Eclesiastés 5:2 - Bible in Tzeltal Bachajón

² Ma me orahuc ya xc'opojat, ma me orahuc ay bin yac awal ta stojol Dios, como Dios ay ta ch'ulchan, yan te ha'ate ayat ta bahlumilal. Ha yu'un ma me bayeluc ya xc'opojat.

Bible in Tzeltal de Oxchuc y Tenejapa

² Ma me ayuc bi ora nax ya alom ta chapel ta stojol Dios, ni ya awal ta awe, o ya awal ta ajol ta awo'tan. Melel te Diose ay ta ch'ulchan stuquel, yan te ja'ate ayat ta balumilal. Ja' yu'un tsajtaya me, ma me najt'uc ya xc'ot te ac'op te c'alal ya xc'opojate.

Eclesiastés 5:2 Referans Kwoze

San Mateo 6:7

Te c'alal yac ac'oponic Dios, ma me xawalulan c'opetic te mayuc sc'oblal, hich te bin ut'il ya spasic te jyanlumetic, te scuyojic te ya x'a'iybot sc'opic ta scuenta bayel ya xc'opojic.

Proverbios 10:19

Ta banti ay bayel c'op, ay mulil tey a, yan te mach'a ya scom ye, ay sp'ijil yo'tan.

Isaías 55:9

Hich te bin ut'il toyol yiloj sba soc te bahlumilal te ch'ulchan, hich te behetic cu'un c'ax toyol yiloj sba soc te behetic awu'unic, soc te snopojibal cu'un c'ax hich a te bin ut'il te snopojibal awu'unique.

San Mateo 6:9

Te ha'exe, hich me xac'oponic te Diose: Jtatic te ayat ta ch'ulchan, ac'a ich'otuc ta muc' ach'ul bihil.

Eclesiastés 5:7

Como ta banti ay bayel wayichiletic ha nix hich ay bayel bintic tojol nax soc bayel c'opetic. Te ha'ate, xi'a te Diose.

Génesis 18:27

La sjac' xan te Abraham: Hahchemonix ta c'op soc te Cajwal, aunque ts'ubilumon soc tanon.

Santiago 3:2

Jpisiltic bayel buelta ya xjelawotic. Teme ay mach'a ma ba ya xjelaw ta c'op, mero lec c'ohem, ya xhu' yu'un scomel spisil te sbaq'uetale.

Eclesiastés 5:3

Como te bayel bintic yac anopilan ya xtal wayichiletic yu'un, soc ha sc'op mach'a ma sna' q'uinal teme bayel ya xc'opojate.

Proverbios 20:25

Ha syacol ya xc'oht te winic teme ma ba nopbil yu'un te bin ya sch'ultes, teme patil ya snop ta lec.

Génesis 28:20

Hich la yal ta jamal te Jacob: Teme yu'un ya sjoquinon te Dios, soc teme ya scanantayon ta banti ya xbohon, teme ya ya'bon jwe'el soc jc'u' jpac',

Salmos 115:3

¡Te Dios cu'untic ay ta ch'ulchan; ha la spas spisil te bintic la sc'an yo'tan!

Génesis 18:32

La yalbe xan: Ma me x'ilinat, Cajwal, teme ya jc'oponat jun xan buelta: ¿Ha xan teme ay lajuntuhl (10) tey a? xchi. Halbot yu'un: Ma ba ya jlajin ta scaj te lajuntuhl (10), xchi te Jehová.

Génesis 18:30

Te Abraham la yalbe xan: Ma me x'ilinat, Cajwal, teme ya jc'oponat xane. ¿Ha xan teme ay lajuneb scha'winic (30) ta tuhl tey a? xchi. Ma ba ya jpas teme ay lajuneb scha'winic (30) ta tuhl ya jta tey a, xchi te Jehová.

Jueces 11:30

Te Jefté hich jc'axel la yal ta jamal ta stojol Jehová: Teme yac awa'bon ta jc'ab te amonetic,

San Marcos 6:23

Soc jc'axel la yalbe ta jamal: Ya ca'bat spisil bintic ya ac'ambon, chican teme j'ohlil ban c'alal jcuentahinej, xchi.

Génesis 28:22

Soc te ton la jtehc'anix scuenta seña, ha sna Dios ya xc'oht; soc spisil bin yac awa'bon, ya ca'bat jun ta slajunebal, xchi.

Levítico 5:4

Teme ay mach'a ora nax ay bin jc'axel ya stojol lom ta halel te ya spas, teme lec o teme ma lecuque, biluc a te jc'axel ya yal ta ora nax, te ma nahiluc ya snop ta lec, teme ma ba ya sna' ta ora, pero teme patilix ya sna'e, stahojix smul, chican biluc a te ya slom ta halele.

Eclesiastés 10:12

Ay yutsil te c'op ya xloc' ta ye te mach'a ay sp'ijil yo'tan, yan te sc'op te mach'a ma sna' q'uinal ha nix ya xjihnot yu'un.

Eclesiastés 10:13

Te sc'op ta shahchibal mayuc scuentahil; te slajibal te bin ya yal jc'axel ma xtuhun.