Eclesiastés 8:12 - Bible in Tzeltal Bachajón

¹² Aunque te jmulawil ya sta smul ho'winic (100) buelta, soc ya xnahtij scuxlejal, pero jna'oj te lec ya xc'oht te mach'atic ya yich'ic ta muc' te Diose, te mach'atic ya xiwic ta stojol;

Bible in Tzeltal de Oxchuc y Tenejapa

¹² Jich ya xc'ot ta swenta te mach'a yacal ta sleel smule, bayal ja'wil cuxulic ta sleel smul. (Te bi jna'oje, ja' te mach'atic ya xch'uunic te Diose, soc te ya yich'ic ta muq'ue, buen lec ya xc'otic.

Eclesiastés 8:12 Referans Kwoze

Salmos 37:11

Yan te mach'atic manso yo'tanic ya me yich'ic hilel te q'uinal soc ya me smulanic bayel lamal q'uinal.

2 Pedro 2:9

Te Cajwaltic ya sna' scoltayel loq'uel ta sujel te mach'atic jun yo'tanic ta stojol Dios, soc ya sna' sq'uejel te mach'atic ma tojuc bin ya spasic yu'un ya yich'ic castigo c'alal ya sta yorahil ich'el ta c'op;

Eclesiastés 7:15

Ta spisil ini quilojix te jayeb c'ahc'al cuxulon te mayuc scuentahil te jcuxlejale: ay mach'a toj yo'tan te ch'ay bahel aunque toj yo'tan, soc ay mach'a chopol yo'tan te bayel ha'bil cuxaj aunque chopol yo'tan.

Eclesiastés 3:14

Jna'oj te spisil bintic ya spas te Diose, stalel ay: Mayuc bin yan ay ta otsesel soc mayuc bin ay ta loq'uesel a. Dios hich ya spas scuenta yu'un ya x'ich'ot ta muc' yu'un te ants-winiquetique.

Romanos 9:22

¿Ha xan teme Dios, te bin ut'il la sc'an ya yac' ta ilel te yilimba soc te ya yac' ta na'el te yu'el, te cuhch yu'un te bayel la smahliy te vasohetic te ihlaybil yu'un, te chapal ya yich' jinele?

San Lucas 1:50

soc te sc'uxul yo'tan ya xc'oht ta stojol te cajalcaj mach'atic ya yich'ic ta muc'!

Romanos 2:5

Pero ta scaj te tonoben awo'tan soc te ma ba suhtem awo'tan, ha'at nix yac atsobel ilimba ta yorahil ya xchicnaj te ilimba soc te stojil chahpanel yu'un Dios,

San Mateo 25:34

Te ajwalil hich me ya yalbe te mach'atic ayic ta swa'el: La'ic, ha'ex te a'botex bendición yu'un te Jtat, ich'ahic hilel te cuentahinel yu'un Dios te chahpambotex ta shachel to tal bahlumilal,

Eclesiastés 7:18

Ha lec te yac atsac te june, soc te ma xcol bahel ta ac'ab te yane. Te mach'a ya yich' ta muc' te Diose, spisil lec ya xc'oht yu'un.

Eclesiastés 5:16

Ha nix hich mero chopol ini: Hich te bin ut'il tal, ha nix hich ya suht bahel. ¿Bin la sta a te a'tej ta tojol nax?

Proverbios 13:21

Te bin chopol ha ya snuts te jmulawiletique, yan te mach'atic toj yo'tanic ya x'a'botic smahtanin te bin leque.

Salmos 115:13

ya me ya'be bendición te mach'atic ya yich'ic ta muc' te Jehová, muc' biq'uit.

Salmos 112:1

¡Aleluya! Bayel yutsil te mach'a yich'oj ta muc' te Jehová, te bayel ya smulan te mandariletic yu'une.

Salmos 96:9

Ch'uhuntayahic te Jehová ta scuenta ch'ultesel te c'ax t'ujbil; xiwanic me ta stojol, swohlol bahlumilal.

1 Crónicas 16:30

¡Xiwanic ta stojol spisil mach'atic ayic ta bahlumilal! Ha la ya'be yich' yip te bahlumilal, hich ma ba ya stij sba.

1 Reyes 21:25

(Ta melel mayuc mach'a yan hich te bin ut'il Acab te la yac' sba ta spasel te bin chopol ta stojol Jehová, como ha jucot yu'un te Jezabel te yihname.

Deuteronomio 12:25

Ma me xawe', scuenta yu'un lec ya xc'ohat soc lec ya xc'oht te patil awal-anich'nab, te c'alal yac apas te bin stojil ta pasel ta stojol Jehová.

Éxodo 1:20

Ha yu'un Dios la sc'uxultay te jtam-alaletic, soc p'ohl te pueblo soc bayel la yich' xan yipic.

Deuteronomio 4:40

Ch'uhuna te mandariletic yu'un te yac calbelat ta ora ini, scuenta yu'un lec ya xc'ohat soc lec ya xc'oht a te patil awal-anich'nab, soc te ya xnahtub aworahil te ayat ta q'uinal te ya ya'bat scuenta sbahtel q'uinal te Jehová te Dios awu'une, xchi te Moisés.

Deuteronomio 12:28

Canantaya soc ch'uhuna spasel spisil te c'opetic ini te ya jpasat ta mandar, scuenta yu'un spisil ora lec ya xc'ohat soc lec ya xc'oht a te patil al-nich'anetic awu'un, te bin ut'il yac apas te bin lec soc te bin stojil ta pasel ta stojol Jehová te Dios awu'une.

Salmos 128:2

Te c'alal awe'be sit te ya'tel ac'ab, bayel me awutsil soc lec ya xc'ohat.

Eclesiastés 5:7

Como ta banti ay bayel wayichiletic ha nix hich ay bayel bintic tojol nax soc bayel c'opetic. Te ha'ate, xi'a te Diose.

Eclesiastés 12:13

Te slajibal spisil te bin ay ta a'iyel, ha ini: Ich'a ta muc' te Diose soc ch'uhumbeya te mandariletic yu'une, como hich ay spisil te ay ta scuenta spasel te ants-winiquetique.

Job 35:15

Pero yo'tic, te bin ut'il Dios ma ba ya yac' castigo ta scuenta yilimba, soc ma mero ya yich' ta cuenta te mulile,

Proverbios 28:14

Bayel yutsil te mach'a spisil ora ya xi' te Jehová, yan te mach'a ya stulanijtes yo'tan ya sta swocol.

Jeremías 44:10

C'alal ora yo'tic ma ba pehc'ajem yo'tanic soc ma ba xi'ojic; ma ba st'unojic te Ley cu'un o te mandariletic te la jca'beyex ta atojolic soc ta stojol te ame'atatique.