Efesios 4:17 - Bible in Tzeltal Bachajón

¹⁷ Hich ya calbeyex soc hich ya jpasex ta mandar ta scuenta te Cajwaltic, te ma me hichuc atalelic te bin ut'il stalel te jyanlumetic, te biluc nax ya slomic ta pasel ta scaj te ma sna'ic q'uinal,

Nuevo Testamento Tzeltal de Amatenango

¹⁷ Jich yuꞌun ya kalbeyex y ya jpasex ta mantal ta skuenta te Kajwaltike: Te ma me jichukix ya xꞌanex te tutꞌil yanetik genteetike te ma xchꞌuunejikuk te Diose, te jaꞌ nax ya spasik te tut ya snop ta jowil nax spensarike,

Bible in Tzeltal de Oxchuc y Tenejapa

¹⁷ Jich yu'un ya calbeyex mandal ta swenta sbiil te Cajwaltique: Ma me jichuc cuxulex ta q'uinal te bit'il te mach'atic ma ba xch'uunejic te Diose, te ja' nax cuxulic ta spasel te bila snopoj ta yo'tanic te xujt' ma'yuc swentaile.

Efesios 4:17 Referans Kwoze

Romanos 1:21

Aunque la sna'beyic sba te Diose, ma ba la yich'ic ta muc' te bin ut'il ha Dios soc ma ba la yalbeyic wocol, pero bohlob spensaric soc ihc'ub te sonso yo'tanique.

2 Pedro 2:18

Ya xc'opojic ta toyba c'op soc tojol c'op, soc ta scuenta te bin chopol ya smulan ch'ich'-baq'uet ya smonic a te mach'atic ma to haluc ahnic loq'uel ta stojol te mach'atic howiyemic.

Colosenses 2:4

Hich ya calbeyex scuenta yu'un mayuc mach'a ya slo'loyex ta scuenta t'ujbil c'opetic te ya xlo'loywane.

1 Pedro 1:18

como ana'ojic te ma ha'uc ta scuenta bin ya xlaj, hich te bin ut'il oro o plata, te mambilex loq'uel tal ta apoco' talelic te mayuc scuentahil, te awich'ojic yu'un te ame'atatique,

Hechos 20:21

Jamal la jcalbe ya'iyic judíohetic soc jyanlumetic bin ut'il ya sc'an ya suhtes yo'tanic ta stojol Dios soc bin ut'il ya sc'an ya sch'uhunic te Cajwaltic Jesucristo.

Hechos 18:5

C'alal hulic te Silas soc Timoteo te talic ta Macedonia, ya'telinej yalel sc'op Dios a hul stahic te Pablo, yac yalbebel te judíohetic te ha Cristo te Jesús.

Hechos 14:15

Winiquetic, ¿bin yu'un hich yac apasic? Pajal winicotic. Ha yac calbelex awa'iyic te yacuc xhil awu'unic te bin mayuc scuentahil ini, te yacuc asuhtes awo'tanic ta stojol te cuxul Dios te la spas ch'ulchan, bahlumilal, mar soc spisil bintic ay tey a.

Jeremías 42:19

Te Jehová la yalbeyex, ha'ex te hilemex yu'un Judá: Ma me xbahex ta Egipto, xchi. Na'ahic me te la jca'beyex ana'ique.

2 Timoteo 4:1

Ta stojol Dios soc ta stojol te Cajwaltic Jesucristo, te ya me yich' ta c'op te mach'atic cuxajtic soc mach'atic chamenic c'alal ya xchicnaj tal ta cuentahinwanej, ya ca'bat apas ini:

1 Timoteo 6:13

Ya calbat mandar ta stojol Dios, te ha ya ya'be scuxlejal spisil bintic ay, soc ta stojol te Jesucristo, te la yal lequil testigo-c'op ta stojol te Poncio Pilato,

1 Timoteo 5:21

Ya calbat tulan mandar ta stojol Dios soc te Cajwaltic Jesucristo soc ta stojol te tsahbil ch'ul a'batetic, te ya me apas spisil ini, ma me tsahbiluc nax mach'a yac ac'uxultay.

