Efesios 1:18 - Bible in Tzeltal Bachajón

¹⁸ Ya jc'ambe Dios te yacuc sjambeyex awo'tanic scuenta yu'un yac ana'ic bin a te yac amahlibelic te ha ic'bilex yu'une, soc yu'un yac ana'ic bin ut'il ay te yutsil sc'uhlejal te bin ya yich' hilel te Dios, ha te mach'atic ch'uhltesbilic,

Nuevo Testamento Tzeltal de Amatenango

¹⁸ Ya jkꞌanbe Dios te yauk sjambeyex apensarike yuꞌun ya me anaꞌik a te tut yipalex ta smaliyel te jaꞌ ikꞌbilexix yuꞌune. Ben tsaꞌam y ben chapal te majtanil te Dios ya yaꞌbe te machꞌatik yuꞌune.

Bible in Tzeltal de Oxchuc y Tenejapa

¹⁸ Soc ya jc'anbey Dios te yacuc sjambeyex asitic soc te ya yac'beyex sp'ijil awo'tanic, swenta yu'un jich me ya ana'ic stojol te bit'il ya xc'ootic yu'un ta jpisiltic te ic'bilotic yu'une, soc jich me ya xc'ot ta awo'tanic te bit'il jelawen yutsilal te sc'ulejal te ya yac'botic ta patil jo'otic te ch'ul lumotic yu'un te Diose,

Efesios 1:18 Referans Kwoze

Hechos 26:18

yu'un yac ajambe sitic scuenta yu'un ya xloq'uic ta yihc'al q'uinal, ya x'ochic ta sacal q'uinal, soc te ma ba ya x'ayiniquix ta scuenta yu'el te Satanás, te ha ya xtalic ta stojol Dios; scuenta yu'un ya xpasbotic perdón yu'un smulic ta scuenta sch'uhunel yo'tanic ta jtojol soc pajal ay bin ya yich'ic soc te mach'atic ch'ultesbilique, xchi jc'oblal.

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.

San Lucas 24:45

Hich la sjambe yo'tanic scuenta yu'un ya xc'oht ta yo'tanic te bin ya yal te Shun Diose.

Efesios 1:7

Ha ta scuenta te colotic ta libre ta scuenta sch'ich'el, te ay perdón yu'un mulil, ha chican te sc'uhlejal te yutsil yo'tan

Efesios 5:8

Como ta nahil to ha'ex yihc'al q'uinalex, pero ta ora ini ha'ex sacal q'uinalex ta scuenta Cajwaltic; hich me ac'a ayinuquex te bin ut'il yal-snich'nab te sacal q'uinale,

Efesios 3:16

ya jc'ambe te yacuc ya'beyex, hich te bin ut'il te sc'uhlejal te yutsilal, yu'un yacuc yich' yip awo'tanic ta scuenta te Espíritu yu'un;

Efesios 4:4

Junax baq'uet soc junax Espíritu, hich te bin ut'il junax te bin smuc'ulinej co'tantic te ha ic'bilex yu'une,

Salmos 119:18

Jambon jsit yu'un ya quil te yutsilal ta Ley awu'une.

Tito 3:7

scuenta yu'un, te bin ut'il lec ilotiquix yu'un Dios ta scuenta yutsil yo'tan, ya xc'oht ta jcuentatic yich'el te cuxlejal scuenta sbahtel q'uinal te yacotic ta smahliyel.

Isaías 42:7

yu'un yac ajambe sit te jts'o'sitetic, yac aloq'ues ta libre te mach'a ayic ta cárcel, soc yac aloq'ues ta chucojibal te mach'atic nahinemic ta yihc'al q'uinal.

2 Tesalonicenses 1:11

Ha scuentahil te spisil ora ya jc'opombeyexcotic Dios te ha'uc lec yo'tan awu'unic yu'un te la yiq'uex, soc ta scuenta yu'el te ts'acaluc ya sc'ohtes ta pasel spisil te bintic lec chapal awu'unic soc spisil te awa'telic yac apasic ta scuenta sch'uhunel awo'tanic.

Efesios 4:1

Ho'on te ayon ta chuquel ta scuenta te Cajwaltic, ya calbeyex bayel wocol te hichuc ya xcuxajex a te bin ut'il pasel ya sc'an yu'un te ic'bilexix yu'un Dios.

Isaías 6:10

Tulantesbeya yo'tan te pueblo ini; macbeya schiquinic soc macbeya sitic, scuenta yu'un ma ba ya yil ta sitic, ma ba ya ya'iy ta schiquinic, ma ba ya xc'oht ta yo'tanic, ni ha'uc hich ya suhtes yo'tanic soc ya xlecubic yu'un, xchi.

