Efesios 1:14 - Bible in Tzeltal Bachajón

¹⁴ Te Ch'ul Espíritu ha seña te quich'ojtic te ya yac' ta na'el te ya me x'a'botic quich'tic te bin halbil yu'un Dios, ha to c'alal ya sta yorahil ya xcol ta libre te mach'atic yu'un Dios, scuenta halbeyel yutsil sc'oblal.

Nuevo Testamento Tzeltal de Amatenango

¹⁴ Te Chꞌul Espiritue jaꞌ seña te ya kichꞌtik te majtanil te Dios ya yaꞌbotik kꞌalal ya stsꞌakay te machꞌatik ya yichꞌ koltayel yuꞌune. Yuꞌun jich me ya kalbetik te slekilale.

Bible in Tzeltal de Oxchuc y Tenejapa

¹⁴ Te Ch'ul Espiritue, ja' seña te bila ya yac'botic quich'tic te Diose te c'alal ju'ix yu'un scoltayel spisil te mach'atic yu'une, swenta yu'un jich me ya jc'ajintaybeytic te yutsilale.

Efesios 1:14 Referans Kwoze

2 Corintios 5:5

Ha nix te Dios te hich la spasotic, soc te ya'beyejotic te Espíritu scuenta seña te bin ya quich'tic ta patil.

2 Corintios 1:22

ha nix la ya'botic sello soc la ya'botic ta co'tantic te Espíritu scuenta seña yu'un te bin ya xtale.

Efesios 4:30

Ma me xawa'beyic smel yo'tan te Ch'ul Espíritu yu'un Dios, te ha sello awich'ojic ha to teme la sta yorahil acolelique.

Gálatas 4:6

Te bin ut'il yal-snich'anex Dios, ha la ya'beyex ta awo'tanic te Espíritu yu'un te Snich'an, te hich ya yal: ¡Abba, Jtat! xchi.

Romanos 8:23

Ma stuqueluc nax, ha nix hichotic te quich'ojtic te sba sit yu'un te Espíritu, ha nix hich yacotic ta ahcan ta co'tantic te c'alal yacotic ta smahliyel te iq'uel ta al-nich'an yu'un Dios, ha te colel yu'un te jbaq'uetaltic,

Efesios 1:12

scuenta yu'un ya xhalbot yutsil sc'oblal ta jcuentacotic, ho'otcotic te nahil smuc'ulinej co'tancotic te Cristohe.

Hechos 20:32

Yo'tic, quermanotac, ya caq'uex hilel ta stojol Dios soc te c'op yu'un te yutsil yo'tan, te ay yu'el te ya ya'beyex yip awo'tanic soc pajal ya ya'beyex awich'ic hilel soc te mach'atic ch'uhltesbilic te bin quechel yac awich'ique.

Salmos 78:54

Patil la yic'ticlan bahel ta sti'il te sch'ul q'uinal, ta witsiltic te la stsal ta swa'el-c'ab.

Salmos 74:2

Na'a me te pueblo awu'un, te mambil awu'un ta namey, ha te la acoltay loq'uel tal yu'un ha schahpal ya xc'oht awu'un; na'a me te wits Sión te banti nahinemat.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

San Lucas 21:28

Te c'alal hich yaquix ta c'ohel ta pasel a, tehc'ana abahic soc toya ajolic, como nopolix te colel awu'unique, xchi.

1 Corintios 1:30

Ha nix ta scuenta Dios te jun ayex soc Cristo Jesús, te ha sp'ijil co'tantic c'oht yu'un Dios soc te ha ta scuenta te halbotic te toj ayotic, te ch'ultesbilotic soc te colemotic ta libre yu'une,

Efesios 1:11

Ta scuenta Cristo ha nix hichotcotic la yac' te ya x'ac'ot quich'cotic bintic ay yu'un Dios, te bin ut'il namey tsahbilotcotic yu'un te mach'a ya yac' c'ohtuc ta pasel spisil bin ya sc'an yo'tan stuquel,