Eclesiastés 7:8 - Bible in Tzeltal Bachajón

⁸ Ha lec xan te slajibal te bin ay te bin ut'il te shahchibale; soc ha lec xan te ya xc'ax yu'un swocol te bin ut'il te toybahile.

Bible in Tzeltal de Oxchuc y Tenejapa

⁸ Ja' lec ta aiyel te c'alal ju'ix ta chapel a te c'ope; ma ja'uc lec ta aiyel te c'alal ya yich' jachele. Ja' lec teme jun awo'tan ya xc'ax awocole; ma ja'uc lec teme toyba ayate.

Eclesiastés 7:8 Referans Kwoze

Hebreos 10:36

Ya sc'an te ya xcuhch awu'unic, scuenta yu'un te c'alal apasojiquix te bin ya sc'an yo'tan te Dios, ya me awich'ic te bin yaloje.

Proverbios 14:29

Te mach'a ma orahuc ya x'ilin, ya sna' q'uinal ta lec; yan te mach'a ma xcuhch yu'un, ya yac' ta ilel te ma sna' q'uinal.

1 Pedro 1:13

Ha yu'un chahpana me apensaric; tsahtaya me abahic, ac'a smuc'ulin awo'tanic te yutsil-o'tanil yac awich'ic te c'alal ya xchicnaj tal te Jesucristo.

Santiago 5:11

Ya caltic te ha bayel yutsilic te mach'atic ya xcuhch yu'unic te swocolique. Awa'iyejic bin ut'il cuhch yu'un te Job, soc awilojic bin ut'il c'oht ta loq'uel ta patil yu'un te Cajwaltic, como te Cajwaltic bayel ya xc'uxultaywan soc ya sna'botic yo'bolil jbahtic.

Santiago 5:8

Ha nix hichex, junuc me awo'tanic xamahliy soc ayuc me yip awo'tanic, como nopolix ya xtal te Cajwaltique.

Gálatas 5:22

Yan te sit ya yac' te Espíritu, ha te sc'uxul-o'tanil, tse'el-o'tanil, lamal q'uinal, ya xcuhch yu'un, yutsil-o'tanil, jun-o'tanil, sch'uhunel-o'tanil,

San Lucas 21:19

Ta scuenta bin ut'il ya xcuhch awu'unic, hich ya xcol ach'uhlelic yu'un.

Proverbios 16:32

Ha lec xan te mach'a ma x'ilin ta ora te bin ut'il mach'a ay yip, lec xan te mach'a ya xhu' yu'un scomel sba te bin ut'il te mach'a ya stsal jun pueblo.

Proverbios 15:18

Te c'ahc'al winic ya shach c'op, yan te mach'a ma ba ya x'ilin ta ora ya slahmajtes c'op.

San Lucas 16:25

Pero halbot yu'un te Abraham: Jnich'an, na'a me te bayel bin lec la awich' te c'alal cuxulat a, yan te Lázaro ay bayel swocol; pero yo'tic a'botix smuc'ul yo'tan li'i, yan te ha'ate, ayat ta wocol.

Proverbios 28:25

Te mach'a bayel ya xbic'taj yo'tan, ya shach c'op, pero te mach'a ha smuc'ulinej yo'tan te Jehová ya xp'ohl bintic ay yu'un.

Proverbios 13:10

Ya shach c'op te toybahil, pero te p'ijil-o'tanil ay ta stojol te mach'atic ya sch'uhunic tojobtesel.

Efesios 4:2

Peq'ueluc me xawac' abahic, lamaluc me awo'tanic, talel c'axel cuhchuc awu'unic ta scuenta sc'uxul awo'tanic,

Eclesiastés 7:1

Ha lec xan a te lec c'oblalil te bin ut'il lequil perfume, soc ha lec xan a te bin c'ahc'alil ya xcham te bin ut'il te bin c'ahc'alil ayine.