1 Timoteo 6:12

A'beya te lequil tsaltamba yu'un te sch'uhunel-o'tanil; u'untaya te cuxlejal scuenta sbahtel q'uinal, te ha nix ic'bilat yu'un soc te ha ta scuenta te la awal te lequil testigo-c'op ta stojol tsobol testigohetic.

Isaías 29:10

Como te Jehová la smal ta atojolic espíritu yu'un c'ubul wayel; la smacbe sit te jalwanejetic awu'unic soc la smacbe sjol te mach'atic ya x'ilawanic.

1 Pedro 5:10

Pero te Dios te ay bayel yutsil yo'tan, te ha ta scuenta Jesucristo la yic'otic ta utsilal yu'un te sbahtel q'uinal ay, te c'alal c'axix awocolic cheb oxeb c'ahc'al, ha ni me ya slecubtesex, ya ya'beyex awipic, ya ya'beyex yip awo'tanic soc te jun awo'tanic.

Efesios 1:11

Ta scuenta Cristo ha nix hichotcotic la yac' te ya x'ac'ot quich'cotic bintic ay yu'un Dios, te bin ut'il namey tsahbilotcotic yu'un te mach'a ya yac' c'ohtuc ta pasel spisil bin ya sc'an yo'tan stuquel,

Hebreos 10:32

Pero na'ahic me te bin c'oht ta atojolic ta nahil to, te c'alal ochemexix ta sacal q'uinal a, te cuhch awu'unic awocol ta tsaltamba;

1 Tesalonicenses 2:12

Soc tulan sc'oblal la jcalbeyexcotic te hich me ya x'ayinex te bin ut'il ya sc'an ta stojol Dios, te la yiq'uex ochel ta banti te cuentahinel yu'un soc ta yutsilal.

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

Isaías 32:3

Hich ma ba ya xmahc sitic te mach'atic ya yilic, soc te mach'atic ay schiquinic ya me slahman sbahic ta ya'iyel.

Tito 2:13

te c'alal yacotic ta smahliyel te bin smuc'ulinej co'tantic te bayel yutsil, ha te ya xchicnaj tal soc yutsilal te muc'ul Dios soc Jcoltaywanej cu'untic, ha te Jesucristo.

2 Tesalonicenses 2:16

Ha nix te Cajwaltic Jesucristo soc te Jtatic Dios, te ha la sc'uxultayotic soc la ya'botic yip co'tantic scuenta sbahtel q'uinal soc smuc'ul co'tantic ta scuenta yutsil yo'tan,

1 Tesalonicenses 5:8

Yan te ho'otic te yu'unotic te c'ahc'alel, p'ijuc me x'ayinotic, ac'a jlaptic te smahquil jtahntic, ha te sch'uhunel co'tantic soc te sc'uxul co'tantic, soc ac'a jlaptic te smahquil joltic, ha te smuc'ul co'tantic yu'un te colele.

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

San Mateo 13:15

como tonoben yo'tanic ha'i pueblo ini, wocol ya x'och c'op ta schiquinic, soc smuts'oj sitic; scuenta yu'un ma ba ya yilic ta sitic, ma ba ya ya'iyic ta schiquinic, ma ba ya xc'oht ta yo'tanic, soc ma ba ya suhtes yo'tanic, te ya jlecubtes te hichuque, te xchihe.

1 Pedro 3:9

Ma me xasutbeyic ta bin chopol te mach'a chopol bin ya spasbeyex, soc ma me xasutbeyic chopol sc'oblal te mach'a la yalbeyex chopol ac'oblalic, ha xac'ambeyic bendición, como ana'ojic te ha ic'bilex yu'un yac awich'ic bendición,

Hebreos 6:4

Te mach'atic sacub q'uinal ta stojolic, te la ya'iybe sbuhts' te mahtanil yu'un ch'ulchan, te a'bot yich'ic te Ch'ul Espíritu,

Colosenses 3:15

Ac'a scuentahimbeyex awo'tanic te lamal q'uinal yu'un Cristo, te ha nix yu'un te la awich'ic tsobel ta junax baq'uet. Soc na'ahic me yalel wocol.

