Efesios 4:12 - Bible in Tzeltal Bachajón

¹² scuenta yu'un ya schahpanic ta lec te mach'atic ch'uhltesbilic scuenta spasel te ya'tel Dios, scuenta yu'un ya yich' yip te sbaq'uetal Cristo,

Nuevo Testamento Tzeltal de Amatenango

¹² Jich la xchap te ay machꞌatik ya skoltay te yanetik yuꞌun ya smukꞌutes te machꞌatik yuꞌun te Cristoe.

Bible in Tzeltal de Oxchuc y Tenejapa

¹² Swenta yu'un jich me ya xtojobic a te mach'atic ch'ul lum yu'un Dios te ya spasic te at'ele, soc swenta yu'un jich me ya xmuc'ub a te jch'uunjeletic yu'un te Cristoe.

Efesios 4:12 Referans Kwoze

Efesios 4:16

te ha nix ta scuenta te spisil te baq'uet, te ts'acticlambil soc te junax c'ohem ta scuenta spisil te schihal, ha chican bin yilel ya'tel ta jujuchahp, ya xmuc'ub soc ya yich' yip ta scuenta c'uxul-o'tanil.

1 Corintios 12:27

Ha'ex sbaq'uetalex Cristo soc jujutuhlex yu'unex te sbaq'uetal.

Romanos 15:14

Quermanotac, sch'uhunej co'tan te ay bayel yutsil awo'tanic soc te ay bayel bin ana'ojic, hich talel c'axel ya xhu' yac anohptes abahic.

1 Corintios 14:26

¿Bin ya caltic yu'un, quermanotac? C'alal yac atsob abahic, jujutuhlex ayuc c'ayoj awu'unic, ayuc p'ijubtesel awu'unic, ayuc mach'a ya yac' ta na'el bin a'bot sna' yu'un Dios, ayuc mach'a ya xc'opoj ta yan c'op, soc ayuc mach'a ya sc'ases. Spisil me xapasic scuenta yu'un ya yich' yip awo'tanic a.

Romanos 14:19

Ha yu'un ya me jt'untic bin ut'il ya xlahmaj q'uinal yu'un soc te talel c'axel ya quich'tic quiptic a.

1 Timoteo 1:12

Ya calbe wocol te Cajwaltic Cristo Jesús te la ya'bon yip co'tan, como la yil te jun co'tan, hich la ya'bon quich' ca'tel ta stojol,

1 Corintios 14:12

Ha nix hichex; te bin ut'il yac ac'anic te mahtaniletic yu'un te Espíritu, ha me xac'anic te mahtaniletic te ya ya'be yip te iglesia.

Hebreos 13:17

Ch'uhumbeyahic smandar te mach'atic scuentahinejex, ac'a abahic ta cuentahinel yu'unic, como hich ya scanantaybeyex ach'uhlelic te bin ut'il mach'atic ya yaq'uic cuenta te ya'telique. Hich me xapasic scuenta yu'un tse'el yo'tanic ya x'a'tejic, te ma x'aletuc yo'tanic awu'unic, como mayuc bin lec yac atahic yu'un.

Hebreos 6:1

Ha yu'un ac'a hiluc cu'untic te bintic shahchibal ay ta nopbeyel sc'oblal Cristo, behbehucotic me ta muc'ubel bahel, ma me jcha'pastic xan te yich'o-ip, ha te suhtesel-o'tanil yu'un a'teliletic te ya x'ac'awan ta lajel, te sch'uhunel Dios,

2 Corintios 6:3

Mayuc mach'a ya ca'becotic te ya sc'ohchin sbahic a, scuenta yu'un ma ba ya xbohlob sc'oblal te ca'telcotic ta stojol Dios.

2 Corintios 5:18

Ta spisil ini talem ta stojol Dios, te la yac' te jun co'tan jbahtic c'ohotic soc ta scuenta Cristo, soc la ya'botic ca'teltic yu'un te junuc yo'tan sbahic ya xc'oht soc Dios te yantique.

San Lucas 22:32

pero la jc'ambeyix Dios te manchuc ya xch'ay sch'uhunel awo'tan; soc c'alal suhtematix tal a, a'beya yich' yip yo'tan te awermanotaque, xchi.

2 Timoteo 4:5

Yan te ha'ate, na'a me stsahtayel spisil, cuhchuc me awu'un awocol, puca bahel te lec yach'il c'op, hu'tesa spisil te awa'tele.

Colosenses 4:17

Halbeyahic te Arquipo: Ilawil te yacuc ahu'tes te awa'tel la ya'bat te Cajwaltique, xchihanic.

Colosenses 1:28

Ha yu'un ya calbecotic sc'oblal te Cristo; ta scuenta spisil p'ijil-o'tanil ya jtsitsbecotic soc ya jnohptescotic spisil ants-winiquetic, scuenta yu'un spisilic ay yipic a ya cac'cotic stehc'an sbahic ta stojol Cristo.

