Eclesiastés 8:10 - Bible in Tzeltal Bachajón

¹⁰ Ha nix hich quiloj te mach'atic chopolic, te ma ba ya xbahtic ta ch'ul awilal, c'alal la yich'ic muquel halbot lec sc'oblalic; soc ta pueblo banti la spasic te bintic chopol ma'yuc mach'a la sna'ix bin la spasique. Ha nix hich tojol nax.

Bible in Tzeltal de Oxchuc y Tenejapa

¹⁰ Soc quiloj te ay ants-winic te amen yo'tane, te c'ubul la yac' sbaic ta stojol te ch'ul templo, pero te c'alal laje, bayal yutsil sc'oplal yu'unic la smuquic. Ta lum te banti la spas te bila amene, ma'yuc mach'a ya sna'ix te bila la spase. Ja' me te ma'yuc swentaile,

Eclesiastés 8:10 Referans Kwoze

Eclesiastés 9:5

Como te mach'atic cuxajtic ya sna'ic te ya me xchamic, pero te mach'atic chamenic mayuc bin ya sna'ic, soc mayuquix yan bin ya x'a'botic; ch'aybiliquix ta o'tanil.

Eclesiastés 2:16

Como te mach'a p'ij yo'tan soc te mach'a ma sna' q'uinal ma spisiluc ora ya xna'ot; c'alal ya xc'ax bayel c'ahc'al spisil ya xch'ay ta o'tanil. Te mach'a ay sp'ijil yo'tan soc te mach'a ma sna' q'uinal, pajal ya xchamic.

Proverbios 10:7

Ha bendición te sna'ojibal te mach'a toj yo'tan, yan te sbihil te mach'a chopol yo'tan, ya me xc'a'.

Hebreos 10:38

Te mach'a toj yo'tan ya xcuxaj ta scuenta sch'uhunel yo'tan; yan teme ya suht ta spat, ma ba lec co'tan yu'un, xchi.

Hechos 6:13

La stehc'anic lotil testigohetic te la yalic: Ha'i winic ini ma scom sba ta sbohlc'optayel ha'i ch'ul awilal ini soc te Ley.

San Lucas 16:22

C'oht yorahil te cham te jc'ambajel, soc ic'ot bahel ta sts'ehl Abraham yu'un te ch'ul a'batetique; soc ha nix hich cham te jc'uhlej winic soc la yich' muquel.

Jeremías 17:13

Jehová, te smuc'ulat yo'tan Israel, spisil te mach'atic ya yihquitayat ya x'ac'otic ta q'uexlal. Te mach'atic ya spit sbahic ta atojol, ya yich'ic ts'ihbayel ta ts'ubil lum ta scaj te la yihquitayic hilel te Jehová, te cuxul sloq'uib-ha'e.

Eclesiastés 1:11

Mayuc ta na'el te bin c'ohemix ta pasel, soc te bintic ya to xc'oht ta pasel mayuc ta na'el yu'un te mach'atic patil ya xtalique.

Salmos 31:12

Ch'ayemon ta yo'tanic hich te bin ut'il mach'a chamen; hich c'ohemon te bin ut'il wuyem oxom.

Job 21:18

Pajalic soc ac te ya xlichot ta ic', hich te bin ut'il suhlil trigo te ya x'ic'ot yu'un sutu-ic'.

Eclesiastés 9:15

Ta yutil te pueblo ay jtuhl winic te pobre pero ay sp'ijil yo'tan, ha la scoltay te pueblo ta scuenta te sp'ijil yo'tane. ¡Pero mayuc mach'a patil na'ot yu'un te pobre winique!