Eclesiastés 7:12 - Bible in Tzeltal Bachajón

¹² Como ha mahquilal te p'ijil-o'tanil, ha nix hich ha mahquilal te taq'uine, pero ha lec xan a te p'ijil-o'tanil, yu'un ya ya'be scuxlejal te mach'atic yich'ojique.

Bible in Tzeltal de Oxchuc y Tenejapa

¹² Melel te p'ijil-o'tanil ya xcoltaywan, ja' nix jich ya xcoltaywan te bit'il te taq'uine, pero te p'ijil-o'tanil ja' mero ya xju' yu'un ya yac'bey xcuxlejal te mach'a ya xch'uun tojtesel yu'une.

Eclesiastés 7:12 Referans Kwoze

Proverbios 8:35

Como te mach'a ya stahon, ya sta scuxlejal, soc lec ta o'tanil yu'un te Jehová.

Proverbios 3:18

Ha te' yu'un cuxlejal ya xc'oht yu'un te mach'a ya yich'; bayel yutsil te mach'atic ya sq'uejic.

Proverbios 2:7

Ha ya sq'uejbe lequil p'ijil-o'tanil te mach'atic toj yo'tanic; ha smahquil te mach'atic toj ya xbehenic.

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Juan 12:50

Jna'oj te ha ya yac' cuxlejal sbahtel q'uinal te mandaril yu'un. Ha yu'un te bin ya cal, hich nix ya cal te bin ut'il yalbeyejon te Tatile, xchi te Jesús.

Proverbios 11:4

Ma xtuhun te c'ulejalil ta yorahil ilimba, pero te bin stojil ta pasel ya x'ac'awan ta libre yu'un te lajele.

Jueces 9:15

Te ch'ix hich la sjac'be te te'etic: Teme melel yac awac'onic ta ajwalil awu'unic, la' me, ac'a abahic ta caxinal; teme ma'uque, ac'a loc'uc tal c'ahc' ta ch'ix, ac'a schic'ticlan te cedrohetic te ay ta Líbano, xchi.

Filipenses 3:8

Melel jc'axel lajem sc'oblal ta co'tan spisil ta scaj te c'ax t'ujbil te ya jna'be sba te Cristo Jesús, ha te Cajwal. Ha ta scuenta te la jch'ayix hilel spisil, hich c'oht cu'un te bin ut'il c'a'pal, scuenta yu'un ha cu'un ya xc'oht te Cristo

Isaías 33:6

Ha ya xc'oht te mach'a ya yac' jun-o'tanil ta aworahil, ha bayel coltayel ya xc'oht, soc p'ijil-o'tanil soc bintic ay ta na'el; te yich'el ta muc' te Jehová ha c'ulejalil yu'un te Sión.

Isaías 32:2

Ta jujutuhl hich ya xc'oht te bin ut'il ahnibal yu'un te tulan ic' te ya smac te tulan yic'al ha'al; hich te bin ut'il be-ha'etic ta taquin q'uinal, hich te bin ut'il yaxinal muc'ul ton ta q'uixin q'uinal.

Proverbios 9:11

Como ho'on ta jcuenta te ya xnahtij aworahil, bayel xan ha'bil ya xcuxajat a.

Proverbios 2:11

Ya me scanantayat te tsahtayel, soc ya me scanantayat te bin ay ta na'el;

Salmos 57:1

C'uxultayawon, Dios cu'un, c'uxultayawon, como snac'oj sba ta atojol te jch'uhlele; ya jnac' jba ta yaxinal axic' ha to c'alal c'axix bahel a te wocole.

Job 1:10

¿Ma bal ajoytayej soc te mach'atic ay yu'un soc te bintic ay yu'une? Awa'beyej bendición spisil te ya'tel, ha yu'un te bayel p'ohlem te bintic ay yu'un ta q'uinal.

Deuteronomio 32:47

Como ma ha'uc te bin mayuc sc'oblal awu'unic, ha me acuxlejalic; ha ta scuenta te mandariletic ini te bayel c'ahc'al ya xcuxajex tey ta q'uinal te ya sohlex bahel ta Jordán ta yu'untayel, xchi.

Isaías 30:2

Ya xcohic bahel ta Egipto, pero ma ba la sjoc'obonic. Ya sc'anic te ya yich' yipic ta scuenta yip te faraón, ha ya smuc'ulin yo'tanic te canantayel yu'un Egipto.

Proverbios 14:20

Te pobre ya x'ihlayot yu'un spat-xuhc, pero ay tsobolic te c'ux ya ya'iy ta yo'tanic te jc'uleje.

Eclesiastés 2:13

La jquil te c'ax hich lec te p'ijil-o'tanil te bin ut'il te sonsohil, hich te bin ut'il c'ax lec te sacal q'uinal te bin ut'il te yihc'al q'uinale.

Eclesiastés 7:19

Te p'ijil-o'tanil c'ax hich ya ya'be yip a te mach'a ay sp'ijil yo'tan te bin ut'il lajuntuhl mach'atic ay yipic ta jun pueblo.

Eclesiastés 9:16

Ha yu'un hich la jcal: Ha lec xan te p'ijil-o'tanil te bin ut'il te yipe, aunque p'ajbil te sp'ijil yo'tan te pobre winic soc ma x'ich'ot ta cuenta te sc'ope.

Eclesiastés 9:18

Ha lec xan te p'ijil-o'tanil te bin ut'il te a'tejibaletic yu'un guerra; pero jtuhl jmulawil ya sjin bayel bintic lec.

Eclesiastés 10:19

Ya yich' pasel bayel we'elil scuenta tse'el-o'tanil, te vino ya yac' yutsil q'uinal, soc spisil bin ya xtuhun a te taq'uine.