Colosenses 1:24

Yo'tic tse'el co'tan yu'un te bin c'ax jwocol ta acuentahic soc te ya jts'acaytes ta jbaq'uetal te bin xan ya sc'an te ya xc'ax swocol Cristo yu'un te sbaq'uetal, ha te iglesia.

Efesios 1:23

Te iglesia ha sbaq'uetal Cristo, ha te ya sts'acay te Mach'a ts'acal ya snojes spisil.

2 Corintios 12:19

¿Yu'un bal acuyojic te yac nax jcoltaybel jbahcotic ta c'op a? Ta stojol Dios c'opojemotcotic ta scuenta Cristo. Quermanotac te c'uxex ta co'tancotic, spisil te bintic ya jpascotic, yu'un hich ya yich' yip awo'tanic a.

2 Corintios 7:1

Ha yu'un, quermanotac te c'uxex ta co'tane, te bin ut'il hich halbilotic yu'un Dios, ac'a jpoc jbahtic yu'un spisil bintic bohloben ta jbaq'uetaltic soc ta co'tantic; behbehuc me ac'a quich'tic ch'ultesel ta scuenta yich'el ta muc' te Diose.

2 Corintios 4:1

Ha yu'un te bin ut'il quich'ojcotic te a'tel ini ta scuenta te sc'uxul yo'tan Dios, ma xpehc'aj co'tancotic.

2 Corintios 3:8

¿ma bal c'axuc to xan hich yutsilal a te ya'tel te Espíritu?

1 Corintios 14:14

Teme ya jc'opon Dios ta c'op te ma na'biluc, ha ya sc'opon Dios te jch'uhlel, yan te jpensar mayuc bin ya sta a.

Romanos 15:29

Ya jna' te c'alal ya xbohon te banti ayex, ya xc'ohon soc bayel bendición yu'un te lec yach'il c'op yu'un Cristo.

Romanos 15:2

Jujutuhlotic ac'a jlehbetic te bin lec yo'tan yu'un te jpat-xuhctic, ha te bin lec ya xtuhun yu'une, yu'un hich ya yich' yipic a,

Romanos 12:7

teme a'batinel, ac'a yac' sba ta a'batinel; te mach'a ya xp'ijubteswan, ac'a ya'iy p'ijubteswanej;

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

Hechos 20:24

Pero mayuc sc'oblal ta co'tan te jcuxlejal, ha nax ay sc'oblal te yacuc xhu' cu'un slajinel soc yutsil co'tan te ahnimal soc te ca'tel quich'oj yu'un te Cajwaltic Jesús, ha te yalbeyel sc'oblal te lec yach'il c'op yu'un te yutsil yo'tan te Diose.

Hechos 11:23

C'alal c'oht tey a te Bernabé, tse'el yo'tan yu'un te c'alal la yil te yutsil yo'tan Dios; la stsitsticlan te junuc me yo'tan ya x'ayinic ta stojol te Cajwaltique.

Hechos 9:31

Hich lamal q'uinal la ya'iyic te iglesiahetic ta spahmal sq'uinal Judea, Galilea soc Samaria; behbe yich'bel yipic soc spisil ora la yich'ic ta muc' Cajwaltic, soc behbe p'ohlel soc yich'bel yip yo'tanic ta scuenta te Ch'ul Espíritu.

Hechos 1:25

scuenta yu'un ya yich' ya'tel ta jpuc-c'op awu'un, te ha ch'ay yu'un te Judas ta scaj smul, yu'un ya xbaht ta lugar yu'un, xchihic.

Hechos 1:17

ha te mach'a la sjoquinotic soc te pajal la jquich' ca'teltic soque.

2 Timoteo 4:11

Ha xanix sjoquinejon te Lucas. Ic'a tal ajoquin te Marcos, yu'un ya xtuhun cu'un ta spasel te a'tele.

Efesios 4:29

Ma me xloc' bohlc'op ta awehic, ha'uc nax lequil c'op te ya xtuhun scuenta ya'beyel yipic te yantic, scuenta yutsil slequil te mach'a ya ya'iybeyex ac'opique.

Efesios 4:4

Junax baq'uet soc junax Espíritu, hich te bin ut'il junax te bin smuc'ulinej co'tantic te ha ic'bilex yu'une,

2 Corintios 13:9

Ha yu'un tse'el co'tancotic te c'alal mayuc quipcotic, pero te ay awipic te ha'exe; soc ya jc'opombeyex Dios yu'un te lecuc ya xc'ohex.

1 Corintios 12:7

Pero ta jujutuhl ya x'a'bot chicnajuc te ya'tel te Espíritu scuenta yutsil slequil spisilic.

Romanos 12:5

ha nix hichotic, aunque tsobolotic, junax jbaq'uetaltic ta scuenta Cristo, junax c'ohemotic.

2 Corintios 13:11

Ta slajibal, quermanotac, tse'eluc me awo'tanic, lecuc me ya xc'ohex, ayuc smuc'ul awo'tanic, junuc me awo'tan abahic soc lamaluc me q'uinal ya xcuxajex; hich me ya sjoquinex te Dios yu'un lamal q'uinal soc te ay sc'uxul yo'tane.