Efesios 3:1 - Bible in Tzeltal Bachajón

¹ Ha scuentahil ho'on, Pablohon, te ayon ta chuquel ta scaj Cristo Jesús ta acuentahic ha'ex te jyanlumex...

Nuevo Testamento Tzeltal de Amatenango

¹ Jaꞌ sluwaril te ayon ta prexo, joꞌon te jPabloone, ta skaj te Cristo Jesuse sok yuꞌun alekilik te jaꞌexe ta ma juriyoukexe.

Bible in Tzeltal de Oxchuc y Tenejapa

¹ Ja' swentail jo'on, te Pabloon, ayon ta chuquel ta swenta Cristo Jesús ta acajic ja'ex te jyanlumexe.

Efesios 3:1 Referans Kwoze

Colosenses 1:24

Yo'tic tse'el co'tan yu'un te bin c'ax jwocol ta acuentahic soc te ya jts'acaytes ta jbaq'uetal te bin xan ya sc'an te ya xc'ax swocol Cristo yu'un te sbaq'uetal, ha te iglesia.

Efesios 4:1

Ho'on te ayon ta chuquel ta scuenta te Cajwaltic, ya calbeyex bayel wocol te hichuc ya xcuxajex a te bin ut'il pasel ya sc'an yu'un te ic'bilexix yu'un Dios.

2 Timoteo 1:8

Ha yu'un ma me xq'uexawat ta yalel ta testigo c'op te sc'oblal Cajwaltic, soc ma me xq'uexawat cu'un te bin ut'il ayon ta chuquel ta scuenta, pero ta scuenta te yu'el Dios joquinawon ta sc'asesel wocol ta scuenta te lec yach'il c'ope.

Efesios 6:20

te ha ta scuenta te ayon ta chuquel ta cadena, ho'on te ticombilon yu'un Dios. C'opombonic Dios yu'un te manchuc ya xiwon ta yalel te lec yach'il c'op, hich te bin ut'il ya sc'an ya xc'opojone.

Filemón 1:9

ya calbat wocol ta scuenta sc'uxul awo'tan, ho'on, Pablohon, te mamalonix soc te ayon ta chuquel ta ora ini ta scuenta te Jesucristo.

Filipenses 1:7

Ha lec te hich ya ca'iyex ta co'tan ta apisilic, yu'un ayex ta co'tan; yu'un teme ayon ta cárcel o teme ya xc'opojon yu'un te lec yach'il c'op soc te ya cac' ta na'el te ha melel, pajal quich'beyejtic yutsil yo'tan te Diose.

Filemón 1:1

Pablo, te ayon ta chuquel ta scuenta Jesucristo, soc te quermanotic Timoteo, ta stojol Filemón, te c'uxat ta co'tan soc te jmohlol jbahtic ta a'tel,

Hechos 23:18

Hich te capitán-soldado la yic' bahel te querem ta stojol te comandante, hich c'oht yalbe: Te jchuquel Pablo la yic'on tal soc la yalbon wocol te yacuc quic' tal ta atojol te querem ini, yu'un ay bin ya yalbat, xchi.

San Lucas 21:12

Pero ma to c'ohem ta pasel a ini ya me yaq'uex ta c'abal, ya yuts'inex, ya yaq'uex ta sinagogahetic soc ta cárceletic, soc ya me yiq'uex bahel stehc'anex ta stojol ajwaliletic soc gobernadoretic ta scuenta te jbihile.

Filemón 1:23

Xcoltanucat laj yu'un te Epafras, te jmohlol ta chuquel ta scuenta te Cristo Jesús.

Hechos 26:29

La sjac' te Pablo: Teme jteb xanix o teme ay to ya sc'an, ya jc'ambe Dios te ma ha'ucat nax, te ha'uc nix hich spisil mach'atic yac ya'iybelonic jc'op te hich ya xc'ohex te bin ut'il ho'on, ha nax te ma ha'uc chuquel ta cadenahetic, xchi.

2 Timoteo 1:16

Ac'a yich' c'uxultayel yu'un Cajwaltic sjunal sna te Onesíforo, como bayel buelta la smuc'ubtesbon q'uinal ca'iy soc ma ba q'uexaw yu'un te bin ut'il chuculon ta cadena.

Colosenses 4:18

Ha spatil awo'tanic cu'un te ya jts'ihbay ta jc'ab, ho'on Pablohon. Na'awonic me te ayon ta chuquele. Ac'a sjoquinex te yutsil yo'tan te Diose. Hichuc.

Colosenses 4:3

Soc c'opombotcotic me Dios scuenta yu'un yacuc sjambotcotic puerta te Cajwaltic yu'un yalel te sc'ope, scuenta yu'un ya xhu' ya cac'cotic ta na'el a te bin muquen ay ta na'el sc'oblal te Cristo, te ha nix ta scuenta te chuculone.

2 Corintios 11:23

¿A'batetic bal yu'un Cristo? C'ax hichon a. (Sjel ta sohquem jol te bin ut'il hich ya xc'opojon.) C'ax hich a'tejemon a, c'ax hich quich'oj chuquel a, ma ahtaybaj quich'oj majel, c'ax bayel buelta c'an lajucon.

2 Corintios 10:1

Ho'on Pablohon ya calbeyex wocol ta scuenta bin ut'il manso yo'tan soc lec yo'tan te Cristo, ho'on te peq'uel ayon te c'alal ayon ta awohlilic, yan te c'alal ma ba ayon ta awohlilic tulan ya cac' jba ta atojolic ta ac'opic;

Hechos 21:33

C'alal c'oht te comandante, la stsac te Pablo soc la yal mandar te ya yich' chuquel ta cha'lihc cadena, soc la sjoc'oy mach'a a soc bin spasoj.

Apocalipsis 2:10

Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

Efesios 3:13

Ha yu'un ya calbeyex wocol te ma me xpehc'aj awo'tanic yu'un te bin ut'il ay jwocol ta acajic, yu'un tey yac ata awutsilalic a.

Gálatas 5:11

Quermanotac, teme yacon to ta yalel te ya sc'an circuncisión, ¿bin yu'unix a hiche te yacon ta uts'inel? Te hichuque, la yich'ix loq'uesel te bin chopol ya ya'iyic sc'oblal te cruz.

Gálatas 5:2

Ho'on Pablohon ya calbeyex, teme yac awac' abahic ta a'beyel circuncisión, mayuc sc'oblal ya xc'oht awu'unic a te Cristo.

Hechos 9:15

Halbot yu'un te Cajwaltic: Bahan me, como tsahbilix cu'un te ya yich' bahel te jbihil ta stojol jyanlumetic, ajwaliletic soc te snich'nab Israel.

2 Corintios 1:6

Teme ya xc'ax jwocolcotic, yu'un hich yac atahic smuc'ul q'uinal yac awa'iyic soc te colel awu'unique; soc teme ya xmuc'ubtesot q'uinal ca'iycotic, yu'un hich yac atahic smuc'ul q'uinal awa'iyic a, te ha ya yac' te ya xcuhch awu'unic te wocol te ha nix hich yac ta c'axel cu'uncotique.

Gálatas 5:24

Como te mach'atic yu'unic Cristo, yac'ojiquix ta lajel ta cruz te spoco'-talelic te ya smulan spasel te bintic ya sc'an te sbaq'uetalique.

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

Efesios 3:11

hich te bin ut'il ta sbahtel q'uinal chapal yu'un Dios te la yac' c'ohtuc ta pasel ta scuenta te Cajwaltic Cristo Jesús.