Eclesiastés 6:2 - Bible in Tzeltal Bachajón

² Ay mach'atic ya x'a'bot yu'un Dios c'ulejalil, biluquetic soc te ya x'ich'ot ta muc', mayuc falta yu'un spisil bintic ya sc'an yo'tan, pero ma x'a'bot te ya smulan te bintic ay yu'une, yantic mach'atic ya smulanic. Ha tojol nax, soc c'ax chopol.

Bible in Tzeltal de Oxchuc y Tenejapa

² Ay mach'atic ya x'ac'botic bayal sc'ulejalic soc yutsil sc'oplalic yu'un Dios, ma'yuc falta yu'un spisil te bila ya sc'an yo'tan ya stuuntesic. Pero ma x'ac'botic permiso yu'un ya yaiybeyic yutsilal spisil bitic ay yu'un, yantiquix a te mach'atic ya yaiybey yutsilale. Ja' mero tojol ta jyalel, soc mel-o'tantic sba.

Eclesiastés 6:2 Referans Kwoze

Eclesiastés 5:19

Soc, te mach'a ya x'a'bot yu'un Dios sc'ulejal soc bintic ay yu'un, ha nix hich ya x'a'bot te ya xhu' ya stuhun te bintic a'bot, te jun yo'tan bin ut'il ay scuxlejal soc te tse'el yo'tan yu'un te ya'tele; ha mahtanil yu'un Dios ini.

Salmos 17:14

ta scuenta ac'ab, Jehová, ac'awon ta libre ta sc'abic, ha te winiquetic scuenta bahlumilal te ha nax yu'unic te bintic ay ta cuxlejal ini, te nojel sch'uhtic ta bintic ay awu'une. Bayel bintic ay yu'un te snich'nabic, soc ya to spas sobra yu'un te smamataque.

Salmos 73:7

Siht'em sitic yu'un sjuhp'elic, bayel te bin chopol snopoj ta yo'tanic.

1 Reyes 3:13

Soc ya ca'bat te yantic te ma ba la ac'ambone, ha c'ulejalil soc utsilal, te mayuc jtuhluc ajwalil te ya spajat te jayeb c'ahc'al cuxulat.

Lamentaciones 5:2

Te bintic ay cu'uncotic c'axic bahel ta sc'ab yantic, te jnahcotic c'axic bahel ta sc'ab jyanlumetic.

Salmos 39:6

Melel te ants-winiquetic hich ayic te bin ut'il axinal te ya xc'ax bahel; tojol ya yac' swocolic ta tulan a'tel, ya stsob sc'ulejalic, pero ma na'biluc mach'a ya yich' hilel.

Oseas 7:9

Lajimbot yip yu'un jyanlumetic, pero ma ba ya sna'. Sacubenix te stsotsel sjol pero ma ba ya sna'.

Daniel 5:18

Ajwalil, te Dios te mero toyol ay la ya'be ya'tel ta ajwalil te atat Nabucodonosor, la ya'be te smuc'ul c'oblal, yutsil sc'oblal soc smuc'ul yutsilal.

Eclesiastés 5:16

Ha nix hich mero chopol ini: Hich te bin ut'il tal, ha nix hich ya suht bahel. ¿Bin la sta a te a'tej ta tojol nax?

Eclesiastés 4:8

Ay jtuhl winic te stuquel ay, mayuc sjelol, mayuc snich'an o yermano; pero ma scom sba ta a'tel, ma xlaj yo'tan yilbel sc'ulejal; soc ma ba hich ya sjoc'oy: ¿Mach'a ya x'a'tejon yu'un, soc bin yu'un ma ba ya jpas te bin ya smulan te co'tane? ma xchihuc. Ha nix hich tojol nax soc tulan a'tel.

Eclesiastés 4:4

Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

2 Crónicas 1:11

Te Dios hich la sjac'be te Salomón: Te bin ut'il hich la sc'an awo'tan, te ma ba la ac'an ac'ulejal, bayel biluquetic o awutsilal, o te yacuc xlajic te acontratac, o te nahtuc acuxlejal, pero la ac'an sp'ijil awo'tan soc bintic ay ta na'el scuenta yu'un yac acuentahin te pueblo cu'un te la jcac'at ta ajwalil yu'une,

1 Crónicas 29:28

Mero mamalix a cham, bayel sc'ulejal soc yutsilal. Ha la sjelolin ta ajwalil te Salomón te snich'ane.

1 Crónicas 29:25

Te Jehová la smuc'ubtesbe sc'oblal te Salomón ta stojol spisil Israel, soc c'ax hich la ya'be yutsilal a te ya'tel ta ajwalil te bin ut'il te yantic ajwaliletic ta nahil ta Israel.

Jueces 18:10

Te c'alal ya xbahex ya xc'oht atahic ants-winiquetic te mayuc ta yo'tanic te ya xtal uts'inel, soc yac atahic buen jamal q'uinal. Dios la ya'beyex ta ac'abic; ha q'uinal te mayuc bin ya spas falta, xchihic.

Deuteronomio 28:43

Te jyanlum ay ta awohlil, behbe tohyel xan awu'un, yan te ha'ate behbe pehc'ajelat.

Deuteronomio 28:33

Te sit ats'unub-awawal ta aq'uinal soc spisil te bintic yac ata ta scuenta awa'tel, ha ya swe'ic te mach'atic ma xana'be sba; ayat ta uts'inel soc jimbil ya xc'ohat spisil ora.

Eclesiastés 5:13

Quiloj ta bahlumilal te bin c'ax chopol: ha te ay c'ulejalil te q'uejbil yu'un te yajwal te ha nix ya xjihnot yu'une,

Isaías 55:2

¿Bin yu'un yac alajin ataq'uinic yu'un te bin ma we'eliluc? ¿Bin yu'un yac alajin stojol awa'tel yu'un te bin ma xnoj ach'uhtic yu'une? ¡A'iybon awa'iyic ta lec, we'anic te bin lec, ya me amulan te bintic buhts'an ta we'el!

Eclesiastés 5:18

Quiloj te bin lec: ha te ya xwe' ya x'uch' soc ya ya'iybe yutsil te ya'tel te ya yo'tantay spasel ta ye'tal ch'ulchan te jayeb c'ahc'al a'bibil scuxlejal yu'un Dios, como hich ay te bin ay yu'une.