Efesios 1:5 - Bible in Tzeltal Bachajón

⁵ Ta scuenta te sc'uxul yo'tan namey chapal yu'un te ya yal-snich'aninotic ta scuenta te Jesucristo, hich te bin ut'il la sc'an te yutsil sc'anojel yo'tan,

Nuevo Testamento Tzeltal de Amatenango

⁵ Ta skuenta skꞌuxul yoꞌtan jich chapal yuꞌun te nail toe te jich ya yikꞌotik ta yal-xnichꞌan ta skuenta te Jesucristoe, jich tutꞌil te yaloje te jich ya skꞌan yoꞌtane.

Bible in Tzeltal de Oxchuc y Tenejapa

⁵ Ta swenta xc'uxul yo'tan, te xjajch'ibal to chapal yu'un Dios te ya yic' yal-snich'aninotic ta swenta te Jesucristoe. Bayal sbujts' yo'tan te la yic'otic ta swenta te sc'anjel yo'tane.

Efesios 1:5 Referans Kwoze

Efesios 1:11

Ta scuenta Cristo ha nix hichotcotic la yac' te ya x'ac'ot quich'cotic bintic ay yu'un Dios, te bin ut'il namey tsahbilotcotic yu'un te mach'a ya yac' c'ohtuc ta pasel spisil bin ya sc'an yo'tan stuquel,

1 Juan 3:1

Ilawil bin ut'il bayel c'uxotic ta yo'tan te Tatil, te ha yal-snich'anotic Dios ya jbihilintic. Ha scuentahil te ma sna'botic jbahtic te bahlumilale, como ma sna'beyic sba te Diose.

San Juan 1:12

Pero spisil te mach'atic la yich'ic ta cuenta, te la sch'uhumbeyic te sbihile, la yac' te ha yal-snich'nab Dios ya xhu' ya xc'ohtic.

Romanos 8:23

Ma stuqueluc nax, ha nix hichotic te quich'ojtic te sba sit yu'un te Espíritu, ha nix hich yacotic ta ahcan ta co'tantic te c'alal yacotic ta smahliyel te iq'uel ta al-nich'an yu'un Dios, ha te colel yu'un te jbaq'uetaltic,

Gálatas 3:26

Apisilic yal-snich'anex Dios ta scuenta bin ut'il ach'uhunejic te Cristo Jesús,

2 Corintios 6:18

Ho'on Atatonic ya xc'ohon, ha'ex ach'ix queremetic cu'un ya xc'ohex, xchi te Cajwaltic te spisil ya xhu' yu'une.

Apocalipsis 21:7

Te mach'a ya ya'iy tsalaw ya me x'a'bot yu'untay spisil ini, soc Ho'on Dioson yu'un ya xc'ohon soc ha cal-jnich'an ya xc'oht.

Oseas 1:10

Aunque hich ay, te israeletic hich ya xc'ohtic te bin ut'il shi'al mar, te ma xhu' ta p'isel o ta ahtayel. Ta banti hich ya xhalbotic: Ma puelohuquex cu'un, te xchihe, hich ya xhalbotic: Yal-snich'anex te cuxul Dios, xchi sc'oblalic.

Efesios 1:9

La ya'botic jna'tic te sc'anojel yo'tan te ma ba hu' ta na'el, yu'un hich la sc'an yo'tan, te hich schapoj ta yo'tan ta scuenta Cristo,

San Juan 11:52

Soc ma ha'uc nax ta scuenta te nación, ha nix yu'un te ya stsob ta junax te yal-snich'nab Dios te puhquemique.

Jeremías 3:19

Hich la jcal: Mero la jc'an te ya caq'uex ta al-nich'anetic cu'un soc te ya ca'beyex t'ujbil q'uinal, ha te q'uinal te c'ax hich yutsil a te bin ut'il te yich'ojic yantic nacionetic. La jcal te, Jtat, xchihuquex ta jtojol, te ma ba yac awihquitay aba at'umbelon.

