Efesios 4:18 - Bible in Tzeltal Bachajón

¹⁸ te ay ta yihc'al q'uinal te spensaric soc namal ayic ta stojol te cuxlejal yu'un Dios ta scaj te ma sna'ic q'uinal, ta scaj te tulan te yo'tanique.

Nuevo Testamento Tzeltal de Amatenango

¹⁸ sok te ijkꞌuben ay te yoꞌtanike. Te stukelike makꞌ skꞌupinik te xkuxlejalik te ya xtal ta stojol te Diose. Porke yuꞌun ma snaꞌik kꞌinal ta skaj te stulanil yoꞌtanike.

Bible in Tzeltal de Oxchuc y Tenejapa

¹⁸ Ay ta ijc' q'uinal te yo'tanique. Ma'yuquic ta stojol te Diose yu'un ma'yuc bi ya sna'ic ta scaj te boloben te yo'tanique.

Efesios 4:18 Referans Kwoze

San Mateo 13:15

como tonoben yo'tanic ha'i pueblo ini, wocol ya x'och c'op ta schiquinic, soc smuts'oj sitic; scuenta yu'un ma ba ya yilic ta sitic, ma ba ya ya'iyic ta schiquinic, ma ba ya xc'oht ta yo'tanic, soc ma ba ya suhtes yo'tanic, te ya jlecubtes te hichuque, te xchihe.

Efesios 2:12

Ta hich ora mayuquex ta stojol te Cristo, ma junuc alumalic soc te Israel, ma ba ochemex tey ta chapbil-c'opetic yu'un te bin yaloj Dios, mayuc smuc'ul awo'tanic soc ma ba joquimbilex yu'un Dios ta bahlumilal.

San Juan 12:40

La smacbe sitic soc la stonobtesbe yo'tanic, scuenta yu'un ma xyilic q'uinal ta sitic, soc ma xc'oht ta yo'tanic, soc ma ba ya suhtes yo'tanic, te hich ya jlecubtes te hichuque, xchi.

1 Tesalonicenses 4:5

ma ha'uc soc chijil-o'tanil, hich te bin ut'il ya spasic te jyanlumetic te ma ba ya sna'beyic sba te Diose;

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

Colosenses 1:21

Ha nix hichex, ta nahil to namal ayex ta stojol Dios soc ha scontrahex ta scaj apensaric soc ta scaj chopol awa'telic,

1 Juan 2:11

Yan te mach'a ya sp'aj te yermano, ay ta yihc'al q'uinal, soc yac ta behel ta yihc'al q'uinal, ma sna' banti ya xbaht, como ha macbibil sit yu'un te yihc'al q'uinale.

Gálatas 4:8

Ta nahil to, te c'alal ma ba la ana'beyic sba te Diose, ayex ta mosohil yu'un bintic ma ha'uc diosetic.

Romanos 11:25

Quermanotac, ma jc'an te ma ba yac ana'ic bin ut'il ay ini te bin mayuc ta na'el ta namey, scuenta yu'un ma ba yac acuy abahic ta p'ij: Ta Israel ay banti tonob yo'tanic ha to c'alal ts'acay ochel te jyanlumetique.

Romanos 1:28

Ta scaj te bin ut'il ma ba la sc'an la sna'beyic sba te Diose, hich ac'otic yu'un Dios te ya xbohlob spensaric, yu'un ya spasic te bin ma hichuc ya sc'an pasele.

Hechos 17:30

Ta namey mayuc ta cuenta yu'un Dios te bin ut'il ma ba la sna'ic q'uinal, pero yo'tic yaquix spasbel ta mandar spisil ants-winiquetic ta bayuc te ac'a suhtes yo'tanic;

1 Corintios 1:21

Ta scuenta sp'ijil yo'tan Dios, ma ba la sna'be sba Dios ta scuenta sp'ijil mach'atic ayic ta bahlumilal; lec la ya'iy Dios te ya yac' coluc te mach'atic ya sch'uhunic ta scuenta yalel sc'op Dios te cuybil ta howil c'ope.

Romanos 2:19

yac awal aba te ha'at jtojobteswanejat yu'un ts'o'sitetic soc sacal q'uinalat ta stojol te mach'atic ayic ta yihc'al q'uinal,

San Marcos 3:5

Ilinem a te Jesús la yilticlan ta sjoyobal, la smel yo'tan ta scaj te tulan yo'tanic, hich la yalbe te winique: Xach'a ac'ab, la yut. Hich la xach' sc'ab, lecub te sc'abe.

Daniel 5:20

Pero c'alal la stoy sba soc te tulan la yac' sba yu'un te stoybahil, la yich' loq'uesel ta shuctajib soc la yich' pojbeyel te yutsilale.

Salmos 74:20

Na'a me te chapbil-c'op awu'un, como te ihc'al q'uinaletic ta bahlumilal nojelic ta uts'inel tey a.

2 Corintios 3:14

Pero mahc te spensaric, como c'alal ora yo'tic, te c'alal ya yilic te namey chapbil-c'op, ha nix hilem te pac' te mucul sit yelawic a, te ha ta scuenta Cristo ya yich' loq'uesel.

Isaías 25:7

Ta wits ini ya sjin te pac' te smucoj spisil te pueblohetic, te pac' te spotsoj spisil te nacionetique.

Hechos 3:17

Yo'tic, quermanotac, ya jna' te hich la apasic ta scaj te ma ba la ana'ic, soc ha nix hich te principaletic awu'unique.

Romanos 11:7

¿Bin ut'il ay a hiche? Te bin yac slehbel te Israel ma ba la stahic, pero te mach'atic tsahbilic yu'un Dios la stahic stuquelic, pero te yantique, tonob yo'tanic,

1 Corintios 2:8

Ma ba la sna'beyic scuentahil jtuhluc te mach'atic ay ya'telic ta bahlumilal, como te lajuc sna'beyic scuentahil, ma ba la yaq'uic ta milel ta cruz te Cajwaltic te ay yutsilal te hichuque.

Efesios 2:1

Ta nahilal chamenex ta scaj ac'axun-mandaric soc amulic,

Hebreos 5:2

Ya xhu' ya xcuhch yu'un te mach'atic ma sna'ic stsahtayel sbahic soc te mach'atic ya xhowiyic, como ha nix hich mayuc yip,

Hebreos 9:7

Pero ta scha'tsahlal junax buelta ta jujun ha'bil ya x'och tey a te muc'ul sacerdote, ya yich' ochel ch'ich' te ya yac' ta stojol Dios yu'un stojel smul soc yu'un smul te pueblo te ma yolojuc la spasique.

1 Pedro 1:14

Te bin ut'il al-nich'anex te yac ach'uhunic mandar, ma me pajaluc awo'tanic soc te bin la amulanic spasel ta nahil to te c'alal ma to ana'ojic q'uinal a.

Levítico 11:16

te avestruz-mut, muc'ul xcuj, saquil pechul-ha', spisil ta chahp jxiquetic,

Ezequiel 14:5

Hich ya jpas scuenta yu'un ya jcha'cuentahimbe xan yo'tan te sna Israel, te bin ut'il spisilic yihquitayejonic hilel ta scaj te loc'ombahetic yu'unique.