Efesios 1:17 - Bible in Tzeltal Bachajón

¹⁷ Ya jc'ambe te Dios yu'un te Cajwaltic Jesucristo, ha te Tatil yu'un utsilal, te yacuc ya'beyex espíritu yu'un p'ijil-o'tanil soc yu'un sna'el bin ac'bil ta na'el yu'un Dios, scuenta yu'un ya xhu' yac ana'beyic sba ta lec.

Nuevo Testamento Tzeltal de Amatenango

¹⁷ Ya jkꞌanbe te Diose yuꞌun te Kajwaltik Jesucristoe, te Tatil te lom bayal slekilale, aꞌ yaꞌbeyex te pꞌijilil ta skuenta te Espiritue, skuenta yuꞌun jich ya anaꞌik a te tut ya yakꞌ ta naꞌele, y ya me anaꞌbeyik sba ta lek.

Bible in Tzeltal de Oxchuc y Tenejapa

¹⁷ Ya jc'anbey te Dios yu'un te Cajwaltic Jesucristo, ja' te Jtatic te bayal yutsilale, te yacuc yac'beyex te Espíritu yu'une. Ja' me ya yac'beyex sp'ijil awo'tanic, soc ya me yac'beyex ana'ic stojol ta lec, swenta yu'un jich me ya ana'beyic xan sba ta melel a.

Efesios 1:17 Referans Kwoze

Isaías 11:2

Te espíritu yu'un Jehová ya xhul ta stojol: ha te espíritu yu'un p'ijil-o'tanil soc sna'beyel scuentahil, te espíritu yu'un j'ac'-o'tanil soc yu'el, te espíritu yu'un bin ay ta na'el soc xi'el te Jehová;

Proverbios 2:5

hich me yac ana' a te xi'el te Jehová soc hich me yac ana'be sba a te Diose.

2 Pedro 1:3

Ta scuenta yu'el te Dios la ya'botic spisil te bintic ya xtuhun cu'untic ta jcuxlejaltic soc ta sch'uhunel Dios, ta scuenta te ya jna'betic sba te Mach'a la yic'otic ta scuenta te yutsilal soc t'ujbil ya'tel.

2 Pedro 3:18

Behbehuc me muc'ubel te yutsil-o'tanil soc ta sna'beyel xan sba te Cajwaltic Jesucristo, te Jcoltaywanej cu'untique. Ac'a yich' halbeyel yutsil sc'oblal ta ora ini soc ta sbahtel q'uinal. Hichuc.

Efesios 1:3

Bayeluc me yutsil sc'oblal Dios te Stat te Cajwaltic Jesucristo, te ha ta scuenta Cristo ya'beyejotic spisil ta chahp bendicionetic te ayic ta ch'ulchan.

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Mateo 11:27

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatil te ya sna'be sba, soc mayuc mach'a ya sna'be sba te Tatil, ha nax te Nich'anil te ya sna'be sba soc te mach'atic ya sc'an ya x'a'botic sna'beyic sba yu'un te Nich'anil.

1 Corintios 2:10

Pero Dios la ya'botiquix jna'tic ta scuenta te Espíritu, como te Espíritu ya stsahtay spisil, ha nix hich te bin muquen ay yu'un Dios.

Jeremías 24:7

Ya ca'be yo'tanic te ya sna'bonic jba te ho'on Jehovahon. Ha pueblo cu'un ya xc'ohtic soc ho'on Dioson yu'unic ya xc'ohon, como spisil yo'tan ya me suhtic tal ta jtojol.

Efesios 3:5

ha te bin ma hichuc a'bot sna'ic te cajalcaj ts'umbalil, hich te bin ut'il a'bot sna'ic yu'un te Espíritu te ch'ul jpuc-c'opetic soc te jalwanejetique.

San Juan 20:17

Halbot yu'un te Jesús: Ma me xapicon, como ma to ba mohemon ta banti ay te Jtate; pero bahan, halbeya te quermanotac: Ya xmohonix bahel ta banti ay te Jtat soc te Tatil awu'unic, te Dios cu'un soc te Dios awu'unic, xchi.

Hechos 6:10

Pero ma ba hu' yu'unic stsalbeyel te sp'ijil yo'tan soc te Espíritu te ha c'opoj ta scuenta.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

San Juan 14:26

Pero te Joquinwanej, ha te Ch'ul Espíritu, te ya xticonot yu'un te Tatil ta scuenta jbihil, ha ya ya'beyex anopic soc ya ya'beyex ana'ic spisil te bin la jcalbeyexe.