2 Tesalonicenses 1:11

Ha scuentahil te spisil ora ya jc'opombeyexcotic Dios te ha'uc lec yo'tan awu'unic yu'un te la yiq'uex, soc ta scuenta yu'el te ts'acaluc ya sc'ohtes ta pasel spisil te bintic lec chapal awu'unic soc spisil te awa'telic yac apasic ta scuenta sch'uhunel awo'tanic.

San Lucas 10:21

Ta hich ora bayel yutsil yo'tan Jesús ta scuenta te Espíritu, hich la yal: Ya calbat awutsilal, Jtat, te Yajwalat ch'ulchan bahlumilal, como te bintic ay ini anac'oj ta stojol te mach'atic ay sp'ijilic soc te mach'atic ay bin ya sna'ic, ha la awa'be sna'ic te alaletique. Hich, Jtat, como hich la sc'an awo'tan.

1 Corintios 1:21

Ta scuenta sp'ijil yo'tan Dios, ma ba la sna'be sba Dios ta scuenta sp'ijil mach'atic ayic ta bahlumilal; lec la ya'iy Dios te ya yac' coluc te mach'atic ya sch'uhunic ta scuenta yalel sc'op Dios te cuybil ta howil c'ope.

San Juan 20:17

Halbot yu'un te Jesús: Ma me xapicon, como ma to ba mohemon ta banti ay te Jtate; pero bahan, halbeya te quermanotac: Ya xmohonix bahel ta banti ay te Jtat soc te Tatil awu'unic, te Dios cu'un soc te Dios awu'unic, xchi.

Daniel 4:35

Te mach'atic nahinemic ta bahlumilal hich c'ohemic te mayuc sc'oblalic ta stojol; ha ya spas te bin ya sc'an yo'tan ta stojol tsobolic ta ch'ulchan soc te mach'atic nahinemic ta bahlumilal. Mayuc mach'a ya xhu' ya scombe sc'ab o te hich ya yalbe: ¿Bin yac apas? te xchihe.

San Mateo 11:26

Hichuc, Jtat, yu'un hich la sc'an awo'tan.

San Lucas 11:32

Te mach'atic yu'un Nínive ya me xhahchic ta yorahil ich'el ta c'op soc ya me yalbe smul te jcaj ts'umbalil ini; como la suhtes yo'tanic c'alal la ya'iyic te sc'op Dios la yal te Jonás, pero ay mach'a li' ay te c'ax hich sc'oblal a te bin ut'il Jonás.

Filipenses 2:13

como ha nix te Dios te ya x'a'tej ta awo'tanic, te ya yac' te yac ac'anic soc te yac apasic te bin lec ya sc'an yo'tan stuquel.

1 Corintios 1:1

Pablo, te ic'bil ta jpuc-c'opil yu'un Jesucristo ta scuenta sc'anojel yo'tan Dios, soc nix te quermanotic Sóstenes,

San Mateo 1:25

Pero ma ba la sta sba soc ha to c'alal ayin te sba-ale, soc la ya'be sbihilin JESÚS.

Jeremías 3:4

¿Ma bal yach'iluc to hich la awalbon: Jtat, ha'at joquinwanejat cu'un c'alal to ta jqueremil,

San Lucas 12:32

Ma me xiwex, tut jtsohb tuminchijex, como te Atatic lec ya ya'iy te ya ya'beyex te cuentahinel yu'une.

Hechos 13:48

C'alal hich la ya'iyic te jyanlumetic, tse'el yo'tanic yu'un soc la yalbeyic yutsil sc'oblal te sc'op Cajwaltic; soc la sch'uhunic Dios spisil te mach'atic tsahbilic te ya yich' scuxlejalic sbahtel q'uinal.

Colosenses 1:19

como hich la sc'an te Tatil te ha ya yich'be spisil te stalel,

Hebreos 2:4

soc ha nix Dios la yac' ta na'el te melel ta scuenta señahiletic, xchamet yo'tanic yu'un, jchahp a'teliletic, soc mahtaniletic yu'un te Ch'ul Espíritu te la spucticlan ha chican bin ut'il la sc'an yo'tan stuquel.