Efesios 4:22 - Bible in Tzeltal Bachajón

²² Cholahic loq'uel te apoco'-talelic te bin ut'il ayex ta nahil to, te yac ta bohlobel ta scaj lo'loyel ta mulil;

Nuevo Testamento Tzeltal de Amatenango

²² Te tutꞌil ay te antibo akuxlejalike, jilesaik ta pasel te kꞌaꞌ kuxlejal yuꞌun atiꞌbalulik te makꞌ xtuune, yuꞌun loꞌlabilex yuꞌun te tut ma tsaꞌamuk ya skꞌan awoꞌtanike.

Bible in Tzeltal de Oxchuc y Tenejapa

²² Ijq'uitayaic me te apocol cuxlejalic jich te bit'il ayex ta neelal toe. Melel spisil boloben te apocol cuxlejalique, yu'un c'aemix abaq'uetalic a te mulile.

Efesios 4:22 Referans Kwoze

Romanos 6:6

Jna'ojtic te pajal ac'ot ta lajel ta cruz soc Cristo te jpoco'-taleltic, scuenta yu'un ya xlaj te baq'uet yu'un mulil, scuenta yu'un ma ba ya cac' jbahtiquix ta a'batinel yu'un te mulile,

Hebreos 12:1

Ha yu'un, te bin ut'il joytaybilotic yu'un tsobol ta tuhl testigohetic, ac'a quihquitaytic hilel spisil te bin ya smacotic soc te bin mulil ya sbech'otic, junuc co'tantic ac'a ahnumajucotic bahel te banti bahel yacotic,

Santiago 1:21

Ha yu'un ihquitayahic spisil bin bohloben soc te bayel bin chopol ta pasele; peq'ueluc me awo'tanic xawich'ic te c'op ts'umbil ta awo'tanic, te ha ya xhu' ya xcol ach'uhlelic yu'un.

Hebreos 3:13

Jujun c'ahc'al talel c'axel a'beya abahic yip awo'tanic, te c'alal yac to ta halel: Yo'tic, te xchihe, scuenta yu'un ma me ayuc mach'a ya xtulanub yo'tan ta scuenta lo'loyel yu'un mulil,

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

Efesios 4:25

Ha yu'un ac'a hiluc awu'unic lot, ta smelelil c'op xac'oponic apat-axuhquic, como junax baq'uet ayotic ta jpisiltic.

1 Pedro 4:3

Tic'uquix a te yorahil te c'axix awu'unic ta spasel te bin ya smulanic spasel te mach'atic ma ba ya sna'be sba te Diose, ha te ma q'uexlalil, chijil-o'tanil, yacubel, pas-q'uin, yac'oltayel q'uinal, soc sch'uhuntayel lotil diosetic te ihlaybilique.

Efesios 4:17

Hich ya calbeyex soc hich ya jpasex ta mandar ta scuenta te Cajwaltic, te ma me hichuc atalelic te bin ut'il stalel te jyanlumetic, te biluc nax ya slomic ta pasel ta scaj te ma sna'ic q'uinal,

2 Pedro 2:13

Ya me yich'beyic stojol te bintic ma stojiluc la spasic. Ya smulanic spasel ta c'ahc'alel te bintic chopol. Ha sbohlilic soc yabaquilic, ha te mach'atic te c'alal ya sjoquinex ta we'el uch'el ya smulanic spasel bintic chopol.

1 Pedro 1:18

como ana'ojic te ma ha'uc ta scuenta bin ya xlaj, hich te bin ut'il oro o plata, te mambilex loq'uel tal ta apoco' talelic te mayuc scuentahil, te awich'ojic yu'un te ame'atatique,

Colosenses 2:11

Ha nix ta scuenta te la awich'ic te circuncisión te ma pasbiluc ta c'abal, awich'ojic te circuncisión yu'un Cristo, ha te hilix awu'unic te apoco'-talelic yu'un mulil.

Proverbios 11:18

Te mach'a chopol yo'tan, ya sta stojol ya'tel te ma stojiluc, yan te mach'a ya sts'un bin stojil ta pasel, ya me yich' smahtan.

Job 22:23

Teme yac apehc'an aba soc teme ya suhtat ta stojol te Mach'a spisil ya xhu' yu'un, soc yac aloq'ues ta anahilpac' te bin chopole,

Efesios 2:3

Ta jpisiltic hich nix tey cuxajotic ta nahil to a, ha baht ta co'tantic spasulanel te bintic la smulan spasel te jpoco'-taleltic yu'un mulil, la jpasbetic te bintic la sc'an yo'tan soc te bintic la snop. Ta scuenta te jtaleltic ini ayotic ta scuenta yich'beyel te yilimba Dios, hich te bin ut'il te yantique.

Abdías 1:3

Ha la slo'loyat te stoybahil awo'tan, ha'at te nahinemat ta jamajtic tontiquil, te nahinemat ta toyol, te hich yac awal ta awo'tan: ¿Mach'a ya sjinon cohel ta lum? xchihat.

2 Pedro 2:7

Pero la scoltay loq'uel te Lot, te toj ta winiquil, te bayel la smel yo'tan yu'un te bintic chopol la spasic te mach'atic chopol yo'tanic,

Jeremías 49:16

Ha la slo'loyat te atoybahil soc te stoybahil te awo'tane. Ha'at te nahinemat ta c'ubul tontiquil, te ha awu'un te stoyolil te witsiltic, aunque toyol yac apas apechech hich te bin ut'il muc'ul jxic, tey ya jcohtesat a, xchi te Jehová.

Gálatas 1:13

Awa'iyejic bin ut'il ay jcuxlejal ta nahil to te c'alal ayon ta scuenta judío, ha te bayel la jcuts'inlan te iglesia yu'un Dios, jc'axel c'an jlajin.

1 Samuel 1:14

Ha yu'un te Elí la yalbe: ¿Bin to ora ya xlaj awo'tan ta yacubel? Ihquitaya te vino awu'un, la yut.

Romanos 7:11

como te mulil, te bin ut'il la stuhun te mandaril, la slo'loyon soc la yac'on ta lajel ta scuenta.

Santiago 1:26

Teme ay mach'a sch'uhunej Dios ta sc'op, pero teme ma ba ya scom ye, ya slo'loy sba ta yo'tan, tojol te sch'uhunej Dios ya yale.

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

2 Corintios 11:3

Pero hich te bin ut'il te chan la smombe yo'tan ta lo'loyel te Eva, ya jxi' te ay wan bin ut'il ya showiytesbeyex te snopojibal awu'unic, te hich ma junuquix awo'tanic ta stojol Cristo.

Efesios 4:31

Jc'axel hiluc awu'unic spisil lablab-o'tantaywanej, c'ahc'ubel, ilimba, utaw, ixta'c'op, soc spisil bintic chopol.