Efesios 3:19 - Bible in Tzeltal Bachajón

¹⁹ soc te ya xhu' awu'unic sna'beyel sba te sc'uxul yo'tan te c'ax hich a te bin ut'il ya xhu' ta na'el, scuenta yu'un ts'acal yac awich'ic spisil bintic ay yu'un Dios.

Nuevo Testamento Tzeltal de Amatenango

¹⁹ Ya jkꞌanbe te yauk anaꞌik te tutꞌil ay te skꞌuxul yoꞌtane te jaꞌ lom bayal mas mukꞌ ta spisil ke te tut ya jnaꞌtike, skuenta yuꞌun jich ben tsꞌakal ya awichꞌbeyik slekilal te Diose.

Bible in Tzeltal de Oxchuc y Tenejapa

¹⁹ Ja' te yacuc ana'ic stojol ta lec te bit'il ay te xc'uxul yo'tan cu'untic te Cristoe, c'axem to xan a te bitic ay ta na'ele, swenta yu'un jich me ts'acal ya awich'beyic yutsilal te Diose.

Efesios 3:19 Referans Kwoze

Efesios 1:23

Te iglesia ha sbaq'uetal Cristo, ha te ya sts'acay te Mach'a ts'acal ya snojes spisil.

Colosenses 1:10

Hich ya xhu' ya x'ayinex te bin ut'il ya sc'an te Cajwaltic, te lecuc yo'tan awu'unic spisil, te yac awaq'uic sit ta scuenta spisil lequil a'teliletic soc behbe yac ana'beyic xan sc'oblal te Diose.

2 Corintios 5:14

Como te sc'uxul yo'tan te Cristo ya sujotic, como hich jna'ojtic: te jtuhl cham yu'un spisilic, hich cham ta spisilic.

San Juan 1:16

Jpisiltic quich'beyejtic te bintic bayel ay yu'un, ha quich'ojtic cajalcaj yutsil-o'tanil;

Filipenses 4:7

Hich te lamal q'uinal te ya yac' te Diose, te c'ax muc' te ma xhu' cu'untic sna'el, ya me scanantaybeyex awo'tanic soc apensaric ta scuenta te Cristo Jesús.

Gálatas 2:20

Pajal lajon ta cruz soc Cristo, hich ma ba cuxulonix te ho'one, ha cuxulix Cristo ta co'tan; soc te jcuxlejal ta ora ini ta scuenta ch'ich'-baq'uet, ha ya xcuxajon ta scuenta sch'uhunel co'tan ta stojol te Snich'an Dios, te c'uxon ta yo'tan soc te la yac' sba ta jcuenta.

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

Efesios 3:18

ya xhu' awu'unic sna'el ta lec, soc spisil mach'atic ch'uhltesbilic, bin ut'il ay sjamalil, snahtil, sc'ubulil soc stoyolil te sc'uxul yo'tan Cristo,

2 Pedro 3:18

Behbehuc me muc'ubel te yutsil-o'tanil soc ta sna'beyel xan sba te Cajwaltic Jesucristo, te Jcoltaywanej cu'untique. Ac'a yich' halbeyel yutsil sc'oblal ta ora ini soc ta sbahtel q'uinal. Hichuc.

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Mateo 5:6

Bayel me yutsilic te mach'atic ya xwi'najic soc ya xtaquij yo'tanic yu'un te bin stojil ta pasele, como ts'acal ya x'a'botic.

Efesios 5:25

Winiquetic, c'ux me xawa'iy ta awo'tanic te awihnamic, hich te bin ut'il c'ux ta yo'tan Cristo te iglesia soc te la yac' sba ta lajel ta scuenta,

Salmos 43:4

Ya xnohpojon bahel ta stojol te scajtajib ta chiq'uel mahtanil yu'un Dios, ta stojol te Dios te ha tse'el co'tan soc te ha yutsil q'uinal ya ca'iy yu'un. Ya jc'ayojtayat soc arpa, Dios, Diosat cu'un.

Filipenses 1:7

Ha lec te hich ya ca'iyex ta co'tan ta apisilic, yu'un ayex ta co'tan; yu'un teme ayon ta cárcel o teme ya xc'opojon yu'un te lec yach'il c'op soc te ya cac' ta na'el te ha melel, pajal quich'beyejtic yutsil yo'tan te Diose.

Salmos 17:15

Yan te ho'one, ta scuenta stojil bin ay ta pasel ya quilbat asit; c'alal ya xwihc' jsit, tic' ya ca'iy a te ya quil bin awilel. Yu'un jach-c'ayoj. Ha salmo yu'un David, ya'bat Jehová. La yalbe te Jehová te c'ayoj ini te bin c'ahc'alil ac'ot ta libre yu'un ta sc'ab spisil te scontratac soc ta sc'ab Saúl. Hich la yal:

Romanos 8:35

¿Mach'a c'an spitotic loq'uel ta stojol te sc'uxul yo'tan Cristo? ¿Ha bal te contrahinel o wocoletic, uts'inel, wi'nal, teme mayuc c'u'ul-pac'al, te bin chuhcul ya xc'oht ta pasel, o espada?

Romanos 8:39

te bin toyol ay, te bin c'ubul ay, o biluc a te pasbile, jna'oj te ma xhu' ya spitotic loq'uel ta stojol te sc'uxul yo'tan Dios te ay ta scuenta te Cajwaltic Cristo Jesús.

1 Pedro 1:8

Aunque ma ba awilojic, c'ux yac awa'iy ta awo'tanic; aunque ma ba yac awilic ta ora ini, yac ach'uhunic soc ay bayel yutsil te stse'elil awo'tanic te ma xhu' ta halbeyel sc'oblal,