Efesios 4:1 - Bible in Tzeltal Bachajón

¹ Ho'on te ayon ta chuquel ta scuenta te Cajwaltic, ya calbeyex bayel wocol te hichuc ya xcuxajex a te bin ut'il pasel ya sc'an yu'un te ic'bilexix yu'un Dios.

Nuevo Testamento Tzeltal de Amatenango

¹ Jaꞌ yuꞌun te joꞌone te ayon ta prexo ta skaj te Kajwaltike, ya kalbeyex awokolikuk te lekuk ya xꞌanex, jich tutꞌil ya skꞌan ya spasik te machꞌatik ikꞌbilix yuꞌun te Diose, jich tutꞌil te jaꞌexe.

Bible in Tzeltal de Oxchuc y Tenejapa

¹ Jo'on ayon ta chuquel ta swenta te Cajwaltique, ya calbeyex bayal wocol te lec me xcuxinex ta q'uinal te bit'il ic'bilex yu'un te Diose.

Efesios 4:1 Referans Kwoze

Colosenses 1:10

Hich ya xhu' ya x'ayinex te bin ut'il ya sc'an te Cajwaltic, te lecuc yo'tan awu'unic spisil, te yac awaq'uic sit ta scuenta spisil lequil a'teliletic soc behbe yac ana'beyic xan sc'oblal te Diose.

Filipenses 1:27

Ha nax ya calbeyex wocol te hichuc ya x'ayinex te bin ut'il ya sc'an te lec yach'il c'op yu'un Cristo, scuenta yu'un teme ya xtal quilex o ma ba ya xtal quilex, ya me ca'iybeyex ac'oblalic te jun awo'tan abahic soc te pajal yaquex ta ya'beyel yipal yu'un sch'uhunel te lec yach'il c'op,

1 Tesalonicenses 2:12

Soc tulan sc'oblal la jcalbeyexcotic te hich me ya x'ayinex te bin ut'il ya sc'an ta stojol Dios, te la yiq'uex ochel ta banti te cuentahinel yu'un soc ta yutsilal.

2 Pedro 1:3

Ta scuenta yu'el te Dios la ya'botic spisil te bintic ya xtuhun cu'untic ta jcuxlejaltic soc ta sch'uhunel Dios, ta scuenta te ya jna'betic sba te Mach'a la yic'otic ta scuenta te yutsilal soc t'ujbil ya'tel.

2 Timoteo 1:9

Dios la scoltayotic soc la yic'otic ta scuenta te ch'ul iq'uel yu'un, ma ha'uc ta scuenta ca'teltic, ha ta scuenta te hich snopoj soc ta scuenta te yutsil yo'tan te la ya'botic ta scuenta Cristo Jesús te c'alal ma to ayuc bin ay a,

1 Corintios 4:16

Ha yu'un ya calbeyex wocol, nopbonic co'tan.

2 Tesalonicenses 1:11

Ha scuentahil te spisil ora ya jc'opombeyexcotic Dios te ha'uc lec yo'tan awu'unic yu'un te la yiq'uex, soc ta scuenta yu'el te ts'acaluc ya sc'ohtes ta pasel spisil te bintic lec chapal awu'unic soc spisil te awa'telic yac apasic ta scuenta sch'uhunel awo'tanic.

Efesios 4:17

Hich ya calbeyex soc hich ya jpasex ta mandar ta scuenta te Cajwaltic, te ma me hichuc atalelic te bin ut'il stalel te jyanlumetic, te biluc nax ya slomic ta pasel ta scaj te ma sna'ic q'uinal,

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Romanos 12:1

Ha yu'un, quermanotac, ya calbeyex wocol ta scuenta te sc'uxul yo'tan Dios te yacuc awac' abaq'uetalic scuenta cuxul chic'bil mahtanil, te ch'ultesbil soc te lec yo'tan Dios yu'un, te hich ya sc'an ch'uhuntayel awu'unic te Diose.

Colosenses 2:6

Ha yu'un hich te bin ut'il la awic' ta awo'tanic te Cajwaltic Jesucristo, hich me ya x'ayinex ta stojol,

1 Pedro 3:9

Ma me xasutbeyic ta bin chopol te mach'a chopol bin ya spasbeyex, soc ma me xasutbeyic chopol sc'oblal te mach'a la yalbeyex chopol ac'oblalic, ha xac'ambeyic bendición, como ana'ojic te ha ic'bilex yu'un yac awich'ic bendición,

2 Corintios 6:1

Ha yu'un te bin ut'il joc jbahcotic ta a'tel soc Dios, ya jtsitsexcotic te manchuc tojoluc ya xc'oht te la awich'iquix c'uxultayel yu'un Dios.

2 Juan 1:5

Yo'tic, jnantic, ya calbat wocol te talel c'axel c'uxuc ya ca'iy jbahic. Ma ba ya jts'ihbabat yach'il mandaril, ha nix te quich'ojtic ta shahchibal to.

