Efesios 2:2 - Bible in Tzeltal Bachajón

² te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

Nuevo Testamento Tzeltal de Amatenango

² yuꞌun jaꞌ atamojik te tut skuenta te balmilal to, y jaꞌ la apasbeyik te tut ya skꞌan yoꞌtan te espíritu te ya xmantalaje te ikꞌ nax aye, sok te jaꞌ ya yaꞌbe spuersa yoꞌtan te machꞌatik ya xkꞌaxintaybeyik smantal te Diose.

Bible in Tzeltal de Oxchuc y Tenejapa

² Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

Efesios 2:2 Referans Kwoze

Efesios 6:12

Como ma ha'uc ya jtsal jbahtic soc ch'ich'-baq'uet, ha ya jtsal jbahtic soc principaletic, te mach'atic ay yu'elic, yajwalic yihc'al q'uinal ta bahlumilal ini, soc chopol espírituhetic te ay yipic te ayic ta toyol.

1 Juan 5:19

Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale.

Efesios 2:3

Ta jpisiltic hich nix tey cuxajotic ta nahil to a, ha baht ta co'tantic spasulanel te bintic la smulan spasel te jpoco'-taleltic yu'un mulil, la jpasbetic te bintic la sc'an yo'tan soc te bintic la snop. Ta scuenta te jtaleltic ini ayotic ta scuenta yich'beyel te yilimba Dios, hich te bin ut'il te yantique.

San Juan 12:31

La stahix yorahil te ya x'och ta ich'el ta c'op te mach'atic ayic ta bahlumilal; la stahix yorahil te ya yich' loq'uesel te principal yu'un te bahlumilal ini.

Efesios 5:6

Ma me ayuc mach'a yac awac' slo'loyex ta tojol-c'opetic, como ta scuenta spasel ini ya xtal te yilimba Dios ta stojol te mach'atic jc'axun-c'opetic.

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

Efesios 4:22

Cholahic loq'uel te apoco'-talelic te bin ut'il ayex ta nahil to, te yac ta bohlobel ta scaj lo'loyel ta mulil;

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

1 Juan 5:4

como spisil mach'a ayinem ta scuenta Dios, ya stsal te bahlumilale. Te bin stsaloj te bahlumilal, ha te sch'uhunel co'tantique.

1 Juan 3:10

Hich ya xchicnaj mach'atic a te yal-snich'nab Dios soc mach'atic a te yal-snich'nab te pucuje: Spisil mach'a ma ba ya spas te bin toj ta pasel soc te ma c'uxuc ya ya'iy ta yo'tan te yermano, ma yu'unuc Dios stuquel.

1 Pedro 1:14

Te bin ut'il al-nich'anex te yac ach'uhunic mandar, ma me pajaluc awo'tanic soc te bin la amulanic spasel ta nahil to te c'alal ma to ana'ojic q'uinal a.

Apocalipsis 20:2

La stsac te dragón, te antiguo chan, ha te pucuj o Satanás, la schuc lajunwinic yoxbahc' (1,000) ha'bil.

1 Juan 4:4

Cal-jnich'nab, yu'unex Dios te ha'exe soc atsalojiquix te lotil jalwanejetic, como te Mach'a ay ta awo'tanic c'ax hich yu'el a te bin ut'il te mach'a ay ta bahlumilal.

1 Pedro 4:3

Tic'uquix a te yorahil te c'axix awu'unic ta spasel te bin ya smulanic spasel te mach'atic ma ba ya sna'be sba te Diose, ha te ma q'uexlalil, chijil-o'tanil, yacubel, pas-q'uin, yac'oltayel q'uinal, soc sch'uhuntayel lotil diosetic te ihlaybilique.

Colosenses 1:21

Ha nix hichex, ta nahil to namal ayex ta stojol Dios soc ha scontrahex ta scaj apensaric soc ta scaj chopol awa'telic,

Gálatas 1:4

te ha nix la yac' sba ta lajel yu'un te jmultic yu'un ya scoltayotic loq'uel ta yohlil te bin chopol ay ta pasel ta ora ini, hich te bin ut'il la sc'an yo'tan te Jtatic Dios,

Romanos 12:2

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

1 Corintios 5:10

Ma ha'uc ya calbe sc'oblal te j'antsiwejetic ta bahlumilal, te mach'atic ay st'ut'ilic, te j'eleq'uetic soc mach'atic sch'uhunejic lotil diosetic; ya sc'an ya xloq'uex ta bahlumilal te hichuque.

Hechos 5:3

La yal te Pedro: Ananías, ¿bin yu'un noj ta awo'tan te Satanás yu'un yac alotiy te Ch'ul Espíritu, te la awich' j'ohlil te stojol te q'uinale?

