Eclesiastés 5:4 - Bible in Tzeltal Bachajón

⁴ Teme ay bin yac awal ta stojol Dios, ma me xhalajat ta spasel, como ma smulan te mach'a ma sna' q'uinal. Pasa te bin awaloje.

Bible in Tzeltal de Oxchuc y Tenejapa

⁴ Teme ay bila ya awal ya apasbey ta stojol te Diose, ora me xawac' c'otuc ta pasel, melel te Diose ma smulan te mach'a ma sna' q'uinale. Ja' yu'un pasa me te bi ya awal ta jamal ya apas ta stojol te Diose.

Eclesiastés 5:4 Referans Kwoze

Números 30:2

Teme ay mach'a ya schap sc'op ta stojol Jehová, o teme ay bin jc'axel ya yal ta jamal te ya spas, ma me sut sc'op; ya me spas spisil te bin yaloje.

San Mateo 5:33

Soc awa'iyejic te hich halbotic te namey me'iltatiletic: Ma me xac'axuntay te bin awaloj ta jamal, ya me ac'ohtes ta pasel te bin awaloj ta jamal ta stojol Dios, te xchihe.

Salmos 76:11

Chapa ac'opic soc Jehová te Dios awu'unic soc c'ohtesahic ta pasel; spisilic te ayic ta sjoyobal ac'a yich'ic tal mahtaniletic ta stojol te Mach'a ay ta xi'el.

Salmos 50:14

Ha'uc me smahtan awu'un ta stojol Dios te yalbeyel wocol, soc pasa te bin awalbeyej ta jamal te Dios te mero toyol ay.

Salmos 116:14

Ya jpas te bintic caloj ta stojol Jehová ta stojol spisil te pueblo yu'une.

Hebreos 10:6

Ma ba lec awo'tan yu'un chic'bil mahtaniletic soc te mahtaniletic yu'un stojel mulil.

Malaquías 1:10

Te ayuc mach'a ta awohlilic te ya smacbe te ochibaletic yu'un te templo scuenta yu'un ma tojoluc yac atsunic c'ahc' ta scajtajib ta chiq'uel mahtanil cu'un, xchi te Jehová te scuentahinej spisil.

Jonás 2:9

Pero te ho'one, ta scuenta yalel wocol, ya ca'bat milbil mahtanil; ya jpas te bin caloj ta jamal ta atojol. ¡Yu'un Jehová te colele! xchi ta sc'oponel Dios.

Salmos 119:106

Ay bin caloj ta jamal, ya me jc'ohtes ta pasel, ha te ya jch'uhun spasel te bintic toj achapoje.

Génesis 35:3

Ya xmohotic bahel ta Bet-el, tey ya xc'oht jpasbe scajtajib ta chiq'uel smahtan a te Dios te la scoltayon te c'alal ayon ta wocol a soc te la sjoquinon ta banti behenon, xchi.

Génesis 35:1

Dios hich la yalbe te Jacob: Hahchan, mohan bahel ta Bet-el, nahinan tey a. Pasbeya scajtajib ta chiq'uel smahtan te Dios te la stehc'an sba ta atojol te c'alal loc'at ta ahnel ta stojol te abanquil Esaú, xchi.

Isaías 19:21

Te Jehová ya yac' sba ta na'el yu'un te egipciohetic, soc ta hich ora ya me sna'beyic sba te Jehová. Ya me yaq'uic milbil mahtaniletic soc yantic mahtaniletic; ya schap sc'opic ta stojol Jehová soc ya sc'ohtesic ta pasel.

Génesis 28:20

Hich la yal ta jamal te Jacob: Teme yu'un ya sjoquinon te Dios, soc teme ya scanantayon ta banti ya xbohon, teme ya ya'bon jwe'el soc jc'u' jpac',

Jueces 11:35

C'alal hich la yil, la sch'i' sc'u' yu'un, soc hich la yal: ¡Ay, cantsil-nich'an, ta mero melel la awa'bon jwocol! Ha'at nix ta acuenta te ay bin c'ux ya ca'iy, yu'un ay bin la jcal ta jamal ta stojol Jehová, ma xhu' ya jsut te jc'ope, xchi.

Salmos 22:25

Ya xtal ta atojol te bin ya calbe yutsil sc'oblal yu'un ta yohlil te muc'ul tsoblej; te bin jchapoj ya cac' c'ohtuc ta pasel ta stojol te mach'atic ya yich'at ta muc'.

Proverbios 20:25

Ha syacol ya xc'oht te winic teme ma ba nopbil yu'un te bin ya sch'ultes, teme patil ya snop ta lec.