Eclesiastés 9:9 - Bible in Tzeltal Bachajón

⁹ Tse'eluc me awo'tan soc awihnam te c'ux ta awo'tan, ta spisil acuxlejal te mayuc scuentahil, te ya'beyejat ta ye'tal ch'ulchan. Ha me te bin a'bilat te c'alal cuxulat soc te tulan ya x'a'tejat ta ye'tal te ch'ulchane.

Bible in Tzeltal de Oxchuc y Tenejapa

⁹ Binuc nax me awo'tan ya x'ainat soc awinam, ta spisil ora te ay acuxlejal te ma'yuc swentaile, te ja' ya yac'bat te Dios ta balumilale. Melel ja' nax me ya ata yu'un te bayal at'el la apas ta balumilal.

Eclesiastés 9:9 Referans Kwoze

Eclesiastés 2:10

Ma ba la jcom te bin la smulan te jsite, ma ba la jcom te bin la smulan te co'tane. La smulan co'tan spisil te ca'tel, ha jmahtan c'oht yu'un spisil te ca'tele.

Malaquías 2:15

¿Ma bal junuc nax pasbil yu'un Dios, te ha sbaq'uetal soc sch'uhlel? ¿Soc bin ya sle? Ha ya sle ts'umbalil te jun yo'tanic ta stojol Dios. Canantaya awo'tanic, ma me xch'ay te jun awo'tan ta stojol awihnam te la ata c'alal queremat to ahe.

Eclesiastés 6:12

Como ¿mach'a ya sna' bin a te lec yu'un te ants-winic te jayeb c'ahc'al cuxul, te jayeb c'ahc'al scuxlejal te tojol nax, te hich ya xc'ax te bin ut'il axinal? ¿Soc mach'a ya xhu' ya ya'be sna' te winic te bin ya xc'oht ta pasel ta patil yu'un ta ye'tal te ch'ulchane?

Eclesiastés 3:13

soc te ha mahtanil yu'un Dios te spisilic ya xwe'ic ya x'uch'ic, soc te ya smulanic spisil bintic ya spasique.

Eclesiastés 7:15

Ta spisil ini quilojix te jayeb c'ahc'al cuxulon te mayuc scuentahil te jcuxlejale: ay mach'a toj yo'tan te ch'ay bahel aunque toj yo'tan, soc ay mach'a chopol yo'tan te bayel ha'bil cuxaj aunque chopol yo'tan.

Eclesiastés 5:18

Quiloj te bin lec: ha te ya xwe' ya x'uch' soc ya ya'iybe yutsil te ya'tel te ya yo'tantay spasel ta ye'tal ch'ulchan te jayeb c'ahc'al a'bibil scuxlejal yu'un Dios, como hich ay te bin ay yu'une.

Eclesiastés 3:22

Ha yu'un la jquil te mayuc bin yan xan lec ya xhu' ya spas te ants-winique, ha nax te ya smulan te ya'tele, yu'un hich a'bibil spas. Como ¿mach'a ya xhu' ya ya'be yil bin ya xc'oht ta pasel ta stojol ta patil?

Eclesiastés 2:24

Mayuc bin yan xan lec ya spas te winic, ha nax te ya xwe' ya x'uch' soc te ya ya'iybe yutsil te ya'tele. Quiloj te ha nix talem ta stojol Dios ini.

Proverbios 19:14

Te na soc te c'ulejalil ha te bin ya x'a'bot yich' yu'un sme'stat, yan te ants yic'oj te ay sp'ijil yo'tan, ha mahtanil yu'un Jehová.

Proverbios 18:22

Te mach'a ya sta yihnam ha ya sta te bin lec soc ya sta c'uxultayel yu'un Dios.

Salmos 144:4

Te ants-winic hich ay te bin ut'il jahc' ta o'tanil; te c'ahc'aletic yu'un hich ay te bin ut'il axinal te c'axel ay.

Salmos 39:5

Com nax awac'oj te jayeb c'ahc'al cuxulon, ma ba naht c'ohem ta atojol te jcuxlejale; melel te scuxlejal spisil ants-winiquetic hich nax ay te bin ut'il jahc' ta o'tanil. Selah

Génesis 26:8

Te c'alal ayix bayel c'ahc'al te tey ay a, te Abimelec ajwalil yu'un te filisteohetic la yil ta ventana te Isaac yac ta smech'el te Rebeca te yihnam.