Eclesiastés 7:7 - Bible in Tzeltal Bachajón

⁷ Te uts'inel ya sjimbe sjol te mach'a ay sp'ijil yo'tan; soc te aq'uel taq'uin yu'un chahpanel ya sjin o'tanil.

Bible in Tzeltal de Oxchuc y Tenejapa

⁷ Te uts'inel ya sjinbey sjol te mach'a ay sp'ijile; te mach'a ya yich' taq'uin yu'un ma tojuc ya xchajbanwan, ya xbolob stalel yu'un.

Eclesiastés 7:7 Referans Kwoze

Deuteronomio 16:19

Ma me xahowiytes te bin stojil ta pasel; ma me tsahbiluc nax mach'a yac awich' ta cuenta, ma me xatsac taq'uin teme ya x'a'botat, como te taq'uin ya smacbe sit te mach'atic ay sp'ijilic soc ya showiytesbe sc'opic te mach'atic toj yo'tanique.

Éxodo 23:8

Ma xatsac mahtanil scuenta schahpanel c'op, yu'un ha ya sc'atp'ujtes ta ts'o'sit te mach'atic ya yilic q'uinal soc ya showitesbe sc'op te mach'atic toj yo'tanique.

Proverbios 17:23

Te mach'a chopol yo'tan muquen ya schon sba yu'un sbohlobtesbeyel sbehlal te stojil chahpanel.

Isaías 1:23

Te príncipaletic awu'un ha jtoybahetic soc smohlol j'eleq'uetic. Spisilic toyol yo'tanic ya schon sbahic soc ya st'unic bahel mahtaniletic; ma ba toj ya schahpanic te me'ba'etic, soc ma xc'oht ta stojolic te swocol te me'ba' antsetique.

Eclesiastés 4:1

La jquil yan buelta spisil te uts'inel te yac ta pasel ta ye'tal ch'ulchan: ha te ya'lel sitic te mach'atic uts'imbilic, mayuc mach'a ya xmuc'ubtesbot q'uinal ya ya'iyic yu'un; ay yip ta sc'abic te j'uts'inwanejetic yu'unic, mayuc jmuc'ubtesej q'uinal yu'unic.

Proverbios 17:8

Te mahtanil taq'uin sjel ta lequil ton te ay yip ya ya'iy te mach'a ya yaq'ue; bayuc ya xbaht, ay bin ya sta a.

1 Samuel 8:3

Pero te snich'nab ma ha'uc la st'unic te be yu'un te statique, la yihquitayic hilel scaj sbic'sitayel c'ulejalil; la yich'ic taq'uin soc la sbohlobtesic te stojil chahpanel.

Deuteronomio 28:65

Ta yohlil te nacionetic ma ba yac acux awo'tan, soc ma ba ya scux yo'tan te stahn awoc. Te Jehová tey ya ya'bat xiwel ta awo'tan, ya xlaj yip asit soc yac amel awo'tan a.

Isaías 33:15

Te mach'a toj ya xbehen soc te toj ya xc'opoj, te ya sp'aj te taq'uin yu'un uts'inwanej, te ma ba ya yich' taq'uin ta schonel sba, te ya smac schiquin yu'un ma ba ya ya'iy te ya xchapbot sc'oblal ta malel ch'ich', soc te ya smuts' sit scuenta yu'un ma ba ya yil te bin chopol,

1 Samuel 12:3

Li' ayon; halbonic jmul ta stojol Jehová soc ta stojol te mach'a tsahbil yu'un, teme ay mach'a la jpojbe swacax, teme ay mach'a la jpojbe sburro, teme ay mach'a la jtojol-lehbe smul, teme ay mach'a ay swocol cu'un, o teme ay mach'a la jquich'be staq'uin yu'un ya smacbon jsit a; ya me jsuhtbeyex, xchi.

Eclesiastés 5:8

Teme yac awil te ay banti ayic ta uts'inel te pobrehetic, soc te ma stojiluc ya xchahpanotic, ma me xchamuc awo'tan yu'un; como ay mach'a muc' ya'tel te ya x'ilot yu'un mach'a toyol xan yu'une, soc ay mach'a toyol xan yu'un schebalic.

Eclesiastés 8:9

Spisil la jquil ini te c'alal la jcac' co'tan ta sna'el bintic ay ta pasel ta ye'tal ch'ulchan, te c'alal jtuhl winic ya smosohin yan winic yu'un ya ya'be swocol.

1 Samuel 21:14

Te Aquis la yalbe te a'batetic yu'un: Sohquem sjol yac awilic te winique, ¿bin yu'un la awic'bonic tal?