Efesios 2:13 - Bible in Tzeltal Bachajón

¹³ Pero ha'ex te namal ayex ta stojol Dios ta namey, ta ora ini, ta scuenta Cristo Jesús, la awich'iquix nohpojtesel tal ta scuenta sch'ich'el Cristo.

Nuevo Testamento Tzeltal de Amatenango

¹³ Pero te ora to, jun nax ayexix sok te Cristo Jesuse ta skuenta xchꞌichꞌel te stukel a smale. Te jaꞌex te nail toe ben jakal ayex, pero la stijilteselexix.

Bible in Tzeltal de Oxchuc y Tenejapa

¹³ Ta ora to ta swenta Cristo Jesús, manchuc teme q'uejel ayex ta neelal toe, ja'uc me to, la awich'iquix noptsanel ta swenta bit'il la smal xch'ich'el te Cristoe.

Efesios 2:13 Referans Kwoze

Hechos 2:39

como te bin yaloj ta jamal te Diose, ha awu'unic soc ha yu'un te awal-anich'nabic soc spisil mach'atic namal ayic, ha te mach'atic ya x'ic'otic yu'un te Diose, xchi.

Isaías 57:19

Ya ca'be yalic te yutsil c'oblalil ini: Lamaluc me q'uinal ta stojol te mach'a namal ay, lamaluc me q'uinal ta stojol te mach'a nopol ay, xchihic, soc ya jlecubteslan, xchi te Jehová.

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

Isaías 43:6

Hich ya calbe te norte: La' li'i, xchihon, soc hich ya calbe te sur: Ma me xacom. Ic'bon tal ta namal te jnich'nab queremetic, soc te ach'ixetic c'alal ta sti'il te bahlumilal,

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.

Hechos 26:18

yu'un yac ajambe sitic scuenta yu'un ya xloq'uic ta yihc'al q'uinal, ya x'ochic ta sacal q'uinal, soc te ma ba ya x'ayiniquix ta scuenta yu'el te Satanás, te ha ya xtalic ta stojol Dios; scuenta yu'un ya xpasbotic perdón yu'un smulic ta scuenta sch'uhunel yo'tanic ta jtojol soc pajal ay bin ya yich'ic soc te mach'atic ch'ultesbilique, xchi jc'oblal.

Efesios 2:12

Ta hich ora mayuquex ta stojol te Cristo, ma junuc alumalic soc te Israel, ma ba ochemex tey ta chapbil-c'opetic yu'un te bin yaloj Dios, mayuc smuc'ul awo'tanic soc ma ba joquimbilex yu'un Dios ta bahlumilal.

Efesios 1:7

Ha ta scuenta te colotic ta libre ta scuenta sch'ich'el, te ay perdón yu'un mulil, ha chican te sc'uhlejal te yutsil yo'tan

Gálatas 3:28

Mayuquix judío o griego; mayuc moso o mach'a ay ta libre; mayuc winic o ants, como junax c'ohemex ta apisilic ta scuenta Cristo Jesús.

2 Corintios 5:17

Ha yu'un teme ay mach'a junax c'ohemix soc Cristo, ha yach'il ants-winic: hilix te bin poco', spisil pasbilix ta yach'il.

Isaías 66:19

Ya cac' jun seña ta yohlilic, soc te mach'atic cuxul hilic ya jticon bahel ta stojol te nacionetic: ha ta Tarsis, ta Put soc te Lud (te ya sna'ic yaq'uel t'ihmalte'), ta Tubal, ta Javán, soc ta ti'ti'mar te namal ayic te ma ba ya'iybeyejonic jc'oblal soc ma ba yilojic te cutsilale. Ya me spuquic ta halel te cutsilal ta stojol te nacionetique.

