Efesios 2:12 - Bible in Tzeltal Bachajón

¹² Ta hich ora mayuquex ta stojol te Cristo, ma junuc alumalic soc te Israel, ma ba ochemex tey ta chapbil-c'opetic yu'un te bin yaloj Dios, mayuc smuc'ul awo'tanic soc ma ba joquimbilex yu'un Dios ta bahlumilal.

Nuevo Testamento Tzeltal de Amatenango

¹² Naꞌaik me te ay kꞌaal maꞌyukex ta skuenta te Cristoe. Parte ayex sok te nasion yuꞌun Israele, y maꞌyuk awochelik a te trateetik sjapꞌoj te Diose. Jich nax kuxulex ta balmilal. Maꞌyuk Dios awuꞌunik y ni maꞌyuk tut ya amaliyik.

Bible in Tzeltal de Oxchuc y Tenejapa

¹² Ta neelal to, ma'yuquex ta swenta te Cristoe. Ma junuc ayex soc te lum Israele, soc ma'yuc ta awentaic te bila yaloj ta tratoetic te Diose. Jich nax cuxulex ta q'uinal. Ma'yuc smuc'ul awo'tanic soc ma'yuc Dios ta awo'tanic ta balumilal.

Efesios 2:12 Referans Kwoze

Gálatas 4:8

Ta nahil to, te c'alal ma ba la ana'beyic sba te Diose, ayex ta mosohil yu'un bintic ma ha'uc diosetic.

Colosenses 1:21

Ha nix hichex, ta nahil to namal ayex ta stojol Dios soc ha scontrahex ta scaj apensaric soc ta scaj chopol awa'telic,

1 Pedro 1:3

Wocol yal te Dios te Stat te Cajwaltic Jesucristo, te ta scuenta smuc'ul sc'uxul yo'tan la yac' te cha'ayinotic ta scuenta te cha'cuxaj tal te Jesucristo ta yohlil te mach'atic chamenic, scuenta yu'un ay smuc'ul co'tantic te cuxul,

1 Tesalonicenses 4:13

Quermanotac, ma jc'ancotic te ma xana'ic bin ut'il ay sc'oblal te mach'atic ya xway sbaq'uetalic, scuenta yu'un ma hichuc yac amel awo'tanic yu'un a te bin ut'il te mach'atic mayuc smuc'ul yo'tanique.

Efesios 4:18

te ay ta yihc'al q'uinal te spensaric soc namal ayic ta stojol te cuxlejal yu'un Dios ta scaj te ma sna'ic q'uinal, ta scaj te tulan te yo'tanique.

Ezequiel 37:26

Ya jpas chapbil-c'op scuenta lamal q'uinal ta stojolic; ha chapbil-c'op sbahtel q'uinal ta stojolic. Ya ca'be yich' yipic soc ya cac' te ya xp'ohlic, soc ya cac' ta yohlilic te ch'ul awilal cu'un sbahtel q'uinal.

1 Tesalonicenses 4:5

ma ha'uc soc chijil-o'tanil, hich te bin ut'il ya spasic te jyanlumetic te ma ba ya sna'beyic sba te Diose;

San Juan 15:5

Ho'on te sch'oxalon ts'usub, ha'ex te sc'abex; te mach'a jc'axel ya yac' sba ta jtojol soc te ho'on jc'axel ya cac' jba ta stojol, ya me yac' bayel sit, yan teme parte yac awac' abahic, mayuc bin ya xhu' awu'unic spasel.

Hebreos 6:18

Ha yu'un ta scuenta te cheb ini te ma xyanij sc'oblal, te ma xhu' ya spas lot yu'un te Diose, te ho'otic te jnohpojemotic bahel ta stojol ay bayel yip co'tantic te ya cu'untaytic te smuc'ul-o'tanil te ay ta jtojoltique.

Romanos 9:8

Ha yu'un, ma ha'uc yal-snich'nab Dios te mach'atic al-nich'aniletic ta scuenta ch'ich'-baq'uet, ha sts'umbal Abraham c'ohemic te mach'atic al-nich'aniletic ta scuenta te bin yaloj ta jamal te Diose,

2 Crónicas 15:3

Te Israel bayel c'ahc'al mayuc ta stojol te Dios te smelelil, mayuc sacerdote te ya x'a'bot snopic yu'un soc mayuc Ley;

1 Pedro 3:15

Ha me xawich'ic ta muc' ta awo'tanic te Cristo te bin ut'il ha Ajwalil awu'unic, soc chapaluquex me spisil ora ta sjac'beyel sc'op te mach'a ya sjoc'obeyex te bin ut'il ay sc'oblal te smuc'ul awo'tanic, mansohuc me awo'tanic soc ich'biluc me ta cuenta hich yac apasic.

