Eclesiastés 8:5 - Bible in Tzeltal Bachajón

⁵ Te mach'a ya sch'uhun spasel te smandar mayuc bin chopol ya xc'oht ta scuenta; soc te mach'a ay sp'ijil yo'tan ya sna' bin ora soc bin ya yut ya yac' c'ohtuc ta pasel stuquel.

Bible in Tzeltal de Oxchuc y Tenejapa

⁵ Te mach'a ya sc'otes ta pasel te mandalile, ma me ayuc bi amen ya xc'ot ta swenta stuquel. Te mach'a ay sp'ijile, ya sna' bi ora soc bi ya yut ya yac' c'otuc ta pasel stuquel.

Eclesiastés 8:5 Referans Kwoze

Hebreos 5:14

Yan te mach'atic muq'uiquix ha ya xtuhun yu'unic te tulan we'elil, ha te mach'atic ta scuenta spasulanel la snopic stsahtayel te bintic lec soc te bintic ma lecuque.

Hechos 4:19

Pero la sjaq'uic te Pedro soc Juan: Nopa awa'iyic teme ha toj ta pasel ta stojol Dios teme ya jch'uhuncotic spasel te bin yac awalic te ha'exe o teme ha ya jch'uhuncotic spasel bin ya yal te Diose,

San Lucas 20:25

Halbotic yu'un te Jesús: Ha yu'un a'beya César te bin yu'un César, soc a'beya Dios te bin yu'un Dios, xchi.

1 Crónicas 12:32

Te sts'umbal Isacar, lajunwinic (200) ta tuhl príncipaletic te ya sna'ic stsahtaybeyel yorahil soc ya sna'ic bin ya sc'an ya spas te Israel, spisil te yermanotac ch'uhumbil mandar yu'unic.

Hechos 5:29

Hich la sjac' te Pedro soc te yantic jpuc-c'opetic: Ha bayel xan sc'oblal te ya jch'uhumbetic smandar Dios te bin ut'il te smandar winiquetique.

Oseas 5:11

Uts'imbil te Efraín, tembil ta castigo, como la sc'an la st'un bahel te bintic tojol ayic.

Eclesiastés 10:2

Te yo'tan te mach'a p'ij ay ta swa'el-c'ab, pero te yo'tan te mach'a ma sna' q'uinal, ay ta sq'uexam-c'ab.

Eclesiastés 8:2

Ho'on ya cal te ch'uhumbeya smandar te ajwalil, yu'un hich awaloj ta jamal ta stojol Dios.

Eclesiastés 2:14

Te mach'a ay sp'ijil yo'tan jamal te site, yan te mach'a ma sna' q'uinal ya xbehen ta yihc'al q'uinal stuquel. Pero la jnop te junax ya xc'oht ta stojol schebalic.

Proverbios 17:24

Chican p'ijil-o'tanil ta sit yelaw te mach'a ya sna' q'uinal, pero te sit te mach'a ma sna' q'uinal bayuc ya xbaht c'alal sti'il bahlumilal.

Éxodo 1:17

Pero te jtam-alaletic la xi'ic te Diose, ma ba la spasic te bin pasotic ta mandar yu'un te ajwalil yu'un Egipto, la yac' cuxajuc te tut queremetique.

Colosenses 1:9

Ha scuentahil, te c'alal hich la jca'iybeyex ac'oblalic, ma ba ya xquehchajotcotic ta sc'oponel Dios ta atojolic, ha ya jc'ambecotic te yacuc snojesbeyex ta awo'tanic sna'el bin ya sc'an yo'tan, ta scuenta spisil p'ijil-o'tanil soc snopojibal ta scuenta espíritu.

Salmos 119:6

Hich ma ba ya jta q'uexlal te c'alal ya jna'ulan spisil te mandariletic awu'une.

Proverbios 12:21

Ma xc'ax swocol ta stojol te mach'a toj yo'tan, yan te mach'atic chopol yo'tanic, ya x'a'bot bayel swocolic.

Eclesiastés 12:13

Te slajibal spisil te bin ay ta a'iyel, ha ini: Ich'a ta muc' te Diose soc ch'uhumbeya te mandariletic yu'une, como hich ay spisil te ay ta scuenta spasel te ants-winiquetique.