Eclesiastés 6:12 - Bible in Tzeltal Bachajón

¹² Como ¿mach'a ya sna' bin a te lec yu'un te ants-winic te jayeb c'ahc'al cuxul, te jayeb c'ahc'al scuxlejal te tojol nax, te hich ya xc'ax te bin ut'il axinal? ¿Soc mach'a ya xhu' ya ya'be sna' te winic te bin ya xc'oht ta pasel ta patil yu'un ta ye'tal te ch'ulchane?

Bible in Tzeltal de Oxchuc y Tenejapa

¹² Ta mero melel, ma'yuc mach'a ya sna' bila lec ta stojol te ants-winic te jayeb c'aal ajtaybil te xcuxlejal te tojol c'oeme. Te jayeb c'aal ac'bil xcuxlejale, jich me ya xc'ax te bit'il axinale. ¿Mach'a ya x'albot yaiy yu'un te bila ya xc'ot ta pasel ta balumilal te c'alal lajemixe?

Eclesiastés 6:12 Referans Kwoze

Santiago 4:14

Ma xana'ic bin ya xc'oht ta pasel pajel. ¿Bin a te acuxlejale? Ha sahb lum te jts'ihn nax ya xchicnaj, patil ya xch'ay bahel.

Eclesiastés 3:22

Ha yu'un la jquil te mayuc bin yan xan lec ya xhu' ya spas te ants-winique, ha nax te ya smulan te ya'tele, yu'un hich a'bibil spas. Como ¿mach'a ya xhu' ya ya'be yil bin ya xc'oht ta pasel ta stojol ta patil?

Job 14:2

Hich ya xloc' te bin ut'il nichim, pero ya sayub ta ora; ya x'ahn hich te bin ut'il axinal, ma xhalaj.

Salmos 144:4

Te ants-winic hich ay te bin ut'il jahc' ta o'tanil; te c'ahc'aletic yu'un hich ay te bin ut'il axinal te c'axel ay.

Eclesiastés 8:13

soc te mach'a chopol yo'tan ma ba lec ya xc'oht soc ma ba ya xnahtij scuxlejal, te hich ay te bin ut'il axinal, ta scaj te ma ba ya xiw ta stojol Dios.

Eclesiastés 8:7

ha te ma sna' bin ya xc'oht ta pasel; soc te bin ora ya xc'oht ta pasel ¿mach'a ya xhu' ya yalbe?

Job 8:9

como te ho'otic wojey to nax chicnajotic ta q'uinal, mayuc bin jna'ojtic; te jcuxlejaltic li' ta q'uinal, hich nax ya xc'ax te bin ut'il axinal.

1 Crónicas 29:15

Como jyanlumotcotic soc jbehyomalotcotic ta atojol hich te bin ut'il spisil te jme'jtatcotique. Te jayeb c'ahc'al cuxulotic ta bahlumilal hich c'ohem te bin ut'il axinal te ma xhalaj.

Eclesiastés 12:13

Te slajibal spisil te bin ay ta a'iyel, ha ini: Ich'a ta muc' te Diose soc ch'uhumbeya te mandariletic yu'une, como hich ay spisil te ay ta scuenta spasel te ants-winiquetique.

Eclesiastés 9:6

Ch'ayemiquix te sc'uxul yo'tanic, te yil-o'tantaywanejic soc te bin xbiq'uet ta yo'tanic; ma xyaq'uix sbahic a te bin ya yich' pasel ta ye'tal ch'ulchan.

Eclesiastés 2:3

La jnop ta co'tan te ya ca'be smulan jbaq'uetal te vino soc te ya ca'iy sonsohil, ya to scuentahimbon co'tan a te p'ijil-o'tanile, ha to c'alal ya quil bin a te lec ay ta pasel yu'un te yal-snich'nab ants-winiquetic ta ye'tal ch'ulchan te jayeb c'ahc'al cuxulic.

Salmos 109:23

Hich ya xch'ayon bahel te bin ut'il axinal c'alal ya xmahl c'ahc'al; ¡ya quich' yuq'uilanel hich te bin ut'il c'ulub!

Salmos 102:11

Te c'ahc'aletic cu'un hich ay te bin ut'il axinal te c'axel ay, ya xtaquijon hich te bin ut'il ac.

Salmos 17:15

Yan te ho'one, ta scuenta stojil bin ay ta pasel ya quilbat asit; c'alal ya xwihc' jsit, tic' ya ca'iy a te ya quil bin awilel. Yu'un jach-c'ayoj. Ha salmo yu'un David, ya'bat Jehová. La yalbe te Jehová te c'ayoj ini te bin c'ahc'alil ac'ot ta libre yu'un ta sc'ab spisil te scontratac soc ta sc'ab Saúl. Hich la yal:

Salmos 4:6

Tsobolic hich ya yalic: ¿Mach'a ya xhu' ya ya'botic quiltic te bin leque? xchihic. Jehová, ac'a tihluc ta jtojolcotic te sacal q'uinal yu'un asit awelaw.

Job 14:21

Teme ya x'ich'otic ta muc' te snich'nab, ma ba ya sna' stuquel; teme ya xpehc'anotic, ma ba ya yil stuquel;

Miqueas 6:8

Ha'at ants-winicat, te Jehová la yalbatix te bin lec, te bin ya sc'ambat ta atojol: ha te yac apas te bin toj ta pasel, te c'ux ta awo'tan te c'uxultaywanej, soc te peq'uel yac awac' aba ta stojol te Dios awu'une.

Salmos 89:47

¡Na'a me te com te jcuxlejal! ¿Bin yu'un te mayuc scuentahil te la apas spisil te ants-winiquetique?

Salmos 47:4

Ha la slehbotic te bin ya quich'tic hilel, ha te bin c'ax t'ujbil la yil te Jacob, te mach'a c'ux la ya'iy ta yo'tan. Selah

Salmos 16:5

Te Jehová ha te bin ya x'a'boton quich' soc ha copa cu'un; ha'at yac acanantaybon te bin ya xc'oht ta jcuenta.

Eclesiastés 2:24

Mayuc bin yan xan lec ya spas te winic, ha nax te ya xwe' ya x'uch' soc te ya ya'iybe yutsil te ya'tele. Quiloj te ha nix talem ta stojol Dios ini.

Eclesiastés 6:11

Ta banti ay bayel c'opetic, ya xp'ohl te bin tojol nax. Mayuc bin ya xloc' a.

Eclesiastés 7:15

Ta spisil ini quilojix te jayeb c'ahc'al cuxulon te mayuc scuentahil te jcuxlejale: ay mach'a toj yo'tan te ch'ay bahel aunque toj yo'tan, soc ay mach'a chopol yo'tan te bayel ha'bil cuxaj aunque chopol yo'tan.

Eclesiastés 9:9

Tse'eluc me awo'tan soc awihnam te c'ux ta awo'tan, ta spisil acuxlejal te mayuc scuentahil, te ya'beyejat ta ye'tal ch'ulchan. Ha me te bin a'bilat te c'alal cuxulat soc te tulan ya x'a'tejat ta ye'tal te ch'ulchane.

Eclesiastés 10:14

Te mach'a ma sna' q'uinal bayel bin ya yal. Teme mayuc mach'a ya sna' bin ya xc'oht ta pasel, ¿mach'a ya xhu' ya ya'be sna' bin ya xc'oht ta pasel ta patil yu'un?