Efesios 1:15 - Bible in Tzeltal Bachajón

¹⁵ Ha scuentahil ini, te c'alal la jca'iy te ay sch'uhunel awo'tanic ta stojol te Cajwaltic Jesús soc te c'ux ta awo'tanic spisil te mach'atic ch'uhltesbilic,

Nuevo Testamento Tzeltal de Amatenango

¹⁵ Yuꞌun la jnaꞌix te jaꞌex te ay xchꞌuunel awoꞌtanik ta skuenta te Kajwaltik Jesuse y sok ay xkꞌuxul awoꞌtanik ta stojol spisil te machꞌatik yuꞌun te Diose.

Bible in Tzeltal de Oxchuc y Tenejapa

¹⁵ La caiyix stojol te bit'il ay xch'uunjel awo'tanic ta swenta te Cajwaltic Jesuse soc te bit'il c'ux ya awaiy ta awo'tanic spisil te mach'atic ch'ul lum yu'un te Diose.

Efesios 1:15 Referans Kwoze

Filemón 1:5

yu'un ca'iybeyej sc'oblal te sc'uxul awo'tan soc te sch'uhunel awo'tan ta stojol te Cajwaltic Jesús soc ta stojol spisil te mach'atic ch'ultesbilique;

Hebreos 6:10

Ma yu'unuc te ma tojuc yo'tan te Dios, te ya sch'ay ta yo'tan te awa'telic soc te sc'uxul awo'tanic te la awaq'uic ta ilel ta scuenta sbihil, te bin ut'il la awac' abahic ta a'batinel ta stojol te mach'atic ch'uhltesbilic, soc te hich nix yaquex ta spasel c'alal ora.

2 Tesalonicenses 1:3

Ya sc'an te spisil ora ya calbecotic wocol Dios ta acuentahic, quermanotac, como hich ya sc'an pasel, como behbe muc'ubel te sch'uhunel awo'tanique, soc te sc'uxul awo'tanic yac ta p'ohlel ta stojol yantic.

1 Juan 4:21

Hich pasbilotic ta mandar yu'un te Diose: Te mach'a c'ux ta yo'tan te Dios, ha nix hich c'uxuc me ac'a ya'iy ta yo'tan te yermano, xchi.

1 Juan 3:17

Te mach'a ay bintic ay yu'un ta bahlumilal, teme ya yil te mayuc bin ay yu'un te yermano, pero teme ma sc'an ya sc'uxultay, ¿bin ut'il ay sc'uxul yo'tan Dios ta yo'tan?

1 Pedro 1:22

Te bin ut'il la alecubtesbeyex ach'uhlelic ta scuenta te la ach'uhunic te smelelil c'op, ta scuenta te Espíritu, te hich c'ux yac awa'iy abahic ta awo'tanic ta melel, talel c'axel c'ux me xawa'iy abahic ta spisil awo'tanic,

1 Timoteo 1:14

C'ax bayel yutsil yo'tan te Cajwaltic c'oht ta jtojol soc sch'uhunel-o'tanil soc sc'uxul-o'tanil te ayic ta stojol te Cristo Jesús.

1 Timoteo 1:5

Te bin scuentahil te mandar ini ha te c'uxul-o'tanil te hahchem tal ta o'tanil te mayuc yabacul, ta o'tanil te mayuc bin ya yal yu'un, soc ta sch'uhunel-o'tanil te melel ay.

1 Tesalonicenses 4:9

Ma fuersahuc ya jts'ihbabeyex sc'oblal bin ut'il c'ux yac awa'iy abahic soc awermanotaquic, como ha'ex nix a'botex anopic yu'un Dios te talel c'axel c'ux yac awa'iy abahique;

1 Tesalonicenses 1:3

Spisil ora ya jna'excotic ta stojol te Jtatic Dios yu'un te awa'telic yac apasic ta scuenta sch'uhunel awo'tanic, te awa'telic ta scuenta sc'uxul awo'tanic, soc te ay yip awo'tanic ta smahliyel te Cajwaltic Jesucristo.

Gálatas 5:6

como ta stojol Cristo Jesús ma ha'uc ay sc'oblal teme quich'ojtic circuncisión o teme ma ba quich'ojtic circuncisión, ha ay sc'oblal te ay sch'uhunel co'tantic te ya x'a'tej ta scuenta sc'uxul co'tantic.

Salmos 16:3

Te mach'atic ch'uhltesbilic te ayic ta q'uinal, te mach'atic ay yutsil yo'tanic ha te ya smulan te co'tane.

Hechos 20:21

Jamal la jcalbe ya'iyic judíohetic soc jyanlumetic bin ut'il ya sc'an ya suhtes yo'tanic ta stojol Dios soc bin ut'il ya sc'an ya sch'uhunic te Cajwaltic Jesucristo.

Romanos 1:8

Ha nahil, ta scuenta te Jesucristo, ya calbe wocol te Dios cu'un ta acuentahic apisilic, yu'un puhquemix ta halel ta swohlol bahlumilal te ay sch'uhunel awo'tanique.

Efesios 1:1

Pablo, jpuc-c'opon yu'un te Jesucristo ta scuenta sc'anojel yo'tan Dios, ta stojol te mach'atic ayic ta Éfeso te ch'uhltesbilic soc te jun yo'tanic ta stojol Cristo Jesús:

Efesios 3:18

ya xhu' awu'unic sna'el ta lec, soc spisil mach'atic ch'uhltesbilic, bin ut'il ay sjamalil, snahtil, sc'ubulil soc stoyolil te sc'uxul yo'tan Cristo,