2 Corintios 12:1

Ya sc'an te ya jtoy jba xan, aunque mayuc bin ya jta yu'un; pero ya calbe sc'oblal nahalsitiletic soc te bintic la yac' ta na'el te Cajwaltique.

San Lucas 21:15

como ho'on ya ca'beyex sp'ijil awo'tanic ta c'op, te ma xhu' yu'un ya scomex soc te ya scontrac'optayex spisil te acontrataque.

Salmos 24:7

¡Hacha ajolic, puertahetic! ¡Hacha ajolic, antiguo puertahetic, yu'un ya x'och te Ajwalil te ay yutsilal!

1 Corintios 12:8

Ay mach'a ya x'a'bot p'ijil-c'op ta scuenta te Espíritu; ay yan ya x'a'bot p'ijil-o'tanil scuenta sna'beyel scuentahil, ha nix te Espíritu te ya x'a'bot yu'une;

1 Corintios 2:8

Ma ba la sna'beyic scuentahil jtuhluc te mach'atic ay ya'telic ta bahlumilal, como te lajuc sna'beyic scuentahil, ma ba la yaq'uic ta milel ta cruz te Cajwaltic te ay yutsilal te hichuque.

Romanos 15:6

scuenta yu'un junax awo'tanic soc ac'opic yac awalbeyic yutsil sc'oblal te Dios, te Stat te Cajwaltic Jesucristo.

San Juan 16:3

Hich ya spasic ta scaj te ma sna'beyic sba te Tatil soc ma sna'bonic jba.

Daniel 10:1

Ta yoxebal ha'bil yochel ta ajwalil yu'un Persia a te Ciro, ay bin a'bot sna' te Daniel, te Beltsasar yan sbihile. Melel te bin la yal soc ha sc'oblal muc'ul guerra, pero te Daniel la sna'be scuentahil te c'op soc la sna' bin la yal te nahalsitile.

Jeremías 31:34

Mayuquix mach'a ya snohptes te spat-xuhc, mayuc mach'a ya ya'be snop te yermano, te hich ya yal: Na'beya sba te Jehová, te xchihe, como spisilic ya me sna'bonic jba, muc' biq'uit, xchi te Jehová. Como ya jpasbe perdón yu'un te schopolilic soc ma ba ya jna'beyix xan te smulique, xchi.

San Juan 14:17

ha te Espíritu yu'un smelelil, ha te ma xhu' ya yich' te mach'atic ayic ta scuenta bahlumilal, como ma ba ya yilic soc ma sna'beyic sba; yan te ha'exe, yac ana'beyic sba, como ay ta awo'tanic soc spisil ora ya sjoquinex.

San Mateo 16:17

Hich halbot yu'un te Jesús: Bayel awutsil, Simón snich'anat Jonás, como ma ha'uc la ya'bat ana' te mach'a ch'ich'-baq'uet, ha la ya'bat ana' te Jtat te ay ta ch'ulchan.

San Mateo 11:25

Ta hich ora la yal te Jesús: Ya calbat yutsil ac'oblal, Jtat, Yajwalat ch'ulchan soc bahlumilal, yu'un ma ba la awa'be sna'ic ha'i c'op ini te mach'atic p'ij yo'tanic soc te mach'atic ay bintic ya sna'ic, ha la awa'be sna'ic te bic'tal alaletique.

Jeremías 9:24

Te mach'a ya stoybe sba q'uinal ya'iy, hich me ac'a stoybe sba q'uinal ya'iy yu'un ini: ha te ya sna' bin ut'il ayon soc te ya sna'bon jba, te ya sna' te ho'on Jehovahon, te ya ca'iy c'uxultaywanej, te toj ya ca'iy chahpanwanej soc te ya jpas te bin stojil ta pasel, como ha ya sc'an co'tan ini, xchi te Jehová.

Jeremías 2:11

¿Ay bal nación te syanijtesej te diosetic yu'un, aunque ma ha'uc diosetic? Pero te pueblo cu'un la sjeltay te yutsilal ta bin jc'axel ma xtuhun.

Salmos 24:10

¿Mach'a a te Ajwalil te ay yutsilal? ¡Ha te Jehová te scuentahinej spisil, ha me te Ajwalil te ay yutsilale! Selah

Apocalipsis 7:12

hich yacalic ta yalel: ¡Hichuc! Ac'a yich' halbeyel yutsil sc'oblal, ac'a yich' yutsilal, p'ijil-o'tanil, halbeyel wocol, yich'el ta muc', yu'el soc yip te Dios cu'untic ta scuenta sbahtel q'uinal. ¡Hichuc! xchihic.

