Eclesiastés 9:1 - Bible in Tzeltal Bachajón

¹ Melel la jcac' co'tan ta sna'el spisil ini, la jquil te ayic ta sc'ab Dios te mach'atic toj yo'tanic soc te mach'atic ay sp'ijil yo'tanic, soc te ya'telique. Soc te ants-winiquetic ma sna'ic bin ut'il ay sc'oblal c'uxul-o'tanil o il-o'tantayel, aunque spisil ay ta stojolic.

Bible in Tzeltal de Oxchuc y Tenejapa

¹ Ta mero melel la cac' co'tan ta sna'el spisil; pero ja' nax la jta te ay ta sc'ab Dios te yat'el te mach'atic lequic soc te ay sp'ijilique. Ma ba sna'oj ni jtuluc te ants-winiquetic te bit'il ay sc'oplal te c'uxtaywaneje, ni ja'uc te ilaywaneje, manchuc me ay ta sitic.

Eclesiastés 9:1 Referans Kwoze

Deuteronomio 33:3

C'ux ta yo'tan te pueblo yu'un; ay ta sc'ab spisil te mach'atic yac'oj sbahic ta stojol; la spahcan sbahic ta atojol, la yich'ic p'ijubtesel awu'un,

1 Pedro 1:5

ha'ex te ta scuenta sch'uhunel awo'tanic canantaybilex ta yu'el Dios ha to c'alal ya xtal te colel te chapalix te ya xchicnaj ta slajibal c'ahc'al.

Eclesiastés 8:14

Ay bin tojol nax te ya yich' pasel ta ye'tal ch'ulchan: Ay mach'atic toj yo'tanic te ya xc'oht ta stojolic te bin ya sc'an ya xc'oht ta stojol te mach'atic chopol ya'telic, soc ay mach'atic chopolic te ya xc'oht ta stojolic te bin ya sc'an ya xc'oht ta stojol te mach'atic toj yo'tanique. Ho'on ya cal te ha nix hich tojol nax.

Job 12:10

Ay ta sc'ab te scuxlejal spisil bintic cuxajtic soc te ic' te cuxulic a spisil te ants-winiquetique.

2 Timoteo 1:12

soc ha scuentahil te yac ta c'axel jwocol yu'une. Pero ma xq'uexawon, como jna'oj Mach'a a te jch'uhunej, soc sch'uhunej co'tan te ay yu'el ta scanantayel te bin ca'beyej scanantaybon ha to c'alal ya sta sc'ahc'alel.

Isaías 26:12

Jehová, ha'at yac awa'botic lamal q'uinal, como ha'at la awac' c'ohtuc ta pasel spisil bintic la jpascotic te ho'otcotique.

Proverbios 16:3

A'beya ta sc'ab Jehová te bintic yac apas, hich me ya xc'oht ta pasel te bin chapal awu'une.

Salmos 31:5

Ya ca'bat ta ac'ab te jch'uhlele; la awac'on ta libre, Jehová, Diosat te stalel jun awo'tan ta jtojol.

1 Samuel 2:9

Ha ya scanantaybe yoc te mach'atic yu'un te ch'uhltesbilique, yan te mach'atic chopol yo'tanic ya me xlajic ta yihc'al q'uinal; como mayuc mach'a ya ya'iy tsalaw ta scuenta te yip stuquel.

Eclesiastés 10:14

Te mach'a ma sna' q'uinal bayel bin ya yal. Teme mayuc mach'a ya sna' bin ya xc'oht ta pasel, ¿mach'a ya xhu' ya ya'be sna' bin ya xc'oht ta pasel ta patil yu'un?

Eclesiastés 8:16

Hich la jcac' co'tan ta sna'el te p'ijil-o'tanil soc ta stsahtayel te bintic yac ta pasel ta bahlumilal, (yu'un ay mach'a ma ba ya xway c'ahc'al ahc'abal);

Eclesiastés 7:25

Ha yu'un la jcac' co'tan ta sna'beyel scuentahil, ta stsahtayel soc ta slehel te p'ijil-o'tanil soc te bin ut'il ay spisil, soc ta sna'beyel schopolil te sonsohil soc te ya xhowiyteswan te sohquejolalile.

Eclesiastés 7:15

Ta spisil ini quilojix te jayeb c'ahc'al cuxulon te mayuc scuentahil te jcuxlejale: ay mach'a toj yo'tan te ch'ay bahel aunque toj yo'tan, soc ay mach'a chopol yo'tan te bayel ha'bil cuxaj aunque chopol yo'tan.

Eclesiastés 1:17

La jcac' co'tan ta sna'beyel sba te p'ijil-o'tanil soc nix te locahijel soc te bin sonsohil. La jna' te ha nix snutsel te iq'ue.

Salmos 73:3

Como bic'taj co'tan yu'un te mach'atic stoyoj sbahic, te c'alal la jquil bayel bintic ay yu'un te mach'atic chopolique.

Salmos 10:14

Ha'at awiloj, yu'un yac awil te bintic chopol soc te uts'inel, yu'un yac awa'be stoj ta ac'ab. Ya yac' sba ta atojol te mach'a ma xhu' scanantaybel sba; ha'at jcoltaywanejat yu'un te me'ba'.

Job 5:8

Melel ho'ucon ya jle te Diose soc ya ca'be ta scuenta te jwocol te hichuque.

Salmos 119:109

Spisil ora quechelon ta lajel ya ca'iy; pero ma ba ya jch'ay ta co'tan te ley awu'une.

Eclesiastés 9:6

Ch'ayemiquix te sc'uxul yo'tanic, te yil-o'tantaywanejic soc te bin xbiq'uet ta yo'tanic; ma xyaq'uix sbahic a te bin ya yich' pasel ta ye'tal ch'ulchan.

Jeremías 43:6

ha te winiquetic, antsetic, alaletic, te yantsil-nich'nab te ajwalil, te jalwanej Jeremías soc Baruc snich'an Nerías soc spisil te mach'atic ihquitayotic hilel yu'un Nabuzaradán, capitán yu'un te soldadohetic te ya scanantayic ajwalil, ta stojol Gedalías snich'an Ahicam.

Job 27:12

Apisilic awilojic spisil ini, ¿bin yu'un hiche te jc'axel mayuc scuentahil te bin yac awalique?

Eclesiastés 8:7

ha te ma sna' bin ya xc'oht ta pasel; soc te bin ora ya xc'oht ta pasel ¿mach'a ya xhu' ya yalbe?