Eclesiastés 7:6 - Bible in Tzeltal Bachajón

⁶ Te stse'ej te mach'a ma sna' q'uinal hich ay te bin ut'il te sc'op ch'ixetic yaquic ta chiq'uel ta ye'tal oxom. Ha nix hich tojol nax ini.

Bible in Tzeltal de Oxchuc y Tenejapa

⁶ Te stse'ej te mach'atic ma sna'ic q'uinal ja' pajal soc te sc'op ch'ix c'alal yac ta c'ajq'uele, mero tojol nax ta jyalel.

Eclesiastés 7:6 Referans Kwoze

Salmos 118:12

La sjoytayonic hich te bin ut'il schanul chab, pero ora tup'ic hich te bin ut'il ya xc'ahc' ch'ixetic; ta scuenta sbihil Jehová la jlajinlan.

Salmos 58:9

Te c'alal ma to xya'iybe sq'uixinal te sc'ahc'al ch'ixetic te oxometic awu'un, te yaxubenic o taquijemic, ya me smes bahel ta tulan ic' te mach'atic chopolic.

Eclesiastés 2:2

La jcal te ha locahijel te tse'ej. Soc ¿bin stuc te bin ya smulan te o'tanile?

San Lucas 16:25

Pero halbot yu'un te Abraham: Jnich'an, na'a me te bayel bin lec la awich' te c'alal cuxulat a, yan te Lázaro ay bayel swocol; pero yo'tic a'botix smuc'ul yo'tan li'i, yan te ha'ate, ayat ta wocol.

San Lucas 6:25

¡Ay me awocolic ha'ex te nojel ach'uhtic ta ora ini! como ya me xwi'najex. ¡Ay me awocolic ha'ex te yacalex ta tse'ej ta ora ini! como ya me amel-awo'tanic soc ya me x'oq'uex.

Amós 8:10

Ya jsutp'in ta oq'uel te q'uinetic awu'unic soc spisil te c'ayojetic awu'unic ya jsutp'in ta mel-o'tan; ya cac' te yac alapic c'u'ul scuenta mel-o'tan soc ya yich' quits'el spisil stsotsel ajolic. Ya cac' te hich ya xc'oht te q'uinal te bin ut'il oq'uel yu'un te mach'a ch'ayem te hip jtuhl snich'an, soc te slajibal hich ya xc'oht te bin ut'il ch'a te sc'ahc'alele.

Proverbios 29:9

Te mach'a p'ij yo'tan teme ya yut sba soc te mach'a ma sna' q'uinal, te mach'a ma sna' q'uinal, ha nax ya x'ilin soc ya xlabanwan, mayuc lamal q'uinal.