Salmos 22:7

Spisil te mach'atic ya yilonic ya slabanonic; ya yixtalan yehic soc ya sjimulan sjolic, hich ya yalic:

1 Pedro 3:18

Como ha nix hich te Cristo jmehl nax laj ta scuenta mulil, ha laj te mach'a toj ta scuenta te mach'atic ma tojuquic, yu'un ya yiq'uex bahel ta stojol Dios. Ac'ot ta lajel ta sbaq'uetal, pero cuxaj ta scuenta espíritu,

Hebreos 9:18

Ha scuentahil te ay ch'ich' la yich' malel c'alal la yich' chapel te nahil chapbil-c'op,

1 Corintios 1:30

Ha nix ta scuenta Dios te jun ayex soc Cristo Jesús, te ha sp'ijil co'tantic c'oht yu'un Dios soc te ha ta scuenta te halbotic te toj ayotic, te ch'ultesbilotic soc te colemotic ta libre yu'une,

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Romanos 8:1

Ha yu'un te mach'atic ayic ta stojol te Cristo Jesús, ma ba quechelix ta stojel te smulique, ha te mach'atic ma ba ya'telinejic spasel te bin ya sc'an te sbaq'uetalic, ha ya'telinejic spasel te bin ya sc'an te Espíritu,

Hechos 22:21

Pero la yalbon: Bahan, como namal ya jticonat bahel ta stojol te jyanlumetic, la yuton, xchi te Pablo.

Hechos 15:14

Te Simón la yalix bin ut'il ta shahchibal lec la ya'iy Dios te ya yic' ta stojol jun pueblo yu'un ta yohlil te jyanlumetique.

Isaías 60:9

Ha barcohetic te yacalic ta talel ta ti'ti'mar, ha nahil yu'unic te barcohetic yu'un Tarsis, ya yiq'uic tal ta namal te anich'nab, soc oro soc plata yu'unic, scuenta yich'el ta muc' te Jehová, te Dios awu'un, te Ch'ul Dios yu'un Israel, te la ya'bat awutsilal.

Isaías 60:4

Toya asit, ilawil ta ajoyobal: spisilic ya stsob sbahic soc ya xtalic ta atojol. Te queremetic awu'un namal ya xtalic, soc te awantsil-nich'nab petbil ya xtalic.

Isaías 49:12

Ilawil, ya xtalic ta namal q'uinal: ay ya xtalic ta stojol norte, ay ya xtalic ta stojol smahlib c'ahc'al, soc ay ya xtalic ta banti sq'uinal Sinim.

Isaías 11:10

Ta hich ora, te slohp' te Isaí ha bandera ya xc'oht yu'un te pueblohetic; ya xlehot yu'un te ants-winiquetic, soc bayel me yutsil te banti ya xnahine.

Salmos 73:27

Te mach'atic ya xnamijic ta atojol, ya me xlajic; ha'at yac alajinlan spisil mach'atic ma junuc yo'tanic ta atojol.

San Juan 10:16

Ay to yantic tuminchijetic cu'un te ma ba ochemic ta corral, ya sc'an te ha nix hich ya quic'ticlan tal; ya me ya'iybonic jc'op, ha jtsohb nax ya xc'ohtic soc jtuhl nax jcanan yu'unic.

1 Corintios 12:13

Como ta scuenta junax Espíritu te junax baq'uet c'ohotic ta scuenta ich'-ha', teme ha judíohetic, griegohetic, mosohetic o mach'atic libre ayic; ta jpisiltic ac'ot cuch'tic junax Espíritu.

Efesios 1:1

Pablo, jpuc-c'opon yu'un te Jesucristo ta scuenta sc'anojel yo'tan Dios, ta stojol te mach'atic ayic ta Éfeso te ch'uhltesbilic soc te jun yo'tanic ta stojol Cristo Jesús:

Efesios 2:2

te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

Efesios 2:6

Soc pajal la scha'cuxajtesotic tal soc Cristo, soc ha nix la yac' huhcajucotic soc ta ch'ulchan,

Efesios 2:10

Ha ya'telotic te Diose, pasbilotic ta scuenta Cristo Jesús yu'un ya jpastic te lequil a'teliletic te schahpanej ta nahil to te Dios te ya jpastique.