Efesios 4:25 - Bible in Tzeltal Bachajón

²⁵ Ha yu'un ac'a hiluc awu'unic lot, ta smelelil c'op xac'oponic apat-axuhquic, como junax baq'uet ayotic ta jpisiltic.

Nuevo Testamento Tzeltal de Amatenango

²⁵ Jaꞌ yuꞌun jilesaik me te le-lote. Jaꞌ lek te jaꞌ ya awalik ta juju-tulex te tut batsꞌi jich ta stojol te ajoy ta genteile. Porke jpisiltik jun nax ayotik.

Bible in Tzeltal de Oxchuc y Tenejapa

²⁵ Jich yu'un ma me xapasiquix lot. Juju-jtulex c'opona abaic ta puro smelelil soc te apat-axujq'ue, yu'un jun nax ayotic ta jpisiltic.

Efesios 4:25 Referans Kwoze

Colosenses 3:9

Ma me xalotiy abahic, te bin ut'il la acholiquix loq'uel te apoco'-talelic soc te ya'tele,

Zacarías 8:16

Ha ya sc'an te yac apasic ini: Talel c'axel smelelil yac ac'opon abahic, a'iyahic chahpanwanej ta smelelil soc ta scuenta bin ya yac' lamal q'uinal ta ochibaletic yu'un te pueblohetic awu'unique.

Proverbios 12:22

Te Jehová ya yihlay te mach'atic ya ya'iyic lot, pero lec yo'tan yu'un te mach'atic stojil bin ya spasic.

Romanos 12:5

ha nix hichotic, aunque tsobolotic, junax jbaq'uetaltic ta scuenta Cristo, junax c'ohemotic.

Efesios 4:15

pero smelelil ya xc'opojotic ta scuenta sc'uxul co'tantic, spisil behbehucotic me ta muc'ubel ta stojol te Jolal, ha te Cristo,

Proverbios 12:17

Te mach'a melel ya xc'opoj, ha ya yal te bin toje, yan te lotil testigo ya ya'iy lot.

Proverbios 8:7

Ya cal bin smelelil, te que ya yihlay te bin chopol.

Proverbios 12:19

Te mach'a melel ya xc'opoj, stalel ya xhil sbahtel q'uinal, yan te mach'a ya ya'iy lot, jts'ihn nax ay stuquel.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Tito 1:2

te ha ya yac' smuc'ul co'tantic ta smahliyel te cuxlejal scuenta sbahtel q'uinal. Te Dios, te ma xya'iy lot, te c'alal ma to ayuc bintic ay a la yal ta jamal te ya me xchicnaj te cuxlejal ini,

1 Timoteo 4:2

Te bintic ya yaq'uic ta nopel ini ha ya xtal ta scuenta chebalc'optayel yu'un jlotetic, te tsajuben ta c'ahc' c'ohem te bin ya yal te yo'tanique.

Levítico 19:11

Ma xawa'iyic elec'; me xawa'iyic lot, soc ma me talel c'axeluc xalotiy abahic.

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.

1 Timoteo 1:10

j'antsiwejetic soc j'antsineletic, te mach'atic smohlol nix ta winiquil te ya sjoquin sbahic soc, te mach'atic ya snaq'uic ants-winiquetic, jlotetic soc mach'atic ya spasic lot ta stojol Dios, soc biluc yan te ya scontrahin te lequil nohptesel,

2 Corintios 7:14

Como te bin ut'il la jcalbe te Tito te buen lec ac'oblalic, ma ba la jta q'uexlal yu'un. Hich te bin ut'il melel spisil te bintic la jcalbeyex, ha nix hich melel te bin la jcalbe te Tito te buen lec ac'oblalique.

Tito 1:12

Ay hich yaloj jtuhl jalwanej yu'unic te jun slumalic soc: Te Cretahetic, stalel jlotetic, bohl chambahlametic, ch'ajic, bahem ta yo'tanic we'el uch'el, xchi sc'oblalic.

1 Corintios 10:17

Te bin ut'il junax te pan, ha nix hichotic te bin ut'il tsobolotic, junax baq'uet ayotic, como junax pan ya jwe'tic jpisiltic.

