Efesios 3:10 - Bible in Tzeltal Bachajón

¹⁰ scuenta yu'un ta ora ini, ta scuenta te iglesia, spisil mach'atic ayic ta ch'ulchan te ay yu'elic soc te ay ya'telic ya me x'a'bot sna'ic te c'ax bayel sp'ijil yo'tan te Diose,

Nuevo Testamento Tzeltal de Amatenango

¹⁰ Jich kꞌot ta pasel yuꞌun te ora to ta skuenta te juju-tijkꞌ hermanoetike, ta spisil te machꞌatik ay spoderik y ay yaꞌtelik ta chꞌulchan ya xkꞌo snaꞌik te tutꞌil ay bayal ta jkaj spꞌijil te Diose.

Bible in Tzeltal de Oxchuc y Tenejapa

¹⁰ Jich c'otix ta pasel ta stojol te jch'uunjeletique, swenta yu'un spisil te mach'atic ay yu'elic soc te ay yat'elic ta ch'ulchan, ya me xc'o sna'beyic sba te sp'ijil te Diose.

Efesios 3:10 Referans Kwoze

1 Pedro 1:12

A'bot sna'ic te ma ha'uc ya xc'oht ta scuentahic, ha ya xc'oht ta acuentahic te ha'exe. La yalbeyic sc'oblal te bintic la awa'iyiquix yu'un te mach'atic la yalbeyex te lec yach'il c'op ta scuenta te Ch'ul Espíritu ticombil tal ta ch'ulchan. Ha nix hich te ch'ul a'batetic, yo'tanuc xyilic te bin yac ta halbeyel sc'oblale.

Efesios 6:12

Como ma ha'uc ya jtsal jbahtic soc ch'ich'-baq'uet, ha ya jtsal jbahtic soc principaletic, te mach'atic ay yu'elic, yajwalic yihc'al q'uinal ta bahlumilal ini, soc chopol espírituhetic te ay yipic te ayic ta toyol.

1 Corintios 2:7

Ha ya xc'opojotic te ta sp'ijil yo'tan Dios te muquen ay, ha te p'ijil-c'op te muquen ay, te ta shahchibal to tal chapal yu'un Dios te ha cutsilaltic ya xc'oht.

Romanos 11:33

¡C'ax c'ubul ay te yutsil sp'ijil soc te bin ay ta na'el yu'un Dios! ¡Ma xhu' ta na'el te chahpanel yu'un soc ma xhu' ta na'el te behetic yu'une!

Efesios 1:21

te ha toyol c'oht yu'un spisil ajwaliletic, te mach'atic ay ya'telic, te ay yu'elic soc jpasawetic ta mandar, soc ha toyol c'oht yu'un spisil bihililetic te ya yich'ic a'beyel, ma ha'uc nax ta ora ini, soc ta patil bahel.

Efesios 1:3

Bayeluc me yutsil sc'oblal Dios te Stat te Cajwaltic Jesucristo, te ha ta scuenta Cristo ya'beyejotic spisil ta chahp bendicionetic te ayic ta ch'ulchan.

1 Corintios 1:24

yan te mach'atic ic'bilic yu'un Dios, judíohetic soc griegohetic, ha yu'el Dios soc ha sp'ijil yo'tan Dios te Cristo,

1 Pedro 3:22

te mach'a mohix ta ch'ulchan soc te ayix ta swa'el-c'ab te Diose; ha scuentahinej ch'ul a'batetic soc te mach'atic ay ya'telic soc te ay yu'elique.

Colosenses 1:16

Como ha ta scuenta te la yich' pasel spisil bintic ay ta ch'ulchan soc spisil bintic ay ta bahlumilal, te bin chicanic ta ilel soc te bin ma chicanuc ta ilel, teme muc'ul huctajibaletic, jcuentahinwanejetic, principaletic o te mach'atic ay ya'telic; spisil la yich'ic pasel ta scuenta Cristo soc ha nix yu'un.

1 Timoteo 3:16

C'ax muc' sc'oblal te bin muquen ay ta ch'uhunel te Diose, hich te bin ut'il ya yal: Ha chicnaj ta ch'ich'-baq'uet, ac'ot ta na'el yu'un te Espíritu te toj yo'tan, ilot yu'un te ch'ul a'batetic, halbot sc'oblal ta yohlil te jyanlumetic, ch'uhunot ta bahlumilal, ic'ot mohel ta utsilal.

Efesios 1:8

te c'ax bayel la ya'botic soc spisil p'ijil-o'tanil soc bintic ay ta na'el.

Romanos 8:38

Ha yu'un ni ha'uc te lajel, te cuxlejal, ch'ul a'batetic, principaletic, te bin ay ta ora ini, te bin ya xc'oht ta pasel ta patil,

Salmos 104:24

¡C'ax bayel bintic apasoj, Jehová! La apasticlan spisil ta scuenta sp'ijil awo'tan; nojel ta lumq'uinal te bintic apasoje.

Ezequiel 3:12

Te espíritu la slicon hahchel, ta jpat la jca'iy c'op te mero tulan, te hich la yal: ¡Ac'a yich' halbeyel sc'oblal te yutsilal Jehová c'alal ta banti ay te yawile! xchi.

Salmos 103:20

¡Halbeyahic yutsil sc'oblal Jehová, ha'ex ch'ul a'batetic yu'un, ha'ex te tulan awa'telic te yac apasic te bin ya yal, te yac ach'uhunic spasel te sc'ope!

Efesios 1:23

Te iglesia ha sbaq'uetal Cristo, ha te ya sts'acay te Mach'a ts'acal ya snojes spisil.

Colosenses 2:10

soc ha'ex ts'acal ay acuxlejalic ta scuenta, te ha jolal yu'un spisil principaletic soc mach'atic ay ya'telic.

Colosenses 2:15

La spojbe yu'el te principaletic soc te mach'atic ay ya'telic, la yac'ticlan ta ilel ta comonsitil c'alal la stsalticlan ta cruz.