Hechos 28:20

Ha scuentahil te la jticonex ta iq'uel talel yu'un ya quilex soc ya jc'oponex, yu'un ha nax ta scaj te bin smuc'ulinej yo'tan te Israel te ayon ta chuquel ta cadena, xchi te Pablo.

Hechos 3:25

Ha'ex yal-snich'anex te jalwanejetic soc ay ta acuentahic te c'op chapbil yu'un Dios soc te jme'jtatic, te hich la yalbe te Abraham: Ta scuenta ats'umbal ya x'a'bot bendición spisil ta chahp te mach'atic ayic ta bahlumilal, te xchihe.

Jeremías 17:13

Jehová, te smuc'ulat yo'tan Israel, spisil te mach'atic ya yihquitayat ya x'ac'otic ta q'uexlal. Te mach'atic ya spit sbahic ta atojol, ya yich'ic ts'ihbayel ta ts'ubil lum ta scaj te la yihquitayic hilel te Jehová, te cuxul sloq'uib-ha'e.

Génesis 15:18

Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

1 Juan 3:3

Spisil mach'a te hich yac ta smahliyel, ha nix yac slecubtesbel sba, hich te bin ut'il lec stuquel te Cristo.

1 Pedro 1:21

Ha nix ta scuenta te yac ach'uhunic Dios, ha te mach'a la scha'cuxajtes ta yohlil mach'atic chamenic soc la ya'be yutsilal, ha scuentahil te awac'oj sch'uhunel awo'tanic soc smuc'ul awo'tanic ta stojol te Diose.

Hebreos 11:34

la stup'ic te xpulet ta tihlel c'ahc', ma ba la yich'ic milel ta espada, a'bot yipic te c'alal lajem yipic a, tulan la ya'iyic tsalaw ta guerra, soc la snutsic bahel jyanlum soldadohetic.

1 Timoteo 1:1

Pablo, jpuc-c'op yu'un te Jesucristo ta scuenta smandar Dios te Jcoltaywanej cu'untic, soc te Cajwaltic Jesucristo te ha smuc'ul co'tantic,

2 Tesalonicenses 2:16

Ha nix te Cajwaltic Jesucristo soc te Jtatic Dios, te ha la sc'uxultayotic soc la ya'botic yip co'tantic scuenta sbahtel q'uinal soc smuc'ul co'tantic ta scuenta yutsil yo'tan,

Colosenses 1:27

Dios la sc'an ya ya'be sna'ic te yutsil sc'uhlejal te bin mayuc ta na'el ini te lec ta a'iyel ta yohlil te jyanlumetic, ha te ay ta awo'tanic te Cristo, te ha ta scuenta te ya me xchicnaj utsilal.

Colosenses 1:5

Hich ay awo'tanic ta scaj te bin yac amahlibelic te q'uejbil ta acuentahic ta ch'ulchan. Te bin yac amahlibelic awa'iybeyejic sc'oblal ta scuenta te smelelil c'op yu'un te lec yach'il c'op

San Juan 10:16

Ay to yantic tuminchijetic cu'un te ma ba ochemic ta corral, ya sc'an te ha nix hich ya quic'ticlan tal; ya me ya'iybonic jc'op, ha jtsohb nax ya xc'ohtic soc jtuhl nax jcanan yu'unic.

San Juan 4:22

Te ha'ex ma xana'beyic sba; yan te ho'otcotic ha ya quich'cotic ta muc' te mach'a ya jna'becotic sba, como tey ya xtal ta stojol te judíohetic te colele.

San Lucas 1:72

yu'un ya sc'uxultay te jme'jtatic, soc yu'un sna'el te ch'ul chapbil-c'op yu'une,

Oseas 3:4

Como te snich'nab Israel bayel c'ahc'al te mayuc ajwalil, príncipal, chic'bil mahtanil, tehc'ambil ton, o loc'ombahetic yu'unic.

