Eclesiastés 9:10 - Bible in Tzeltal Bachajón

¹⁰ Spisil te bintic yac apas, pasa soc spisil awip, como ta stsobojibal mach'atic chamenic, te banti ya xbahat, mayuc a'tel, mayuc bin ay ta chahpanel, mayuc bin ay ta na'el soc mayuc p'ijil-o'tanil tey a.

Bible in Tzeltal de Oxchuc y Tenejapa

¹⁰ Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Eclesiastés 9:10 Referans Kwoze

Colosenses 3:23

Spisil te bintic yac apasic, spisiluc me awo'tan xapasic, hichuc te bin ut'il ta stojol te Cajwaltic, ma ha'uc ta stojol winiquetic,

Efesios 5:16

na'ahic stuhunel ta lec te tiempo, como chopol te bin ya xc'oht ta pasel ta jujun c'ahc'al.

Romanos 12:11

O'tantaya spasel te bin ya sc'an pasel, ma me xch'ajubex; ayuc yip awo'tanic ta a'batinel ta stojol te Cajwaltique.

Salmos 6:5

como mayuc mach'a chamenix a te ya to sna'at xan; ta muquenal ¿mach'a ya yalbat lec ac'oblal?

1 Corintios 9:24

¿Ma bal ana'ojic te mach'atic ya stsal sbahic ta ahnimal, spisilic ya x'ahnimajic, pero jtuhl nax mach'a ya yich' te premio? Ahnimajanic scuenta yu'un hich yac atahic a te premio.

Eclesiastés 11:6

Ta sab ts'umbeya sbac' te ats'unube, soc ta tibiltic ma xawa'be scux yo'tan te ac'abe, como ma xana' ban ay lec ya xc'oht, teme ha ini o ha te yane, o teme lec ya xc'oht schebalic.

Jeremías 29:13

Yac alehonic, soc ya atahonic ta lehel, teme spisil awo'tan yac alehonique.

San Mateo 6:33

Ha nahil xalehic te cuentahinel yu'un Dios soc te bin stojil ta pasel yu'un, hich me ya x'a'botex spisil a ini.

1 Corintios 15:10

Pero ta scuenta yutsil yo'tan Dios hich ayon te bin ut'il ayone; soc ma tojoluc te yutsil yo'tan ta jtojol, c'ax hich a'tejemon a te bin ut'il a'tejem spisil te yantic jpuc-c'opetique; pero ma ho'ucon, ha nix te yutsil yo'tan Dios ta jtojol.

1 Corintios 9:26

Ha yu'un ma ba hich ya x'ahnimajon te bin ut'il mach'a ma sna' stojlinel banti ya xbaht; ma ba hich ya ca'iy majtamba te bin ut'il mach'a ya smaj te iq'ue;

San Juan 9:4

Ya sc'an te ya jpasbe ya'tel te mach'a sticonejon tal te c'alal sac to a te q'uinale. Ya xtal ahc'abal te mayuc mach'a ya xhu' ya x'a'tejix.

San Juan 4:34

Hich halbotic yu'un te Jesús: Ha jwe'el te ya jpas te bin ya sc'an yo'tan te mach'a la sticonon tal soc te ya hu'tesbe te ya'tel.

Eclesiastés 11:3

Teme ay bayel ya'lel te tocale, ya smal cohel ya'lel ta lumq'uinal. Teme ya xbuch bahel ta sur o ta norte te te'e, ta banti ya xbuch bahel tey ya xhil a.

Nehemías 4:2

Hich la yal ta stojol te smohloltac soc te soldadohetic yu'un Samaria: ¿Bin yac spasbelic te judiohetic te mayuc yipique? ¿Ya bal x'a'botic permiso te ya scha'aq'uic xan milbil mahtaniletic? ¿Ya bal xhu' yu'unic spasel ta junax c'ahc'al? ¿Ya bal yach'ubtesic te tonetic te busul stanul ta c'ahq'uel? xchi.

