Eclesiastés 8:13 - Bible in Tzeltal Bachajón

¹³ soc te mach'a chopol yo'tan ma ba lec ya xc'oht soc ma ba ya xnahtij scuxlejal, te hich ay te bin ut'il axinal, ta scaj te ma ba ya xiw ta stojol Dios.

Bible in Tzeltal de Oxchuc y Tenejapa

¹³ Yan te mach'atic amen yo'tanique, amen nanix stuquelic a. Te xcuxlejalique jich nax ya xc'ax te bit'il axinale, melel ma ba la yaq'uic ta ich'el ta muc' Dios stuquelic.)

Eclesiastés 8:13 Referans Kwoze

Eclesiastés 6:12

Como ¿mach'a ya sna' bin a te lec yu'un te ants-winic te jayeb c'ahc'al cuxul, te jayeb c'ahc'al scuxlejal te tojol nax, te hich ya xc'ax te bin ut'il axinal? ¿Soc mach'a ya xhu' ya ya'be sna' te winic te bin ya xc'oht ta pasel ta patil yu'un ta ye'tal te ch'ulchane?

Isaías 3:11

¡Ay me swocol te mach'a chopol! Ma ba lec ya xc'oht ta loq'uel, como ya x'a'bot stojol sc'ab ha chican te bin spasojique.

Job 14:2

Hich ya xloc' te bin ut'il nichim, pero ya sayub ta ora; ya x'ahn hich te bin ut'il axinal, ma xhalaj.

Malaquías 3:18

Ha yu'un ya me ana'ic yan buelta te yan yilel te mach'a lec yo'tan soc te mach'a chopol yo'tan, te mach'a ya yac' sba ta a'batinel yu'un Dios soc te mach'a ma ba ya yac' sba ta a'batinel yu'une.

Isaías 57:21

Mayuc lamal q'uinal yu'un te mach'atic chopolic, xchi te Dios cu'une.

2 Pedro 2:3

Ta scaj sbic'sitayel taq'uin ya me slo'loyex ta scuenta lotil c'op. Ayix ora te quechel yich'belic castigo yu'un, soc yac smahliybel te ch'ayel yu'unique.

Santiago 4:14

Ma xana'ic bin ya xc'oht ta pasel pajel. ¿Bin a te acuxlejale? Ha sahb lum te jts'ihn nax ya xchicnaj, patil ya xch'ay bahel.

San Juan 5:29

soc ya me xloq'uic talel; te mach'atic lec bin la spasic ya me xcha'cuxajic yu'un ya yich' scuxlejalic, yan te mach'atic chopol bin la spasic, ya xcha'cuxajic yu'un ya stoj smulic.

Isaías 30:13

ha yu'un te mulil ini hich ya xc'oht awu'unic te bin ut'il toyol ts'ahc te jatem, te nopol ya xhemts'uj, te jts'ihn nax ya xch'ay cohel.

Salmos 144:4

Te ants-winic hich ay te bin ut'il jahc' ta o'tanil; te c'ahc'aletic yu'un hich ay te bin ut'il axinal te c'axel ay.

Salmos 55:23

Pero ha'at, Dios cu'un, yac awac' cohuquic bahel ta xahab yu'un lajel te mach'atic chopolic. Te jmilawetic soc te jlotetic ma ba ya sta j'ohlil te scuxlejalique. Yan te ho'one, ha'at smuc'ulat co'tan.

Salmos 39:5

Com nax awac'oj te jayeb c'ahc'al cuxulon, ma ba naht c'ohem ta atojol te jcuxlejale; melel te scuxlejal spisil ants-winiquetic hich nax ay te bin ut'il jahc' ta o'tanil. Selah

Salmos 11:5

Te Jehová ya spas ta prueba te mach'a toj yo'tan; pero te mach'a chopol yo'tan soc te mach'a ya smulan uts'inwanej ha ya xp'ajotic yu'un.

Job 21:30

ha te mach'a chopol yo'tan mayuc bin ya xc'oht ta stojol ta yorahil jinel, te ha canantaybil ta yorahil ilimba?

Job 20:5

te com nax te stse'elil yo'tan te mach'a chopol yo'tan, te jts'ihn nax ay yutsil yo'tan te mach'a ma ba sch'uhunej Dios?

Job 18:5

Ya me xtup' te sacal q'uinal yu'un te mach'a chopol yo'tan, ma ba ya xtihlix te c'ahc' yu'une.

Eclesiastés 3:14

Jna'oj te spisil bintic ya spas te Diose, stalel ay: Mayuc bin yan ay ta otsesel soc mayuc bin ay ta loq'uesel a. Dios hich ya spas scuenta yu'un ya x'ich'ot ta muc' yu'un te ants-winiquetique.

Eclesiastés 5:7

Como ta banti ay bayel wayichiletic ha nix hich ay bayel bintic tojol nax soc bayel c'opetic. Te ha'ate, xi'a te Diose.

Eclesiastés 7:15

Ta spisil ini quilojix te jayeb c'ahc'al cuxulon te mayuc scuentahil te jcuxlejale: ay mach'a toj yo'tan te ch'ay bahel aunque toj yo'tan, soc ay mach'a chopol yo'tan te bayel ha'bil cuxaj aunque chopol yo'tan.

Eclesiastés 7:18

Ha lec te yac atsac te june, soc te ma xcol bahel ta ac'ab te yane. Te mach'a ya yich' ta muc' te Diose, spisil lec ya xc'oht yu'un.

Eclesiastés 8:8

Mayuc mach'a ay yip ta stojol te yic'al te cuxlejal, yu'un ya yac' te ma xtup', o te ay yip ta stojol te sc'ahc'alel lajel. Mayuc mach'a ya x'ac'ot bahel ta yorahil guerra, soc te mach'a chopol ma ba ya x'ac'ot ta libre yu'un te bin chopole.

Isaías 65:20

Ma me ayuquix alal te jun cheb nax c'ahc'al ya xcuxaj, soc ma me ayuquix mamal te ma ba ya sts'acay yorahil; como ya xcuyot ta alal to teme ya xcham ta ho'winic (100) ya'bilal, soc te mach'a ma sta ho'winic (100) ya'bilal ya xcuyot ta ma lecuc sc'oblal.

Salmos 37:1

Ma me x'ilinat yu'un te mach'atic chopol yo'tanic, ma me xti'tonuc awo'tan yu'un te mach'atic chopol ya'telique,

Jeremías 44:10

C'alal ora yo'tic ma ba pehc'ajem yo'tanic soc ma ba xi'ojic; ma ba st'unojic te Ley cu'un o te mandariletic te la jca'beyex ta atojolic soc ta stojol te ame'atatique.