Eclesiastés 5:7 - Bible in Tzeltal Bachajón

⁷ Como ta banti ay bayel wayichiletic ha nix hich ay bayel bintic tojol nax soc bayel c'opetic. Te ha'ate, xi'a te Diose.

Bible in Tzeltal de Oxchuc y Tenejapa

⁷ Ja' yu'un te ja'ate, ta yolil te tojol ipal ch'inch'in c'opetic te pajal soc waichile, ya sc'an ya awac' ta ilel te awich'oj ta muc' te Diose.

Eclesiastés 5:7 Referans Kwoze

San Mateo 12:36

Ya calbeyex te spisil c'op te mayuc stuc te ya yalic te ants-winiquetic ya me xc'ohtic ta ich'el ta c'op yu'un ta yorahil chahpanel.

Eclesiastés 12:13

Te slajibal spisil te bin ay ta a'iyel, ha ini: Ich'a ta muc' te Diose soc ch'uhumbeya te mandariletic yu'une, como hich ay spisil te ay ta scuenta spasel te ants-winiquetique.

Eclesiastés 8:12

Aunque te jmulawil ya sta smul ho'winic (100) buelta, soc ya xnahtij scuxlejal, pero jna'oj te lec ya xc'oht te mach'atic ya yich'ic ta muc' te Diose, te mach'atic ya xiwic ta stojol;

Eclesiastés 5:3

Como te bayel bintic yac anopilan ya xtal wayichiletic yu'un, soc ha sc'op mach'a ma sna' q'uinal teme bayel ya xc'opojate.

Eclesiastés 3:14

Jna'oj te spisil bintic ya spas te Diose, stalel ay: Mayuc bin yan ay ta otsesel soc mayuc bin ay ta loq'uesel a. Dios hich ya spas scuenta yu'un ya x'ich'ot ta muc' yu'un te ants-winiquetique.

Proverbios 23:17

Ma me xati'ti'o'tantay te jmulawiletic, pero spisil ora xi'a me te Jehová.

Eclesiastés 7:18

Ha lec te yac atsac te june, soc te ma xcol bahel ta ac'ab te yane. Te mach'a ya yich' ta muc' te Diose, spisil lec ya xc'oht yu'un.

Eclesiastés 8:13

soc te mach'a chopol yo'tan ma ba lec ya xc'oht soc ma ba ya xnahtij scuxlejal, te hich ay te bin ut'il axinal, ta scaj te ma ba ya xiw ta stojol Dios.

Eclesiastés 3:16

Ay to xan yan la jquil ta ye'tal ch'ulchan: te banti ay chahpanwanej, ay bin chopol tey a; te banti ay stojil ta pasel, ay mulil tey a.

Eclesiastés 8:9

Spisil la jquil ini te c'alal la jcac' co'tan ta sna'el bintic ay ta pasel ta ye'tal ch'ulchan, te c'alal jtuhl winic ya smosohin yan winic yu'un ya ya'be swocol.