Colosenses 1:23

Pero ya sc'an te spisil ora ay yip te sch'uhunel awo'tanic, te ma ba ya xhil awu'unic te smuc'ul awo'tanic yu'un te lec yach'il c'op te awa'iyejic, te ha ya yich' halel ta stojol spisilic te ayic ta ye'tal ch'ulchan, te ho'on, Pablohon, quich'oj ca'tel ta yalel.

Colosenses 1:5

Hich ay awo'tanic ta scaj te bin yac amahlibelic te q'uejbil ta acuentahic ta ch'ulchan. Te bin yac amahlibelic awa'iybeyejic sc'oblal ta scuenta te smelelil c'op yu'un te lec yach'il c'op

Efesios 2:12

Ta hich ora mayuquex ta stojol te Cristo, ma junuc alumalic soc te Israel, ma ba ochemex tey ta chapbil-c'opetic yu'un te bin yaloj Dios, mayuc smuc'ul awo'tanic soc ma ba joquimbilex yu'un Dios ta bahlumilal.

Gálatas 5:5

Yan te ho'otcotic, ta scuenta te Espíritu yacotcotic ta smahliyel ta scuenta sch'uhunel co'tancotic te bin smuc'ulinej co'tancotic, ha te toj ya x'ilototcotic yu'un Dios,

Isaías 29:18

Ta hich ora te cohquetic ya ya'iyic bin ya yal ta balbil hun, soc te jts'o'sitetic ya x'ilawanic ta yohlil te yihc'al q'uinal soc ta ahc'abal.

1 Pedro 1:3

Wocol yal te Dios te Stat te Cajwaltic Jesucristo, te ta scuenta smuc'ul sc'uxul yo'tan la yac' te cha'ayinotic ta scuenta te cha'cuxaj tal te Jesucristo ta yohlil te mach'atic chamenic, scuenta yu'un ay smuc'ul co'tantic te cuxul,

Hechos 16:14

Ay jtuhl ants te yac ta ya'iyel, Lidia sbihil, talem ta Tiatira, te ya schon chi'in-yaxal pac'; yich'oj ta muc' te Diose. Jambot yo'tan yu'un te Cajwaltic yu'un ya xch'uhun te bin yac yalbel te Pablo.

Filipenses 3:14

ya jtojlin bahel te banti yacon ta bahele, yu'un ya jta te muc'ul mahtanil ta toyol te ya yic'on Dios yu'un ta scuenta te Cristo Jesús.

Job 42:5

La jca'iybat ac'oblal ta jchiquin, pero yo'tic ya quilatix ta jsit.

Isaías 11:2

Te espíritu yu'un Jehová ya xhul ta stojol: ha te espíritu yu'un p'ijil-o'tanil soc sna'beyel scuentahil, te espíritu yu'un j'ac'-o'tanil soc yu'el, te espíritu yu'un bin ay ta na'el soc xi'el te Jehová;

San Marcos 10:17

C'alal hahch ta behel te Jesús, tal ta ahnimal jtuhl winic, c'oht squejan sba ta stojol soc hich la sjoc'obe: Maestro te lecat ta winiquil, ¿bin ya jpas scuenta yu'un ya quich' te cuxlejal scuenta sbahtel q'uinal? xchi.

Romanos 2:4

¿O ma bal ayuc sc'oblal awu'un te yutsil slequil yo'tan Dios, te ya xcuhch yu'un soc te ya xmahliwan, te ma ba yac ana' te ya stojobtesat bahel te slequil yo'tan Dios yu'un yac asuhtes awo'tan?

Romanos 11:29

como ma xhu' ta lajimbeyel sc'oblal te mahtaniletic soc te iq'uel yu'un Dios.

Colosenses 1:12

soc tse'el awo'tanic yac awalbeyic wocol te Tatil, te la yac' te pajal ya xhu' yac awich'ic hilel te bin ay yu'un Dios soc te mach'atic ch'uhltesbilic te ayic ta sacal q'uinale.

Colosenses 1:27

Dios la sc'an ya ya'be sna'ic te yutsil sc'uhlejal te bin mayuc ta na'el ini te lec ta a'iyel ta yohlil te jyanlumetic, ha te ay ta awo'tanic te Cristo, te ha ta scuenta te ya me xchicnaj utsilal.

Colosenses 2:2

Tulan ya x'a'tejon scuenta yu'un ya xmuc'ubtesbot q'uinal ya'iyic soc junax ayic ta scuenta sc'uxul yo'tanic, scuenta yu'un ya stahic spisil te sc'uhlejal bintic ay ta na'el, te hich ya xhu' ya sna'ic a te bin muquen ay yu'un Dios, te ha nix sc'oblal te Cristo,