Pedro 2:18

Ya xc'opojic ta toyba c'op soc tojol c'op, soc ta scuenta te bin chopol ya smulan ch'ich'-baq'uet ya smonic a te mach'atic ma to haluc ahnic loq'uel ta stojol te mach'atic howiyemic.

1 Corintios 14:19

pero ta iglesia ya jc'an te ho'p'ahluc nax ya xc'opojon soc te jpensar, scuenta sp'ijubtesel yantic, te bin ut'il te ya xc'opojon ta jpic soc ho'bahc' (10,000) ta p'ahl ta yan c'op.

Romanos 14:19

Ha yu'un ya me jt'untic bin ut'il ya xlahmaj q'uinal yu'un soc te talel c'axel ya quich'tic quiptic a.

Romanos 15:2

Jujutuhlotic ac'a jlehbetic te bin lec yo'tan yu'un te jpat-xuhctic, ha te bin lec ya xtuhun yu'une, yu'un hich ya yich' yipic a,

San Juan 1:37

C'alal hich la ya'iyic te cheb jnopojeletic yu'un, la st'unic bahel te Jesús.