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

Zacarías 8:19

Hich yaloj te Jehová te scuentahinej spisil: Te scomel we'elil ta schanebal u, ta yo'ebal, shuquebal soc ta slajunebal u, ya xc'atp'uj ta tse'el-o'tanil soc yutsil-o'tanil, soc ta muc'ul q'uinetic yu'un te sna Judá. Ha yu'un c'uxuc ta awo'tanic te bin smelelil soc te lamal q'uinale.

Oseas 4:2

Ha nax ma jamaluc bin ya yal, ay lot, milaw, elec', antsiwej, soc bayel miltamba.

Isaías 63:8

Hich la yal: Melel ha pueblo cu'un, ha al-nich'anetic te ma xlo'loywanic, xchi. Hich Jcoltaywanej c'oht yu'unic.

Isaías 9:15

Te sjol, ha te mamaletic soc te mach'atic ich'bilic ta cuenta, te sne, ha te jalwanejetic te ya yaq'uic ta nopel lot.

Proverbios 21:6

Stsobel c'ulejalil ta scuenta lo'loywanej, ha sahb ehal te ma xhalaj soc ha yaquil te ya xlajinwan.

Proverbios 6:17

ha te toyba ta sit, ya'iyel lot, te c'abaletic te ya smilic mach'a mayuc smul,

Salmos 119:29

Ma xawac'on ta sbehlal lot; ta scuenta sc'uxul awo'tan a'bon jnop te Ley awu'une.

Salmos 52:3

C'ax hich c'ux ta awo'tan a te bin chopol te bin ut'il te bin leque, c'ax hich c'ux ta awo'tan a te lot te bin ut'il te smelelil c'ope. Selah

Efesios 5:30

como ho'otic yoc sc'abic te sbaq'uetal, ha sbaq'uetalotic soc sbaquelotic.

1 Reyes 13:18

Pero la sjac' te yane: Ha nix hichon jalwanejon yu'un Dios, hich te bin ut'il ha'at. Ay ch'ul a'bat te hich la yalbon ta scuenta smandar Jehová: Ic'a bahel ta we'el uch'el ta ana, xchi ta lot.

Éxodo 23:7

Namaluc me ya xhil awu'un te lotil c'op, soc ma me xawac' ta milel te mach'a mayuc smul soc te mach'a toj yo'tan, como ma ba ya cal te mayuc smul te mach'a chopole.

Salmos 15:2

Ha te mach'a jun ay te yo'tan soc te ya spas te bin toj, te melel bin ya yal te yo'tane;

Proverbios 24:28

Ma me xatojol lehbe smul apat-axuhc, ma me xawa'iy lot.

Efesios 4:22

Cholahic loq'uel te apoco'-talelic te bin ut'il ayex ta nahil to, te yac ta bohlobel ta scaj lo'loyel ta mulil;

Efesios 4:31

Jc'axel hiluc awu'unic spisil lablab-o'tantaywanej, c'ahc'ubel, ilimba, utaw, ixta'c'op, soc spisil bintic chopol.

Colosenses 3:8

Pero yo'tic ihquitayahic spisil ini: ilimba, c'ahc'ubel, snopel spasel bin chopol, bohlc'optaywanej soc ixta'c'op.

Hebreos 12:1

Ha yu'un, te bin ut'il joytaybilotic yu'un tsobol ta tuhl testigohetic, ac'a quihquitaytic hilel spisil te bin ya smacotic soc te bin mulil ya sbech'otic, junuc co'tantic ac'a ahnumajucotic bahel te banti bahel yacotic,

Santiago 1:21

Ha yu'un ihquitayahic spisil bin bohloben soc te bayel bin chopol ta pasele; peq'ueluc me awo'tanic xawich'ic te c'op ts'umbil ta awo'tanic, te ha ya xhu' ya xcol ach'uhlelic yu'un.

1 Pedro 2:1

Ha yu'un jc'axel me ac'a hiluc awu'unic spisil bintic chopol, lo'loyel, chebal-o'tanil, ti'ti'o'tantaywanej, soc spisil lehaw ta c'op.

Jueces 16:11

Teme ya schuconic ta tulan ta yach'il lazohetic te mayuc tuhumbil, hich ya xlaj quip soc hich ya xc'ohon te bin ut'il yantic winiquetic, xchi te Samsón.