San Juan 15:19

Te ha'uc yu'unex te bahlumilal, c'ux ya ya'iyex ta yo'tan te hichuque; pero te bin ut'il ma yu'unuquex te bahlumilal, como ho'on la jtsahex loq'uel tal ta yohlil te bahlumilal, ha scuentahil te ya sp'ajex te bahlumilale.

San Juan 14:30

Mayuquix bayel c'ahc'al ya jc'oponex, como yaquix ta talel te principal yu'un te bahlumilal. Mayuc bin yochelon a;

Isaías 30:1

Hich ya yal te Jehová: ¡Obol sbahic te toyba al-nich'anetic, te ay bin ya schapic te ma cu'unuc; te ya schap sc'opic soc yantic, pero ma ha'uc ta scuenta te espíritu cu'un, te hich ya xp'ohl mulil yu'une!

Job 1:7

Hich joc'obot yu'un Jehová te Satanás: ¿Banti talat? xchi sc'oblal. Te Satanás la sjac'be te Jehová: Ayon ta behel ta yocliyel swohlol te bahlumilale, xchi.

2 Pedro 2:14

Te sitic nojel ta antsiwej, ma xquehchajic ta slehel smulic; ya smonic te mach'atic mayuc yip yo'tanic; c'ahyemic a te spisil bin ya xbic'taj yo'tanic yu'un, ha yal-snich'nab chopol c'oblalil.

San Juan 16:11

soc ya ya'be sna'ic bin ut'il ay sc'oblal schahpanel mulil, como chahpambilix te principal yu'un te bahlumilale.

San Juan 13:27

C'alal la stsac te mulbil pan te Judas, och ta yo'tan te Satanás. Ha yu'un te Jesús la yalbe: Te bin ya x'och apas, pasa me ta ora, xchi sc'oblal.

San Juan 13:2

C'alal ayic ta we'el a, te Judas Iscariote snich'an Simón halbotix ta yo'tan yu'un a te pucuj te ya yac' ta c'abal te Jesús.

San Juan 8:23

Hich halbotic yu'un te Jesús: Te ha'exe, ha alumalic te ahlan; te ho'one, ha jlumal te toyole. Te ha'exe, yu'unex te bahlumilal; te ho'one, ma yu'unucon te bahlumilale.

San Juan 7:7

Ma xhu' ya sp'ajex te mach'atic ayic ta bahlumilal, yan te ho'one ya sp'ajonic, yu'un jamal ya cal te ha chopol te ya'telique.

San Mateo 13:38

Te q'uinal, ha te bahlumilal; te lequil ts'unubil, ha te al-nich'anetic yu'un te cuentahinel yu'un te ch'ulchan, soc te ac, ha te yal-snich'nab te mach'a chopol.

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.

1 Juan 3:8

Te mach'a ya'telinej spasel mulil, ha me yu'un pucuj stuquel, como te pucuj stalel la sle mulil ta shahchibal to tal. Ha scuentahil te chicnaj te Snich'an Dios, yu'un ya slajimbe ya'tel te pucuje.

Santiago 1:7

Te mach'a hich ya spas, ma me scuy te ay bin ya x'a'bot yu'un te Cajwaltique.

2 Timoteo 4:10

como te Demas la sch'ayonix hilel ta yo'tan, te bin ut'il bic'tajem yo'tan yu'un te bin scuenta bahlumilal, bahtix ta Tesalónica. Te Crescente bahtix ta Galacia, te Tito bahtix ta Dalmacia.

Hechos 19:35

Ha yu'un te secretario yu'un te pueblo, c'alal la scom te ipal ants-winiquetic, hich la yalbe: Winiquetic yu'un Éfeso, ¿mach'a a te ma ba sna'oj te Éfeso ha jcanantaywanej yu'un te templo yu'un te muc'ul antsil-dios Diana soc te sloc'omba te co tal ta ch'ulchan?

San Lucas 22:31

Soc la yal xan te Cajwaltic: Simón, Simón, la sc'anexix te Satanás yu'un ya yic'ayex hich te bin ut'il trigo;

San Lucas 16:8

Te yajwal la yalbe lec sc'oblal te chopol jcanan-biluc te bin ut'il la sna' bin la yut. Como te mach'atic scuenta bahlumilal c'ax hich ya sna'ic a bin ya yut soc te smohloltac te bin ut'il te mach'atic ayic ta scuenta sacal q'uinal.

San Mateo 11:19

Tal te Nich'anil ay ta scuenta winic te ya xwe' x'uch' stuquel, hich ya yalic: Bayel ya xwe' soc ya yuch' vino, ha jun yo'tan sba soc te jc'an-patanetic soc yantic jmulawiletic, xchihic. Pero te p'ijil-o'tanil ya xchicnaj ta scuenta te yal-snich'nabe, xchi te Jesús.

Jeremías 23:10

Como nojel ta j'antsiwejetic te q'uinale; ta scaj te halbil chopol sc'oblal, taquij te q'uinal soc taquij te aquiltic ta jochol taquin q'uinal. Chopol te be yu'un te jalwanejetic soc ma stojiluc ya stuhunic te yipique.

