Efesios 3:16 - Bible in Tzeltal Bachajón

¹⁶ ya jc'ambe te yacuc ya'beyex, hich te bin ut'il te sc'uhlejal te yutsilal, yu'un yacuc yich' yip awo'tanic ta scuenta te Espíritu yu'un;

Nuevo Testamento Tzeltal de Amatenango

¹⁶ Ya jkꞌanbe te ya yaꞌbeyex ta awoꞌtanik te slekilal stsaꞌamule sok apuersaik sok apoderik ta skuenta te Espíritu yuꞌune.

Bible in Tzeltal de Oxchuc y Tenejapa

¹⁶ Ja' ya jc'anbey te Tatil te ya yac'beyex te yutsil sc'ulejale, soc te ya yac'beyex stulanil awo'tanic soc awu'elic ta swenta te Espíritu yu'une,

Efesios 3:16 Referans Kwoze

Colosenses 1:11

Behbehuc ac'a yich' yip awo'tanic ta scuenta spisil yu'el, ha chican bin ut'il ay te yu'el te ay yutsilal, scuenta yu'un ay yip awo'tanic te ya xcuhch awu'unic spisil,

Filipenses 4:13

Spisil ya xhu' cu'un ta scuenta Cristo te ya ya'bon yip co'tan.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Zacarías 10:12

Ya ca'be yipic ta scuenta Jehová, soc ya xbehenic ta scuenta te jbihile, xchi te Jehová.

2 Timoteo 4:17

Pero ay ta jts'ehl te Cajwaltic soc la ya'bon quip, scuenta yu'un hich ts'acal la yich' halel te Sc'op Dios ta jcuenta, yu'un hich me ya ya'iyic spisil a te jyanlumetique. Hich colon ta ye jti'awal choj.

2 Corintios 4:16

Ha yu'un ma ba ya xlaj yip co'tantic; aunque behbe yac ta lajel yip te jbaq'uetaltic, jujun c'ahc'al behbe yich'bel yip te co'tantic,

Efesios 6:10

Scuenta slajibal, ich'a me yip awo'tanic ta scuenta te Cajwaltic soc te yu'ele.

2 Corintios 12:9

Pero la yalbon: Tic'at a yu'un te cu'ele, como tey ya xchicnaj xan a te cu'el te banti mayuc awip, xchi. Ha yu'un tse'el co'tan ya jtoy jba yu'un te mayuc quip, scuenta yu'un ya xchicnaj te yu'el Cristo ta jcuenta.

Filipenses 4:19

Ha yu'un te Dios cu'un hich me ya ya'beyex spisil bintic ya xtuhun awu'unic te bin ut'il ay yutsil sc'uhlejal ta scuenta Cristo Jesús.

Salmos 28:8

Te Jehová ha yip te pueblo yu'un, ha nac'ojibal te ya scoltay te mach'a tsahbil yu'une.

Romanos 7:22

Ta co'tan ya jmulan te ley yu'un Dios;

1 Corintios 16:13

Wihc'a me asitic, ayuc me yip sch'uhunel awo'tanic, pasahic me lec winiquil, ac'ahic me fuersa.

Salmos 138:3

Te c'alal la jcawtayat, la ajac'bon jc'op; la awa'bon xan yip co'tan.

Romanos 9:23

¿Ha xan teme hich la spas scuenta yu'un ya yac' ta na'el te sc'uhlejal te yutsilal ta stojol te vasohetic c'uxultaybilic yu'un, te schapojix te ya yich'ic yutsilalic,

Colosenses 1:27

Dios la sc'an ya ya'be sna'ic te yutsil sc'uhlejal te bin mayuc ta na'el ini te lec ta a'iyel ta yohlil te jyanlumetic, ha te ay ta awo'tanic te Cristo, te ha ta scuenta te ya me xchicnaj utsilal.

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

Efesios 1:18

Ya jc'ambe Dios te yacuc sjambeyex awo'tanic scuenta yu'un yac ana'ic bin a te yac amahlibelic te ha ic'bilex yu'une, soc yu'un yac ana'ic bin ut'il ay te yutsil sc'uhlejal te bin ya yich' hilel te Dios, ha te mach'atic ch'uhltesbilic,

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Efesios 1:7

Ha ta scuenta te colotic ta libre ta scuenta sch'ich'el, te ay perdón yu'un mulil, ha chican te sc'uhlejal te yutsil yo'tan

Hebreos 11:34

la stup'ic te xpulet ta tihlel c'ahc', ma ba la yich'ic milel ta espada, a'bot yipic te c'alal lajem yipic a, tulan la ya'iyic tsalaw ta guerra, soc la snutsic bahel jyanlum soldadohetic.

Jeremías 31:33

Hich ay te chapbil-c'op te ya jpas soc te sna Israel ta patil bahel, xchi te Jehová: Ya cac' ta sjolic te ley cu'un soc ya jts'ihbabe ta yo'tanic. Ho'on Dioson yu'unic ya xc'ohon, soc ha pueblo cu'un ya xc'ohtic.

1 Pedro 3:4

ha'uc me ach'ahlelic te bin ay ta awo'tanic, te sch'ahlel te ma xlaj sc'oblal, ha te yutsil awo'tanic soc lamal awo'tanic, te ha lec yo'tan yu'un te Diose.

Efesios 2:7

scuenta yu'un ya yac' ta ilel ta patil bahel te c'ax bayel sc'uhlejal te yutsil yo'tan te chican ta scuenta te lec yo'tan ta jtojoltic ta scuenta Cristo Jesús.

Romanos 2:29

ha mero judío te mach'a hich ay ta yo'tan, soc ha mero circuncisión te yich'oj ta yo'tan ta scuenta te Espíritu, ma ha'uc ta scuenta te bin ts'ihbabil. Te mach'a hich yo'tan, ma ha'uc tey ya xtal a te ya xhalbot lec sc'oblal yu'un winiquetic, ha ya xhalbot lec sc'oblal yu'un te Diose.

Job 23:6

¿Ya bal stenon ta c'op ta smuc'ul yip? ¡Ma'uc, ya me ya'iybon stuquel te jc'ope!

Efesios 3:15

(te ha yich'beyejic sbihil spisil ta chahp te mach'atic ayic ta ch'ulchan soc ta bahlumilal),

Colosenses 2:2

Tulan ya x'a'tejon scuenta yu'un ya xmuc'ubtesbot q'uinal ya'iyic soc junax ayic ta scuenta sc'uxul yo'tanic, scuenta yu'un ya stahic spisil te sc'uhlejal bintic ay ta na'el, te hich ya xhu' ya sna'ic a te bin muquen ay yu'un Dios, te ha nix sc'oblal te Cristo,