1 Pedro 5:10

Pero te Dios te ay bayel yutsil yo'tan, te ha ta scuenta Jesucristo la yic'otic ta utsilal yu'un te sbahtel q'uinal ay, te c'alal c'axix awocolic cheb oxeb c'ahc'al, ha ni me ya slecubtesex, ya ya'beyex awipic, ya ya'beyex yip awo'tanic soc te jun awo'tanic.

1 Pedro 2:11

Quermanotac te c'uxex ta co'tan, ya calbeyex wocol, te bin ut'il jyanlumex soc jbehyomex ta bahlumilal ini, te yacuc xhil awu'unic te bin mulambil ta pasel yu'un te abaq'uetalic te ya scontrahin te ach'uhlelique.

Hebreos 13:21

ac'a scoltayex ta spasel spisil bintic lec scuenta yu'un yac apasic te bin ya sc'an yo'tan, soc ta scuenta Jesucristo ac'a a'tejuc ta awo'tanic ta spasel te bin lec yo'tan yu'une; ayuc me yutsilal te Cristo scuenta sbahtel q'uinal stuquel. Hichuc.

Filipenses 3:14

ya jtojlin bahel te banti yacon ta bahele, yu'un ya jta te muc'ul mahtanil ta toyol te ya yic'on Dios yu'un ta scuenta te Cristo Jesús.

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

Efesios 4:4

Junax baq'uet soc junax Espíritu, hich te bin ut'il junax te bin smuc'ulinej co'tantic te ha ic'bilex yu'une,

Efesios 3:1

Ha scuentahil ho'on, Pablohon, te ayon ta chuquel ta scaj Cristo Jesús ta acuentahic ha'ex te jyanlumex...

Gálatas 4:12

Awocolicuc, quermanotac, hichuc me ya xc'ohex te bin ut'il te ho'one, como ha nix hich c'ohon te bin ut'il ayexe. Mayuc bin chopol la apasbonic,

Génesis 5:24

Te Enoc behen soc Dios; patil ma ba chicnaj, yu'un ic'ot bahel yu'un Dios.

Hebreos 3:1

Ha yu'un, quermanotac te ch'ultesbilex, te pajal ic'bilotic yu'un Dios, na'a me te Jesús, te jpuc-c'op soc muc'ul sacerdote, te ya caltic ta jamal te ha jch'uhunejtic,

2 Corintios 10:1

Ho'on Pablohon ya calbeyex wocol ta scuenta bin ut'il manso yo'tan soc lec yo'tan te Cristo, ho'on te peq'uel ayon te c'alal ayon ta awohlilic, yan te c'alal ma ba ayon ta awohlilic tulan ya cac' jba ta atojolic ta ac'opic;

Jeremías 38:20

La sjac' te Jeremías: Ma ba ya yac'at ta sc'abic. Ch'uhumbeya sc'op Jehová te la jcalbatix awa'iy, hich lec ya xc'ohat soc hich ya xcuxajat.

Tito 2:10

Ma me xyelc'anic te yajwalic, ac'a me yaq'uic ta ilel te jun yo'tanic ta stojol, scuenta yu'un hich me lec ya xc'oht sc'oblal yu'unic a te bin ay ta nopbeyel sc'oblal Dios, te Jcoltaywanej cu'untique.

Colosenses 4:12

Xcoltanuquex laj yu'un te Epafras, te amohloltac nix soc ha a'bat yu'un Cristo. Spisil ora xbic'talti'ij ta sc'oponel Dios ta atojolic, te junuc awo'tanic, te ayuc yip awo'tanic soc te yacuc xc'oht ta pasel awu'unic spisil te bintic ya sc'an yo'tan te Diose.

2 Corintios 5:20

Ha yu'un ticombilotic yu'un Cristo, hich c'ohem te bin ut'il Dios yac ta c'op ta stojolic ta jcuentatic. Ya calbeyex wocol ta scuenta sbihil te Cristo: Junuc me awo'tan abahic soc Dios.

Hechos 9:31

Hich lamal q'uinal la ya'iyic te iglesiahetic ta spahmal sq'uinal Judea, Galilea soc Samaria; behbe yich'bel yipic soc spisil ora la yich'ic ta muc' Cajwaltic, soc behbe p'ohlel soc yich'bel yip yo'tanic ta scuenta te Ch'ul Espíritu.

Romanos 11:29

como ma xhu' ta lajimbeyel sc'oblal te mahtaniletic soc te iq'uel yu'un Dios.

Efesios 2:10

Ha ya'telotic te Diose, pasbilotic ta scuenta Cristo Jesús yu'un ya jpastic te lequil a'teliletic te schahpanej ta nahil to te Dios te ya jpastique.