Efesios 2:19 - Bible in Tzeltal Bachajón

¹⁹ Ha yu'un ma jyanlumuquexix, ma yanuquix alumalic, pajal alumal abahic soc te mach'atic ch'uhltesbilic soc jun ayexix soc te mach'atic yu'un Dios,

Nuevo Testamento Tzeltal de Amatenango

¹⁹ Jaꞌ yuꞌun te jaꞌexe ma jyanlumukexix sok ma jakaluk ay te alumalike. Pajal alumal abaikix sok te jtejklum yuꞌun Dios sok pajal xnichꞌanexix te Diose.

Bible in Tzeltal de Oxchuc y Tenejapa

¹⁹ Jich yu'un te ja'exe, ma jyanlum ayuquexix te jbeomex nax te ayex ta bay ma ja'uc aq'uinalique. Pajal alumal abaiquix soc spisil te mach'atic ch'ul lum yu'un te Diose. Yal-snich'anexix Dios uuc te ja'exe.

Efesios 2:19 Referans Kwoze

Filipenses 3:20

Yan te ho'otic ha jlumaltic te ch'ulchan, te banti yac jmahliybeltic ya xtal te Jcoltaywanej, ha te Cajwaltic Jesucristo.

1 Juan 3:1

Ilawil bin ut'il bayel c'uxotic ta yo'tan te Tatil, te ha yal-snich'anotic Dios ya jbihilintic. Ha scuentahil te ma sna'botic jbahtic te bahlumilale, como ma sna'beyic sba te Diose.

Gálatas 6:10

Ha yu'un, ha chican ban c'alal ya xhu' cu'untic, ac'a jpastic te bin lec ta pasel ta stojol spisil yantic, soc c'ax hich a ta stojol te mach'atic pajal ay sch'uhunel co'tantic soque.

Efesios 2:12

Ta hich ora mayuquex ta stojol te Cristo, ma junuc alumalic soc te Israel, ma ba ochemex tey ta chapbil-c'opetic yu'un te bin yaloj Dios, mayuc smuc'ul awo'tanic soc ma ba joquimbilex yu'un Dios ta bahlumilal.

Efesios 3:6

Te bin muquen ay, ha te bin ut'il ta scuenta te lec yach'il c'op te jyanlumetic pajal sjelol stat soc Israel, junax sbaq'uetal schebalic, soc pajal ya yich'ic te bin yaloj Dios ya yac' ta scuenta Cristo Jesús.

Hebreos 11:13

Ta spisilic ini ay sch'uhunel yo'tanic a c'alal chamic, ma ba la yich'ic te bin halbot ya yich'ic, namal to la yilic, la sch'uhunic soc tse'el yo'tanic yu'un. Jamal la yalic te ha jyanlumetic soc jbehyometic ta bahlumilal.

Efesios 3:15

(te ha yich'beyejic sbihil spisil ta chahp te mach'atic ayic ta ch'ulchan soc ta bahlumilal),

San Mateo 10:25

Tic'uc a te jnopojel te pajal ya xc'oht soc te maestro yu'un, soc te a'bat te pajal ya xc'oht soc te yajwale. Teme a'bot sbihilin Beelzebú te tatile, ¿ha'uc to balix a te mach'atic ay yu'un ta sna?

Hebreos 13:14

como mayuc pueblo cu'untic li'i te stalel ay, ha yac jlehbeltic te pueblo te talel yaque.

1 Pedro 2:11

Quermanotac te c'uxex ta co'tan, ya calbeyex wocol, te bin ut'il jyanlumex soc jbehyomex ta bahlumilal ini, te yacuc xhil awu'unic te bin mulambil ta pasel yu'un te abaq'uetalic te ya scontrahin te ach'uhlelique.