Efesios 4:28 - Bible in Tzeltal Bachajón

²⁸ Te mach'a ya sna' elec', ma me xya'iyix elec', ac'a a'tejuc, ac'a spas ta sc'ab te bin lec ta pasel, scuenta yu'un hich ya sta a te bin ya ya'be te mach'a mayuc bin ay yu'une.

Nuevo Testamento Tzeltal de Amatenango

²⁸ Te machꞌa ya xꞌelkꞌaje, a me sjiles te elekꞌe, sok a me aꞌtejuk ta skꞌab ta spasel te tut leke. Yuꞌun jich me ay tut ya xjuꞌ ya yaꞌbe chꞌinuk te machꞌatik ay nesesidad yuꞌune.

Bible in Tzeltal de Oxchuc y Tenejapa

²⁸ Te mach'a ya x'elc'aje, ma me xyaiyix te elec'. Ac'a at'ejuc soc sc'ab ta spasel te bila lec ta pasele, swenta yu'un jich me ay bi ya xju' yu'un ya yac'bey te mach'a ay bila ma'yuc yu'une.

Efesios 4:28 Referans Kwoze

1 Timoteo 6:18

Halbeya mandar te ac'a spasic te bin lec, ha'uc me sc'uhlejalic te lequil a'teliletic, soc te bayeluc bintic ya yaq'uic soc orahuc ay bin ya sq'uebenic.

Gálatas 6:10

Ha yu'un, ha chican ban c'alal ya xhu' cu'untic, ac'a jpastic te bin lec ta pasel ta stojol spisil yantic, soc c'ax hich a ta stojol te mach'atic pajal ay sch'uhunel co'tantic soque.

Éxodo 20:15

Ma me xawa'iy elec'.

Zacarías 5:3

Hich la yalbon: Ha te schopol c'oblalil te ya xloc' bahel ta sba spisil te q'uinal; como spisil mach'atic ya x'elc'ajic ya me yich'ic jinel, hich te bin ut'il ya yal ta jehch te balbil hun, soc spisil mach'atic ay bin ya yalic ta jamal ta lot ya me yich'ic jinel, hich te bin ut'il ya yal ta yan jehch te balbil hune.

San Juan 12:6

Ma yu'unuc te ay ta yo'tan te pobrehetic te hich la yale, yu'un ha j'elec', como yich'oj te yawil taq'uin yu'unic soc ay ya sloq'ues te bin ya yich' otsesel tey a.

San Lucas 19:8

Tehc'aj te Zaqueo, la yalbe te Jesús: Ilawil, Cajwal, ya jq'uebembe pobrehetic ohliluc te jbiluque; soc teme ay mach'a jlo'loybeyej staq'uin, chaneb buelta sjol ya jsutbe, xchi.

Oseas 4:2

Ha nax ma jamaluc bin ya yal, ay lot, milaw, elec', antsiwej, soc bayel miltamba.

Jeremías 7:9

Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Éxodo 20:17

Ma me xbic'taj awo'tan yu'un te sna apat-axuhc: ma me xbic'taj awo'tan yu'un yihnam, ya'bat, scriada, j'a'tel-wacax, burro, o biluc ay yu'un te apat-axuhc, xchi.

2 Corintios 8:12

Como teme nahil ay sc'anojel awo'tanic te yac awaq'uic te mahtanil, ay ta cuenta te bin ay awu'unic, ma ha'uc te bin mayuc awu'unique.

2 Corintios 8:2

Aunque c'ax bayel swocolic ta uts'inel, ta scuenta bayel stse'elil yo'tanic soc aunque pobrehic, bayel bin la yaq'uic.

Romanos 12:13

A'beyahic bin ya xtuhun yu'un te mach'atic ch'uhltesbilic; ic'ahic ochel ta ana te mach'atic yan banti talemic.

San Juan 13:29

Te bin ut'il yich'oj te yawil taq'uin te Judas, ay la scuyic te halbot yu'un Jesús te yacuc sman tal te bin ya xtuhun yu'unic ta q'uin, o te ay bin ya xbaht ya'be jtebuc te pobrehetique.

San Lucas 3:8

Ac'a chicnajuc ta ilel ta awa'telic te suhtemix awo'tanic, ma me hichuc ya xhahch anop ta awo'tanic: Ha jtatcotic te Abraham, ma me xchihuquex, como ya calbeyex te Dios ya xhu' ya sc'atp'un ta yal-snich'an Abraham ha'i tonetic ini.

Proverbios 30:9

yu'un teme ya xnoj jch'uht ya wan jmucat ta co'tan, soc hich wan ya cal: ¿Mach'a a te Jehová? xchihon; o teme pobrehon ya wan ca'iy elec', hich ya jbohlc'optaybe sbihil te Dios cu'une.

Proverbios 28:13

Te mach'a ya smuc smul, ma xp'ohl te bintic ay yu'un, yan te mach'a ya yal ta jamal smul soc ya yihquitay spasel, ya me sta c'uxultayel.

Proverbios 14:23

Ta spisil te a'tel ay bin ya xloc' a, yan te tojol c'op ya yac' pobrehil.

Proverbios 13:11

Te c'ulejalil te ma lecuc tahbil, ya xpehc'aj bahel, yan te mach'a c'unc'un ya stsob, ya xmuc'ub bahel yu'un.

Job 34:32

A'bon quil te binti ma ba ya jta ta ilel; teme chopol bin jpasoj, ma ba ya jpasix yan buelta, xchihat bal ta stojol?

Éxodo 21:16

Te mach'a ya yelc'an loq'uel yan, teme ya schon o teme ay to ta sc'ab a ya xtahote, ya me yich' milel.

Proverbios 21:26

Sjunal c'ahc'al ya xbic'taj yo'tan, yan te mach'a toj yo'tan ma p'isbiluc ya yac' stuquel.

Proverbios 31:20

Ya sjam sc'ab ta stojol te pobre, ya shach sc'ab ta stojol te mach'atic mayuc bin ay yu'unic.

1 Corintios 4:12

Luhbenotcotic ta a'tel ta jc'abcotic; ya yalbotcotic chopol jc'oblalcotic, ya calbecotic lec sc'oblalic; c'alal ayotcotic ta uts'inel, ya xcuhch cu'uncotic.

Tito 3:8

Ha stojil c'op ini, soc ya jc'an te tulan sc'oblal yac awa'be sna'ic, scuenta yu'un te mach'atic sch'uhunejic Dios ya me ya'telinic spasel lequil a'teliletic, te ha lec soc te ya xtuhun yu'un te ants-winiquetique.

Tito 3:14

Te mach'atic pajal jch'uhunejtic Dios soc ya sc'an ya snopic spasel lequil a'teliletic ta stojol te mach'atic ay falta yu'unic, scuenta yu'un hich ay scuentahil te scuxlejalique.