Ezequiel 13:9

Ya jach jc'ab ta scontrahinel te jalwanejetic te ma meleluc bin ya yilic soc te slotic bin ya yalic ta jna'ojel; ma ba ya xhilic ta tsoblej yu'un te pueblo cu'un, soc ma ba ya yich' ts'ihbabeyel sbihilic ta libro yu'un te sna Israel, soc ma ba ya suhtic bahel ta sq'uinal Israel. Ya me ana'ic te ho'on Jehovahon, Ajwalilon.

Jeremías 14:8

Ha'at smuc'ulat-o'tanil yu'un Israel, ha Jcoltaywanejat yu'un ta yorahil wocol, ¿bin yu'un te hich c'ohemat te bin ut'il jyanlum ta q'uinal, te hichat te bin ut'il jbehyom te junax ahc'abal ya xwayat?

Isaías 45:20

Tsoba abahic, la'ic me, tsoba abahic apisilic te cuxul hilex ta yohlil te nacionetique. Mayuc bin ya sna'ic te mach'atic ya sbehentesic loc'ombahetic pasbilic ta te', te mach'atic ya sc'oponic jun dios te ma xhu' ya xcoltaywan.

Isaías 44:6

Hich ya yal te Jehová, te Ajwalil soc te J'ac'aw ta libre yu'un Israel, te Jehová te scuentahinej spisil: Ho'on ayon ta shahchibal soc ta slajibal; mayuc yan dios ta jtojol.

Esdras 4:3

Pero te Zorobabel, te Jesúa soc te yantic jtsobawetic yu'un jujuchahp sna sme'static ta Israel hich la yalic: Ma spas te ya joquin jbahtic ta spasel te sna te Dios cu'uncotic. Ta jtuquelcotic ya jpascotic te sna Jehová te Dios yu'un Israel, hich te bin ut'il la spasotcotic ta mandar te Ciro ajwalil yu'un Persia, xchihic.

Números 18:19

Spisil te ch'ul mahtaniletic ya ya'beyic Jehová te snich'nab Israel la jca'bat ha'at soc te ach'iex-queremetic awu'un scuenta mandaril te ma xlaj sc'oblal. Ha chapbil-c'op yu'un ats'am te ma xlaj sc'oblal ta stojol Jehová te ha awu'un soc yu'un ats'umbal, xchi te Jehová.

Isaías 61:5

Te jyanlumetic ya scanantayic te tuminchijetic awu'unic, ya x'a'tejic ta aq'uinal soc ta ts'usubiltic awu'unic.

Isaías 14:1

Te Jehová ya me sna'be yo'bolil sba te Jacob, ya stsa yan buelta te Israel soc ya yac' ayinuc xan ta sq'uinalic. Ya xjoquinotic yu'un jyanlumetic te junax ya xc'ohtic soc te sts'umbal Jacob.

Ezequiel 47:22

Yac apasic seña ta na'el scuenta spucticlanel te q'uinal ta awohlilic soc te jyanlumetic te nahinemic ta awohlilic, te ayinem yal-snich'nabic ta awohlilique. Hichuc me ta awo'tanic te pajal ayic soc te snich'nab Israel; pajal yac apasbeyic seña ta na'el soc te ha'exe, yu'un ya yich'ic sq'uinalic ta yohlil te chahpalchahp yu'un Israel.

Hechos 2:39

como te bin yaloj ta jamal te Diose, ha awu'unic soc ha yu'un te awal-anich'nabic soc spisil mach'atic namal ayic, ha te mach'atic ya x'ic'otic yu'un te Diose, xchi.

Efesios 2:19

Ha yu'un ma jyanlumuquexix, ma yanuquix alumalic, pajal alumal abahic soc te mach'atic ch'uhltesbilic soc jun ayexix soc te mach'atic yu'un Dios,

Hebreos 8:6

Pero yo'tic c'ax lec xan te ya'tel yich'oj Jesús, hich te bin ut'il c'ax lec xan te chapbil-c'op te ha Jc'asesej-c'op yu'une, te la yich' aq'uel ta scuenta te bin yaloj Dios te ha c'ax lec xane.

Éxodo 12:45

Te jyanlum o te jle-a'tel ma xhu' ya swe'ic.