Nehemías 4:6

La jcha'pastic te ts'ahc, hu' ta pasel c'alal ta ohlil, como te pueblo spisil yo'tan a'tejic.

1 Crónicas 22:19

A'beya awo'tanic soc ach'uhlelic ta slehel te Jehová te Dios awu'unique. Hahchanic, pasahic te ch'ul awilal yu'un te Jehová Dios scuenta yu'un yac awich'ic tal te scaxahul te chapbil-c'op yu'un Jehová soc te bintic ch'ultesbil ta stojol Dios ta na te ya yich' pasel ta scuenta sbihil te Jehová, xchi.

1 Corintios 16:10

Teme ya xc'oht te Timoteo, xawilic te junuc yo'tan ta awohlilic, como ya'telimbeyej ya'tel te Cajwaltic hich te bin ut'il ho'on.

Nehemías 2:12

hahchon ta ahc'abal, joquinej cha'oxtuhl winiquetic, mayuc mach'a la jcalbe te bin la yalbon ta co'tan te Dios te ya jpas ta Jerusalén. Mayuc yan cawu quic'oj, hip a te mohemon a.

1 Crónicas 28:20

Te David la yalbe xan te Salomón te snich'ane: Ac'a fuersa soc ayuc me yip awo'tan, pasa te a'tele. Ma me xiwat, ma me xpehc'aj awo'tan, como te Jehová te Dios cu'un ya me sjoquinat. Ma ba ya yihquitayat soc ma ba ya spihtesat ha to c'alal ya xhu' ta pasel spisil te a'teletic te ya xtuhun ta sna Jehová.

Números 13:30

Ha yu'un te Caleb la scom ta c'op te pueblo ayic ta stojol Moisés, hich la yal: Mohucotic bahel ta ora, ya me quich'tic te q'uinal, yu'un ya xhu' cu'untic, xchi.

Génesis 37:35

Tal ta muc'ubtesbeyel q'uinal ya'iy yu'un spisil te squerem-nich'nab soc yantsil-nich'nab, pero ma ba la sc'an muc'ubtesbeyel q'uinal ya'iy. Hich la yal: Oq'uel ya ca'iy a ya xbohon ta yawil chamen winiquetic te banti ay te jnich'ane, xchi. Hich bayel oq'uetayot yu'un te state.

1 Samuel 10:7

Te c'alal c'ohemix ta pasel ta atojol a te señahiletic ini, pasa te bin ya sc'an awo'tan, yu'un sjoquinejat te Diose.

Job 21:13

Lec ya xc'ax scuxlejalic soc lamal q'uinal ya ya'iyic a ya xcohic bahel ta stsobojibal mach'atic chamenic.

Isaías 38:10

Hich la jcal: Ta ohlil jcuxlejal a ya xc'axon bahel ta puertahetic yu'un te yawil mach'atic chamenic; ma ba ya quilix te jayeb xan te jcuxlejal te sc'oblal ya quich'e, xchihon.

Job 10:21

te ma to xbohon te banti ma ba ya suhtonix tal, ta ihc'al q'uinal soc ta axinal yu'un lajel,

Job 10:22

ta pimil ihc'al q'uinal soc te banti mayuc bin toj ay, hich te bin ut'il axinal yu'un lajel te hich xanix ay, te banti pajal soc pimil yihc'al q'uinal te sacal q'uinale, xchi te Job.

Proverbios 3:28

Ma me hichuc xawalbe te apat-axuhc: Bahan, suhtan bahel, pajel to ya ca'bat, ma me xchihucat, teme ay awu'un te bin yac awa'be.

San Mateo 20:7

Yu'un mayuc mach'a la yic'otcotic ta a'tel, xchihic. Bahanic ta jts'usubil, ya me awich'ic te bin ut'il ay te tojele, xchi.

San Juan 5:4

como ay ch'ul a'bat te ya xco tal ta jujun yorahil ta yawil ha' soc ya syuc' te ha'e. Te mach'a nahil ya x'och ta yawil ha' te c'alal yuc'bilix a te ha'e, ya xlecub yu'un biluc chamelil te yich'oje.