Eclesiastés 7:9 - Bible in Tzeltal Bachajón

⁹ Ma me orahuc ya x'ilinat, como te ilimba ay ta yo'tan te mach'a ma sna' q'uinal.

Bible in Tzeltal de Oxchuc y Tenejapa

⁹ Ma me xawac' stsalat ilimba; melel te ilimbae, ja' yu'un stuquelic te ants-winiquetic te ma sna'ic q'uinale.

Eclesiastés 7:9 Referans Kwoze

Santiago 1:19

Ha yu'un, quermanotac te c'uxex ta co'tan, chapaluquex me apisilic yu'un ya'iyel ta ora te bin ya yich' halel, ma me orahuc ya xc'opojex, soc ma me orahuc ya x'ilinex,

Proverbios 14:17

Te mach'a ora nax ya x'ilin ya spas te bin scuenta sonso, te mach'a ya snop bin chopol, ya x'ihlayot.

Proverbios 16:32

Ha lec xan te mach'a ma x'ilin ta ora te bin ut'il mach'a ay yip, lec xan te mach'a ya xhu' yu'un scomel sba te bin ut'il te mach'a ya stsal jun pueblo.

San Marcos 6:19

Ha yu'un te Herodías la yilintay, yo'tanuc ya smil te Juan, pero ma ba hu' yu'un,

Jonás 4:9

Pero hich halbot yu'un Dios: ¿Lec bal te ya x'ilinat yu'un te ch'upac-te'? xchi sc'oblal. Bayel ya x'ilinon, ha to c'alal ya xchamon, xchi te Jonás.

2 Samuel 19:43

Te winiquetic yu'un Israel hich la sjac'beyic te winiquetic yu'un Judá: Te ho'otcotic lajunchahp ayotcotic ta stojol te ajwalil, yan te ha'exe jchahp nax, ha yu'un c'ax to xan hich cu'uncotic a te David. ¿Bin yu'un te mayuc lec jc'oblalcotic awu'unic? ¿Ma bal ho'otcotic nahil la jcalcotic te ac'a suhtuc tal te ajwalil cu'untique? xchihic. Pero ha tulan xan c'oht a te c'opetic yu'un te winiquetic yu'un Judá te bin ut'il te winiquetic yu'un Israel.

2 Samuel 13:22

Pero te Absalón mayuc bin lec o mayuc bin chopol la yalbe te Amnón, aunque la yihlay te Amnón yu'un te la stsac te Tamar te yihts'ine.

2 Samuel 13:28

Te Absalón hich la yalbe te a'batetic yu'un: Ya me awilic ta lec te Amnón te c'alal yacubenix yu'un vino a. Te c'alal hich ya cal: Milahic te Amnón, teme xchihone, ya me amilic. Ma me xiwex, como ho'on jmandar. Ac'a fuersa, ayuc me yip awo'tanic ta spasel, xchi.

San Marcos 6:24

Hich te ach'ix loc' bahel, la sjoc'obe te snan: ¿Bin ya jc'ambe? xchi. Ha xac'ambe te sjol te Juan J'ac'-ich'-ha', xchi te snane.

2 Samuel 13:32

Pero te Jonadab snich'an Simea, te sbanquil David, c'opoj, hich la yal: Ma me scuy te cajwal te spisil laj ta milel te snich'nabe. Ha nax laj te Amnón; como hich la schap ta yo'tan te Absalón te c'alal tsacbot te yihts'in Tamar yu'un te Amnón.

Génesis 4:8

Te Caín la yalbe te Abel te yihts'in: Conic ta aquiltic, xchi. Te c'alal tey ayic a, te Caín la stsac te Abel te yihts'in, la smil.

Proverbios 14:29

Te mach'a ma orahuc ya x'ilin, ya sna' q'uinal ta lec; yan te mach'a ma xcuhch yu'un, ya yac' ta ilel te ma sna' q'uinal.

Eclesiastés 7:10

Ma me hichuc xawal: ¿Bin yu'un te ha lec xan te ha'biletic c'axemiquix te bin ut'il ay ta ora ini? ma me xchihucat, como mayuc p'ijil-o'tanil ta sjoc'oyel ini.

Proverbios 25:8

ma orahuc yac awich' ochel ta chahpajibal, manchuc hich ya xc'oht ta patil te ma ba yac ana' bin yac apas te c'alal ya yac'at ta q'uexlal te apat-axuhc.

Jonás 4:3

Ha yu'un, Jehová, awocoluc lajimbonix te jcuxlejal, como ha lec te ya xchamon te bin ut'il cuxulone, xchi.

Jonás 4:8

C'alal loc' tal te c'ahc'ale, Dios la yac' taluc q'uixin ic' ta stojol banti ya xloc' tal c'ahc'al. Chic'bot sjol te Jonás yu'un te c'ahc'ale, laj yip yu'un. Ya sc'an ya xcham, hich la yal: Ha lec te yacuc xchamon te bin ut'il cuxulon, xchi.