Efesios 2:20 - Bible in Tzeltal Bachajón

²⁰ awich'ojic ts'ahcuyel ta sba te jpuc-c'opetic soc te jalwanejetic, soc te yich'o-ip xuhc na ha te Jesucristo.

Nuevo Testamento Tzeltal de Amatenango

²⁰ Te jaꞌexe jich kꞌoemex tutꞌil jun mukꞌul na te lijkesbil yiptajib yuꞌun, jaꞌ te apostoletike y sok te jꞌalwanejetike. Y te Jesucristoe ja stonil te xchikin nae.

Bible in Tzeltal de Oxchuc y Tenejapa

²⁰ Ts'ajc'ubilex moel ta muc'ul na. Ta sba te yiptajib la yotsesic te jpuc-c'opetic soc te j'alwanejetic yu'un te Diose. Ja' mero smuc'ul stonil chiquin-na te Jesucristoe.

Efesios 2:20 Referans Kwoze

Isaías 28:16

Ha yu'un hich ya yal te Cajwaltic Jehová: Ilawil, ho'on cac'oj yich'o-ip ton ta Sión, ha tsahbil ton, ha t'ujbil ton yu'un xuhc scuenta yich'o-ip te tulan aye. Te mach'a ya yac' smuc'ul yo'tan ta stojol ma ba ya xpehc'aj yo'tan.

San Mateo 16:18

Soc ho'on ya calbat te ha'at Pedrohat, ta sba ha'i muc'ul ton ini ya jpas te iglesia cu'un, soc te ochibaletic yu'un te tsobojibal mach'atic chamenic ma xhu' stsalbel.

Salmos 118:22

Te ton te ch'ayot hilel yu'un te jpas-nahetic ha yich'o-ip xuhc na c'oht.

Apocalipsis 21:14

Ay lahchayeb yich'o-ip te ts'ahc yu'un te muc'ul pueblo, tey ts'ihbalambil sbihilic a te lahchaytuhl jpuc-c'opetic yu'un te Jcolel Tuminchije.

1 Corintios 12:28

Ta iglesia, Dios la yac' nahil jpuc-c'opetic, schebal jalwanejetic, yoxebal jp'ijubteswanejetic, patil te mach'atic ya spasic jchahp a'teliletic, patil te mach'atic ya slahmajtes jchameletic, mach'atic ya xcoltaywanic, mach'atic ya xcuentahinwanic, mach'atic ay smahtan ya xc'opojic ta yan c'opiletic.

San Mateo 21:42

Hich joc'obotic yu'un te Jesús: ¿Ma bal awilojic ta Shun Dios: Te ton ch'ayot hilel yu'un te jpas-nahetic, ha sjol yich'o-ip c'oht. Ha te Cajwaltic te hich la spas, bayel yutsil ya quiltic, te xchihe?

Gálatas 2:9

Te Jacobo, Cefas soc te Juan, te ich'bilic ta cuenta te ha yoyal te iglesia, c'alal la yilic te a'tel te a'bibilon, la ya'botcotic swa'el-c'abic ho'on soc te Bernabé scuenta seña te jmohlol jbahtic ta a'tel, scuenta yu'un ho'otcotic ya xbohotcotic ta stojol te jyanlumetic, yan stuquelic ya xbahtic ta stojol te mach'atic yich'ojic circuncisión.

Proverbios 9:1

Te p'ijil-o'tanil la spas sna, la spasbe huqueb yoyal.

Zacarías 10:4

Ta Judá ya xloc' tal te ton yu'un xuhc na, te ts'apbil-te' yu'un nahilpac', tey ya xloc' a te t'ihmalte' yu'un guerra, soc spisil te jtsobawetique.

Efesios 3:5

ha te bin ma hichuc a'bot sna'ic te cajalcaj ts'umbalil, hich te bin ut'il a'bot sna'ic yu'un te Espíritu te ch'ul jpuc-c'opetic soc te jalwanejetique.

Colosenses 2:7

c'uhbenuc ochel alohp'ic, soc ts'ahcubiluquex hahchel ta stojol soc yich'ojuc yip te sch'uhunel awo'tanic, hich te bin ut'il a'bilex anopic, soc bayeluc xawalbeyic wocol.

1 Pedro 2:6

Ha scuentahil te hich ts'ihbabil ta Shun Dios: Ilawil, ya cac' ta Sión te ton te ha yich'o-ip te xuhc na, te ha tsahbil soc te bayel yutsil; te mach'a ha ya sch'uhun, ma ba ya sta q'uexlal, xchi.

1 Reyes 7:11

Te sts'ahcul mohel ha nix hich pasbil ta tonetic te bayel stojol soc lec p'isbil ta wahluyel, soc te'etic yu'un cedro.