Isaías 57:4

¿Mach'a a te yac alabanic? ¿Mach'a a te yac ajam awe ta scontrahinel soc te yac aloq'ues tal awac' yu'une? ¿Ma bal ha'uc yal-snich'nabex jtoybahetic, ha sts'umbalex jlotetic

Salmos 17:14

ta scuenta ac'ab, Jehová, ac'awon ta libre ta sc'abic, ha te winiquetic scuenta bahlumilal te ha nax yu'unic te bintic ay ta cuxlejal ini, te nojel sch'uhtic ta bintic ay awu'une. Bayel bintic ay yu'un te snich'nabic, soc ya to spas sobra yu'un te smamataque.

Job 31:7

Teme howiyem ta be te coc, teme la st'un bahel jsit te co'tan, teme ay bin c'oht ta jc'ab te ma lecuque,

Apocalipsis 16:17

Te shuquebal ch'ul a'bat la smal ta ic' te sbahl te copa yu'un, loc' tulan c'op ta templo, ta stojol te muc'ul-huctajibal, hich la yal: Hu'ix, xchi.

Apocalipsis 13:14

Ya slo'loylan mach'atic nahinemic ta bahlumilal ta scuenta te señahiletic ya x'a'bot spas ta stojol te chambahlam te xiweltic sba, ya spasticlan ta mandar te ya me spasbeyic sloc'ombahil te chambahlam te xiweltic sba te ehchentesot ta espada pero cuxaj.

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.

Oseas 10:9

C'alal ta yorahil Gabaa la ata amul, Israel; ¡tey hilic a ta stojol te mulile! ¿Ma bal yacuc xtahot yu'un guerra ta Gabaa te mach'atic chopolique?

Job 1:19

tal tulan ic' ta stojol jochol taquin q'uinal te la smaj schanxuhcul te na, yahl cohel ta sbahic, hich chamic. Ho'on xanix colon hilel te tal calbat awa'iy, xchi.

Job 1:16

Yac to ta c'op a, tal yan te hich c'oht yal: Co tal c'ahc' yu'un Dios ta ch'ulchan te la schic' te tuminchijetic soc te jcananetic yu'unic; ho'on xanix colon hilel te tal calbat awa'iy, xchi.

San Mateo 13:22

Te ts'unubil te c'oht ta yohlil ch'ixileltic, ha sc'oblal te mach'a ya ya'iy te c'op, pero te bin ya xbaht ta yo'tan sna'el te bintic ay ta bahlumilal soc te lo'loyel yu'un te c'uhlejalil ya stenic te c'ope, ma ba ya yac' sitinuc.

San Marcos 4:19

pero te sna'el bintic ay ta bahlumilal, te lo'loyel yu'un te c'uhlejalil soc te bic'sitayel biluquetic, ha ya stenic te c'ope, hich ma ba ya yac' sitinuc.

Efesios 1:21

te ha toyol c'oht yu'un spisil ajwaliletic, te mach'atic ay ya'telic, te ay yu'elic soc jpasawetic ta mandar, soc ha toyol c'oht yu'un spisil bihililetic te ya yich'ic a'beyel, ma ha'uc nax ta ora ini, soc ta patil bahel.

Efesios 2:11

Ha yu'un na'ahic me bin ut'il ayex ta nahil to, ha'ex jyanlumex ta scuenta ch'ich'-baq'uet, te halbil te ma ba awich'ojic circuncisión, xchi ac'oblalic yu'un te mach'atic yich'ojic circuncisión, ha te bin pasbil ta c'abal ta sbaq'uetalic.

Efesios 2:13

Pero ha'ex te namal ayex ta stojol Dios ta namey, ta ora ini, ta scuenta Cristo Jesús, la awich'iquix nohpojtesel tal ta scuenta sch'ich'el Cristo.

Efesios 4:17

Hich ya calbeyex soc hich ya jpasex ta mandar ta scuenta te Cajwaltic, te ma me hichuc atalelic te bin ut'il stalel te jyanlumetic, te biluc nax ya slomic ta pasel ta scaj te ma sna'ic q'uinal,

Efesios 5:8

Como ta nahil to ha'ex yihc'al q'uinalex, pero ta ora ini ha'ex sacal q'uinalex ta scuenta Cajwaltic; hich me ac'a ayinuquex te bin ut'il yal-snich'nab te sacal q'uinale,

Santiago 1:27

Te sch'uhunel Dios te lec soc te mayuc bin chopol tey a ya yil te Jtatic Dios, ha te yula'tayel te me'ba' alaletic soc me'ba' antsetic te ay swocolic, soc te ya scanantay sba te ma xbohlobtesot yu'un te bahlumilale.

Levítico 11:16

te avestruz-mut, muc'ul xcuj, saquil pechul-ha', spisil ta chahp jxiquetic,