Eclesiastés 9:12 - Bible in Tzeltal Bachajón

¹² Soc mayuc mach'a sna'oj te yorahil: Hich te bin ut'il chayetic te tsacbilic ta chopol tsacojibal, o hich te bin ut'il ha'mal-mut te ya yich' chuquel ta yaquil, hich te ants-winiquetic ya yich'ic chuquel ta yorahil wocol te repente nax ya xc'oht ta stojolic.

Bible in Tzeltal de Oxchuc y Tenejapa

¹² Soc yan xan, ma'yuc mach'a sna'oj te bi c'aalil ya xc'ot yorail; jich c'oem te bit'il chayetic macal ya xjil ta stsacjibal, jich te bit'il ja'mal mut ya x'och ta pejts'e. Ja' nix jich te ants-winique, xujt' ma'yuc bi ya sna' a; c'alal ya yil julix tel yorail wocol ta stojol.

Eclesiastés 9:12 Referans Kwoze

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

Proverbios 29:6

Te mach'a chopol yo'tan ya xyacot yu'un te schopolile, yan te mach'a toj yo'tan ya xc'ayojin soc stse'elil yo'tan.

2 Timoteo 2:26

soc hich ya x'ahnic loq'uel ta syac te pucuj te banti chucbilic yu'un ya spasic te bin ya sc'an yo'tan stuquel.

2 Corintios 6:2

Como hich ya yal: Ta yorahil ich'tel ta cuenta la jca'iybat ac'op, soc ta sc'ahc'alel colel la jcoltayat, xchi. Ha yorahilix ini, ha'ix sc'ahc'alel colel.

Proverbios 6:15

Ha yu'un ay ora nax ya xtal swocol; ora nax ya yich' jinel, ma xhu' ta coltayel.

2 Pedro 2:12

Pero te winiquetic ini ya yalbeyic chopol sc'oblal te bintic ma sna'beyic scuentahil; sjelic ta chambahlametic te ma sna'ic q'uinal, te ha nax ayinemic yu'un ya yich'ic tsaquel soc jinel; hich pajal ya xlajic soc.

1 Pedro 2:12

Lecuc me bin yac apasic ta stojol mach'atic ma ba sch'uhunejic Dios, aunque ya yalbeyex ac'oblalic te ha chopol bintic yac apasic, ya me yilbeyex te lec awa'telic, hich ya yalbe yutsil sc'oblal te Dios te bin c'ahc'alil ya xtale.

San Lucas 12:39

Pero na'ahic me: Te yacuc sna' te yajwal na te bin ora ya xtal te j'elec', wiq'uil sit a, ma ba ya yac' ta ochintayel te snahe.

San Lucas 12:20

Pero hich halbot yu'un te Diose: Ma xana' q'uinal. Yo'tic ta ahc'abal ya xtalat ta c'ambeyel ach'uhlel, ha yu'un te bin q'uejbil awu'un, ¿mach'a ya yich'bat hilel? xchi sc'oblal.

Isaías 30:13

ha yu'un te mulil ini hich ya xc'oht awu'unic te bin ut'il toyol ts'ahc te jatem, te nopol ya xhemts'uj, te jts'ihn nax ya xch'ay cohel.

Eclesiastés 8:11

Teme ma ba ya x'a'bot castigo ta ora yu'un te bin chopol la yich' pasele, te ants-winiquetic ya xbaht ta yo'tanic spasel te bin chopole.

Salmos 11:6

Ta stojol te mach'atic chopolic ya me yac' cohuc tal wocoletic hich te bin ut'il ha'al; ya x'a'bot yich'ic ac'al, azufre soc c'ahc'al ic'.

Eclesiastés 3:19

Como te bin ya xc'oht ta scuenta te ants-winiquetic soc te chambahlametic junax ta schebalic: ha te bin ut'il ya xcham te june, hich nix ya xcham te yane. Pajal ya yich'ic ic'; te ants-winic mayuc banti toyol yu'un te chambahlam, yu'un spisil tojol nax.

Eclesiastés 9:13

Soc la jquil ta ye'tal ch'ulchan te p'ijil-o'tanil ini te muc' sc'oblal la jca'iy:

Isaías 24:18

Te mach'a ya x'ahn loq'uel ta scuenta te sc'op xiwel ya xch'ay cohel ta hotbil ch'en; te mach'a ya xloc' tal ta hotbil ch'en ya x'och ta yaquil; como ya xjahm te sventanahul ch'ulchan soc ya xnihquic te yich'o-ip te bahlumilale.

Oseas 9:8

Te jalwanej ha j'il-q'uinal yu'un Dios ta stojol Efraín; pero ya sta yaquil ta spisil te behetic yu'un, soc ihlaybil ta sna te Dios yu'une.

Proverbios 24:22

como biluc ora ya xtal sjinelic, soc ¿mach'a ya xhu' yu'un sna'el bin a te jinel te ya yaq'uique?

Eclesiastés 8:8

Mayuc mach'a ay yip ta stojol te yic'al te cuxlejal, yu'un ya yac' te ma xtup', o te ay yip ta stojol te sc'ahc'alel lajel. Mayuc mach'a ya x'ac'ot bahel ta yorahil guerra, soc te mach'a chopol ma ba ya x'ac'ot ta libre yu'un te bin chopole.

Ezequiel 32:3

Hich yaloj te Jehová, te Ajwalil: Ta scuenta bayel pueblohetic te stsoboj sbahic ya jlim bahel ta atojol te tsaco-chay cu'un, ya jtsacat loq'uel a.

Oseas 7:12

Te c'alal ya xbahtic tey a, ya jlim bahel jyac ta stojolic; hich ya cac' cohuc tal te bin ut'il mutetic ya xwihlic ta toyol, ya ca'be castigo hich te bin ut'il halbil ta tsoblej yu'unique.