Efesios 2:4 - Bible in Tzeltal Bachajón

⁴ Pero Dios, te bayel ya xc'uxultaywan, ta scuenta smuc'ul sc'uxul yo'tan ta jtojoltic

Nuevo Testamento Tzeltal de Amatenango

⁴ Pero te Diose lom bayal slekil yoꞌtan y bayal a skꞌanotik ta yoꞌtan.

Bible in Tzeltal de Oxchuc y Tenejapa

⁴ Ja'uc me to, te Diose, mero Jc'uxtaywanej stuquel. Ta swenta smuc'ul xc'uxul yo'tan te la xcuxtayotique.

Efesios 2:4 Referans Kwoze

1 Pedro 1:3

Wocol yal te Dios te Stat te Cajwaltic Jesucristo, te ta scuenta smuc'ul sc'uxul yo'tan la yac' te cha'ayinotic ta scuenta te cha'cuxaj tal te Jesucristo ta yohlil te mach'atic chamenic, scuenta yu'un ay smuc'ul co'tantic te cuxul,

Efesios 1:7

Ha ta scuenta te colotic ta libre ta scuenta sch'ich'el, te ay perdón yu'un mulil, ha chican te sc'uhlejal te yutsil yo'tan

Salmos 86:15

Pero ha'at Cajwal, ha Diosat te ay sc'uxul awo'tan soc lec awo'tan; ma orahuc ya x'ilinat, soc muc' te sc'uxul awo'tan soc te smelelil ac'ope,

Romanos 5:8

Pero te Dios la yac' ta ilel te sc'uxul yo'tan ta jtojoltic te bin ut'il cham Cristo cu'untic te c'alal ayotic to ta mulil a.

Efesios 2:7

scuenta yu'un ya yac' ta ilel ta patil bahel te c'ax bayel sc'uhlejal te yutsil yo'tan te chican ta scuenta te lec yo'tan ta jtojoltic ta scuenta Cristo Jesús.

Salmos 145:8

Te Jehová t'ujbil yo'tan soc ya sna' yo'bolil jbahtic, ma x'ilin ta ora soc ay bayel sc'uxul yo'tan.

Romanos 10:12

como junax sc'oblalic te judíohetic soc te griegohetic, jtuhl nax te Ajwalil yu'unic, soc ha ya ya'be bayel bendición spisil mach'atic ya yalbeyic wocol,

1 Timoteo 1:14

C'ax bayel yutsil yo'tan te Cajwaltic c'oht ta jtojol soc sch'uhunel-o'tanil soc sc'uxul-o'tanil te ayic ta stojol te Cristo Jesús.

Jeremías 31:3

Te Jehová nameyix la yac' sba ta ilel ta jtojolt, hich la yal: Sbahtel q'uinal c'uxat ta co'tan; ha yu'un te la jcac' halajuc ta atojol te c'uxultayel cu'une.

Salmos 86:5

Como ha'at, Cajwal, lec awo'tan soc jpas-perdonat, c'ax bayel sc'uxul awo'tan ta stojol spisil te mach'atic ya yalbat wocol.

2 Timoteo 1:9

Dios la scoltayotic soc la yic'otic ta scuenta te ch'ul iq'uel yu'un, ma ha'uc ta scuenta ca'teltic, ha ta scuenta te hich snopoj soc ta scuenta te yutsil yo'tan te la ya'botic ta scuenta Cristo Jesús te c'alal ma to ayuc bin ay a,

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

Romanos 9:23

¿Ha xan teme hich la spas scuenta yu'un ya yac' ta na'el te sc'uhlejal te yutsilal ta stojol te vasohetic c'uxultaybilic yu'un, te schapojix te ya yich'ic yutsilalic,

Romanos 2:4

¿O ma bal ayuc sc'oblal awu'un te yutsil slequil yo'tan Dios, te ya xcuhch yu'un soc te ya xmahliwan, te ma ba yac ana' te ya stojobtesat bahel te slequil yo'tan Dios yu'un yac asuhtes awo'tan?

Nehemías 9:17

Ma ba la sc'an la ya'iyic soc ma ba la sna'ic te jchahp a'teliletic te la apasticlan ta yohlilic. Tulan la yac' sbahic, soc ta scuenta stoybahilic la snopic ya yotsesic mach'a ya yic'ticlan suhtel ta mosohil. Pero te ha'at Diosat te yac apas perdón, lec awo'tan soc sts'ujet awo'tan, ma orahuc ya x'ilinat, soc muc' te sc'uxul awo'tan, ha yu'un te ma ba la apihteslan.

2 Tesalonicenses 2:13

Ya sc'an te spisil ora ya calbecotic wocol Dios ta acuentahic, quermanotac te c'uxex ta yo'tan te Cajwaltic, te bin ut'il ta shahchibal to tsahbilex yu'un Dios yu'un ya xcolex ta scuenta te ch'ultesel yu'un te Espíritu soc ta scuenta sch'uhunel te smelelil c'ope.

San Lucas 1:78

ta scuenta yutsil sc'uxul yo'tan te Dios cu'untic, te la stahotic c'alal ta toyol ta scuenta te c'ahc'al te loq'uemix tal,

Jonás 4:2

La sc'opon te Jehová, hich la yal: ¡Jehová! ¿ma bal hichuc nix la jcal te c'alal ayon to ta jlumal? Ha scuentahil te ahnon bahel ta Tarsis, como jna'oj te ha'at Diosat te ay yutsil awo'tan soc yac ana'be yo'bolil sbahic, te ma orahuc ya x'ilinat soc ay bayel sc'uxul awo'tan, soc te yac asuht ac'op ta spasel te bin chopole.

Daniel 9:9

Yu'un Jehová, te Dios cu'untic, te c'uxultaywanej soc te perdón, aunque jtoyoj jbahcotic ta stojol,

Salmos 51:1

Na'bon me yo'bolil jba, Dios cu'un, hich te bin ut'il yutsil awo'tan; hich te bin ut'il bayel yac ana' yo'bolil sbahic, tup'bon te c'axun-c'op cu'une.

Éxodo 33:19

La sjac' te Jehová: Ya jc'asesbat ta atojol spisil te cutsilal, soc ya cal hilel ta atojol te jbihil, Jehová. Ho'on ya jc'uxultay te mach'a ya jc'an ya jc'uxultay, soc ya jna'be yo'bolil sba te mach'a ya jc'an ya jna'be yo'bolil sba.

Isaías 63:7

Ya calbe sc'oblal te sc'uxul yo'tan te Jehová, te yutsil sc'oblal te Jehová yu'un spisil bintic spasoj ta jtojoltic, te bintic bayel lec la spasbe te mach'atic yu'un Israel, te spasoj ta scuenta sna'beyel yo'bolil sbahic soc te smuc'ul sc'uxul yo'tane.