1 Tesalonicenses 4:6

soc ma me ayuc mach'a ya spasbe te yermano te bin chopol o te hich ya slo'loy, como te Cajwaltic ha jpac-c'abal yu'un spisil ini, hich te bin ut'il la jcalbeyexcotic soc la jca'beyexcotic ana'ic.

Colosenses 2:18

Ma me xawac' spojbeyex te premio awu'unic te mach'a sp'isoj sba te peq'uel ay soc te ya sch'uhuntay ch'ul a'batetique. Ha ya slom ta halel te bin ma ba yiloj, tojol ya stoy sba yu'un te bin snopoj ta scuenta ch'ich'-baq'uet;

Efesios 4:22

Cholahic loq'uel te apoco'-talelic te bin ut'il ayex ta nahil to, te yac ta bohlobel ta scaj lo'loyel ta mulil;

Efesios 1:22

Dios la yac' ta ye'tal yoc te Cristo spisil bintic ay, soc ta scuenta te iglesia la yac' te ha jolal c'oht yu'un spisil bintic ay.

Gálatas 5:3

Yan buelta ya cal, spisil winiquetic te ya yac' sbahic ta a'beyel circuncisión, ya sc'an ya spas spisil bin ya yal te Ley.

Gálatas 3:17

Ha yu'un ya cal ini: Te Ley te tal jbahc' soc lajuneb scha'winic (430) ha'bil ta patil ma xhu' ya slajimbe sc'oblal te chapbil-c'op nahil schapoj te Dios, te hich ya slajin bin yaloj te Diose;

2 Corintios 9:6

Na'ahic ini: Te mach'a jteb nax bin ya sts'un, jteb nax bin ya stsob, soc te mach'a bayel bin ya sts'un, bayel bin ya stsob.

1 Corintios 15:50

Pero ya calbeyex, quermanotac, te ch'ich'-baq'uet ma xhu' ya x'a'bot yich' te cuentahinel yu'un Dios, soc te bin scuenta c'a'el ma xhu' ya x'a'bot yich' te bin ma xc'a'e.

1 Corintios 1:12

Ay laj hich yac awalic: Ho'on jt'unoj te Pablo; o: Ho'on jt'unoj te Apolos; o: Ho'on jt'unoj te Cefas; o: Ho'on jt'unoj te Cristo, ay laj xchihex.

Hechos 2:40

Bayel to xan bintic halbotic yu'un soc tsitsotic yu'un, hich la yal: Coltaya loq'uel abahic ta yohlil te chopol jcaj ts'umbalil ini, xchi.

Nehemías 13:15

Ta hich ora la jquil ta Judá te ay mach'atic ya sp'e' ta yoquic sts'usubic ta sc'ahc'alel cux-o'tan, ya scuchic tombil trigohetic, ya ya'beyic scuch vino, ts'usubetic, higohetic soc spisil yantic ihcatsiletic te burrohetic yu'unic, ya yich'ic bahel ta Jerusalén ta sc'ahc'alel cux-o'tan. Ha yu'un la jtijticlan ta c'op yu'un te yacalic ta chombajel ta c'ahc'al ini.

San Lucas 16:28

yu'un ay to ho'tuhl quermanotac, ac'a yalbe ya'iyic scuenta yu'un ma ba ya xtalic li' ta banti ay tulan wocol, xchi.

Levítico 15:18

Te c'alal ya sjoquin sbahic ta wayel te winic soc ants, teme loc' te snich'an, ya me x'atinic, bohloben sc'oblal ya xhilic c'alal yihc'ubel q'uinal.

Deuteronomio 27:10

A'iya me awa'iy hiche te sc'op Jehová te Dios awu'un, ya me apas spisil te mandariletic soc te bintic chapal yu'un, te yo'tic yac jpasbelat ta mandar, xchihic.