Tito 1:1

Pablo, a'bat yu'un Dios soc jpuc-c'op yu'un te Jesucristo yu'un ya sta sch'uhunel yo'tanic a te mach'atic tsahbilic yu'un Dios soc yu'un ya sna'ic te smelelil c'op te hich toj ya sc'an ch'uhunel te Diose,

Daniel 5:11

Li' ta banti yac awa'iy cuentahinwanej ay jtuhl winic te ay ta yo'tan te espíritu yu'un te ch'ul diosetic, soc ta yorahil atat chicnaj te ya sna' q'uinal, ay bin ya sna' soc ay sp'ijil yo'tan hich te bin ut'il te sp'ijil yo'tan te diosetique. Te ajwalil Nabucodonosor, te atat, la ya'be ya'tel ta jtsobaw yu'un spisil te jpas-señahiletic, jmonawetic, caldeohetic soc jna'ojeletic,

1 Crónicas 29:11

Ha'at, Jehová, t'ujbilat, ay awu'el, ay awutsilal, yac awa'iy tsalaw, ich'bilat ta muc'; como spisil bintic ay ta ch'ulchan soc ta bahlumilal, ha'at awu'un. Ha'at awu'un, Jehová, te pasaw ta mandar, soc ha'at toyolat yu'un spisil.

Santiago 2:1

Quermanotac, te ay sch'uhunel awo'tanic ta stojol te Cajwaltic Jesucristo te ay yutsilal, ma me tsahbiluc nax mach'a yac awich'ic ta cuenta.

1 Corintios 14:6

Ha yu'un, quermanotac, teme ya xtal jc'oponex ta yan c'op, ¿bin yac atahic a, ha to teme ya ca'beyex ana'ic te bin ac'bil ta na'el yu'un Dios, o te bin ay ta na'el, o sc'op-jalwanej, o p'ijubtesel?

San Lucas 12:12

como te Ch'ul Espíritu ya me ya'beyex ana'ic ta mero yorahil te bin ya sc'an yac awalique, xchi.

San Lucas 2:14

¡Bayel yutsil te Dios ay ta toyol, soc ay lamal q'uinal ta bahlumilal, ay yutsil yo'tan Dios ta stojol te ants-winiquetique! xchihic.

Salmos 29:3

Te sc'op Jehová ay ta sba te ha'etique. ¡Te Dios te ay yutsilal ya st'omtes sc'op, te Jehová ya st'omtes sc'op ta sba bayel ha'etic!

2 Timoteo 2:25

Soc yutsil yo'tan ya stojobtes mach'atic ya scontrahinic, yu'un ayuc bin ut'il ya sutesbot yo'tanic yu'un Dios yu'un hich ya xhu' ya sna'beyic scuentahil te smelelil c'op,

Romanos 1:28

Ta scaj te bin ut'il ma ba la sc'an la sna'beyic sba te Diose, hich ac'otic yu'un Dios te ya xbohlob spensaric, yu'un ya spasic te bin ma hichuc ya sc'an pasele.

Hechos 7:2

La yal te Esteban: Quermanotac soc tatiletic, a'iya me awa'iyic: Te Dios yu'un utsilal la yac' sba ta ilel yu'un te jtatic Abraham c'alal ay ta sq'uinal Mesopotamia, c'alal ma to nahinem ta Harán a,

Éxodo 28:3

Halbeya spisil te mach'atic ay sp'ijil yo'tanic, ha te mach'atic la jca'beyix sp'ijil yo'tanic, te ya me spasbeyic c'u'uletic yu'un Aarón te hich parte ya x'ac'ot scuenta sacerdote cu'un ya xc'oht.

Job 42:5

La jca'iybat ac'oblal ta jchiquin, pero yo'tic ya quilatix ta jsit.

Proverbios 18:15

Te yo'tan te mach'a p'ij yo'tan ya sta xan sp'ijil; te schiquin te mach'a p'ij, ya sle te bintic ay ta na'el.

Efesios 4:13

ha to teme pajal ay sch'uhunel co'tantic ta jpisiltic soc te pajal ya jna'betic sba te Snich'an Dios, te ha muc'ul ants-winicotic ya xc'ohotic, te ya jtahtic c'ohel te stalel te Cristo.

Filipenses 3:15

Ha yu'un jpisiltic te ayix yip co'tantic, pajaluc me hich ac'a jnoptic; teme ay yan bin yac anopic, ha nix hich Dios ya me ya'beyex ana'ic.

San Mateo 20:33

Cajwal, te yacuc xjahm te jsitcotique, xchihic.