Eclesiastés 5:16 - Bible in Tzeltal Bachajón

¹⁶ Ha nix hich mero chopol ini: Hich te bin ut'il tal, ha nix hich ya suht bahel. ¿Bin la sta a te a'tej ta tojol nax?

Bible in Tzeltal de Oxchuc y Tenejapa

¹⁶ Ja' mero mel-o'tantic sba ta melel. Melel te bit'il tale, ja' nix jich ya xcha'sujt' xan bael. Melel ¿bi ya sta a te mero bayal at'eje?

Eclesiastés 5:16 Referans Kwoze

Eclesiastés 1:3

¿Bin ya xloc' yu'un a te winic yu'un spisil te ya'tel ya spas ta ye'tal ch'ulchan?

Proverbios 11:29

Te mach'a ya yuts'in sna, ya snahin ic', soc te mach'a ma sna' q'uinal, ha a'bat ya xc'oht yu'un te mach'a p'ij yo'tan.

San Juan 6:27

Ma me x'a'tejex yu'un te we'elil te ya xlaj, a'tejanic me yu'un te we'elil te ya yac' cuxlejal sbahtel q'uinal, ha te ya ya'beyex te Nich'anil ay ta scuenta winic, como la yac' ta ilel te Dios Tatil te ha lec yo'tan yu'un, xchi.

San Marcos 8:36

Como ¿bin ya sta a te mach'a ya yu'untay spisil bintic ay ta bahlumilal, teme ch'ayel ya xbaht te sch'uhlele?

Oseas 8:7

La sts'unic ic', la stsobic sutu-ic'. Mayuc sit te trigo, ma ba ya yac' harina; teme ya sitin, ya xwe'ot yu'un jyanlumetic.

Jeremías 2:8

Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

Isaías 26:18

Jwolojcotic, la jca'iybecotic sc'uxul, pero la jcayintescotic ic'. Ma ba la jcac'cotic colel ta bahlumilal, mayuc mach'atic ayinic ta bahlumilal.

Eclesiastés 5:13

Quiloj ta bahlumilal te bin c'ax chopol: ha te ay c'ulejalil te q'uejbil yu'un te yajwal te ha nix ya xjihnot yu'une,

1 Samuel 12:21

Ma me xat'unic bahel te bin mayuc scuentahil, te mayuc bin ya ya'beyex soc ma xcoltaywan, como tojol nax stuquelic.

1 Corintios 16:16

Ya calbeyex wocol te yacuc awac' abahic ta cuentahinel yu'un te mach'a hich yac spasbelic, soc spisil mach'atic ya xcoltaywanic soc ya x'a'tejic.

Eclesiastés 2:11

Patil la jquil spisil te bintic jpasoj ta jc'ab soc te ca'tel te la jpase. Tojol ay soc ha snutsel te iq'ue; mayuc bin loc' a ta ye'tal ch'ulchan.

Eclesiastés 3:9

¿Bin ya xloc' yu'un a te winic te bayel ya x'a'teje?