Eclesiastés 5:11 - Bible in Tzeltal Bachajón

¹¹ Teme ya xp'ohl te bintic ay, ha nix hich ya xp'ohl te mach'atic ya slajinic. ¿Bin ya sta a te yajwale? ha xanix te ya smulan yilele.

Bible in Tzeltal de Oxchuc y Tenejapa

¹¹ melel teme ay bayal awu'une, ja' nix jich bayal ya alajin. ¿Bi ya xloc' a te ay awu'une? ¿Ja' xanix bal te ya amulan yilel te jayeb ay awu'une?

Eclesiastés 5:11 Referans Kwoze

1 Juan 2:16

como spisil bintic ay ta bahlumilal, ha te bin ya smulan te baq'uet scuenta mulil, te bin ya smulan yilel te jsitic, soc te toybahil, ma ba talem ta stojol te Tatil, ha talem ta stojol te bahlumilale.

Habacuc 2:13

¿Ma bal ha'uc te Jehová te scuentahinej spisil te ya yac' te ya yich' lajinel ta c'ahc' te ya'tel te ants-winiquetic, soc te tojol ya xluhbic te nacionetique?

Proverbios 23:5

Teme yac awac' asit ta stojol te c'ulejalil, ya xan awil, mayuquix a. Ya xloc' xic' hich te bin ut'il jxic, ya xwihl bahel c'alal ta ch'ulchan.

Eclesiastés 6:9

Ha lec xan te bin ya yil te sit te bin ut'il te ya xc'ax bahel te bin ya sc'an yo'tan. Ha nix hich tojol nax soc ha snutsel te iq'ue.

Eclesiastés 11:9

Jcolel al-nich'anat, tse'eluc awo'tan ta yorahil te jcolel al-nich'anate, soc ac'a smulan awo'tan te yorahil te awach'ix-queremil. Pasa te bin ya smulan awo'tan soc te bintic yac awil ta asit, pero na'a me te Dios ya spasbat cuenta spisil ini.

Génesis 13:2

Te Abram ay bayel chambahlametic soc oro soc plata yu'un.

Génesis 12:16

Lec bin la spasbe te Abram ta scuenta te antse; la ya'be tuminchijetic, wacaxetic, burrohetic, a'bat ants-winiquetic, burrahetic, soc camellohetic.

Jeremías 17:11

Te mach'a ma stojiluc ya sta sc'ulejal, hich c'ohem te bin ut'il wanculul te yan tomut ya sluts'. Ta yohlil te scuxlejal ya x'ihquitayot yu'un, soc ta slajibal ha sonso ya xc'oht.

Eclesiastés 2:9

C'ax hich muc' jc'oblal c'oht a te bin ut'il spisil te mach'atic nahil ay cu'un ta Jerusalén. Ta spisil ini, la sjoquinon te p'ijil-o'tanile.

Eclesiastés 5:12

Ha buhts'an swayel te mach'a ya x'a'tej, teme bayel ya xwe' o jteb nax; yan te jc'ulej ma x'ac'ot ta wayel yu'un te bintic bayel ay yu'une.