Eclesiastés 4:8 - Bible in Tzeltal Bachajón

⁸ Ay jtuhl winic te stuquel ay, mayuc sjelol, mayuc snich'an o yermano; pero ma scom sba ta a'tel, ma xlaj yo'tan yilbel sc'ulejal; soc ma ba hich ya sjoc'oy: ¿Mach'a ya x'a'tejon yu'un, soc bin yu'un ma ba ya jpas te bin ya smulan te co'tane? ma xchihuc. Ha nix hich tojol nax soc tulan a'tel.

Bible in Tzeltal de Oxchuc y Tenejapa

⁸ Ay jtul winic mero stuquel ay ta q'uinal, ma'yuc mach'a jun yo'tan soc ni snich'nabuc, ni yermanotac. Pero ma xcux yo'tan ni jtebuc, soc te spisil ora ma xcux yo'tan ta smulanel te sc'ulejale, ni ayuc yan bila ay ta yo'tan. Ni yacuc sna' ta yo'tan mach'a yutsil-slequil ya xc'ot te yat'el te ma xcux yo'tan ta spasele, soc ma ba ya snop te bi yu'un te cujch'em yu'un te swocole. Ta spisil mero tojol ta jyalel, soc mero yalal ijc'atsil c'oem.

Eclesiastés 4:8 Referans Kwoze

1 Juan 2:16

como spisil bintic ay ta bahlumilal, ha te bin ya smulan te baq'uet scuenta mulil, te bin ya smulan yilel te jsitic, soc te toybahil, ma ba talem ta stojol te Tatil, ha talem ta stojol te bahlumilale.

Proverbios 27:20

Te yawil mach'atic chamenic soc te yawil jinel mayuc bin ora te tic' ya ya'iy a, ha nix hich te sit te winic, mayuc bin ora ya xlaj yo'tan ta ilaw.

San Lucas 12:20

Pero hich halbot yu'un te Diose: Ma xana' q'uinal. Yo'tic ta ahc'abal ya xtalat ta c'ambeyel ach'uhlel, ha yu'un te bin q'uejbil awu'un, ¿mach'a ya yich'bat hilel? xchi sc'oblal.

Eclesiastés 1:8

Ta spisil ya yac' luhbel, c'ax hich a te ya xhu' yalbel te winique. Ma xluhb te sitil ta yilel, soc ma xluhb chiquinil ta ya'iyel.

San Mateo 11:28

La'ic ta jtojol apisilic te luhbunex soc te ay awihcatsic, ho'on ya ca'beyex acux awo'tanic.

Eclesiastés 1:13

La jca'telin yilel soc slehel ta scuenta p'ijil-o'tanil spisil bin ya yich' pasel ta ye'tal ch'ulchan. Ha tulan a'tel a'bot yu'un Dios te yal-snich'nab ants-winiquetic scuenta yu'un ya x'a'tejic a.

Isaías 5:8

¡Ay me swocolic te mach'atic ya slehticlan nahetic yu'unic, soc ya slehticlan q'uinaletic, ha to c'alal ya yich'ic spisil! ¿Atuquelic bal ya x'ayinex ha'ex ta q'uinal?

Eclesiastés 5:10

Te mach'a c'ux ta yo'tan te taq'uine, mayuc bin ora ya yal te tic' a; te mach'a c'ux ta yo'tan te c'ulejalil, mayuc bin ora ya yal te tiq'uix a. Ha nix hich tojol nax.

Salmos 39:6

Melel te ants-winiquetic hich ayic te bin ut'il axinal te ya xc'ax bahel; tojol ya yac' swocolic ta tulan a'tel, ya stsob sc'ulejalic, pero ma na'biluc mach'a ya yich' hilel.

Génesis 2:18

La yal te Jehová Dios: Ma lecuc te stuquel ay te winique, ya jpasbe snuhp' te ya scoltay sba soque, xchi.

Isaías 55:2

¿Bin yu'un yac alajin ataq'uinic yu'un te bin ma we'eliluc? ¿Bin yu'un yac alajin stojol awa'tel yu'un te bin ma xnoj ach'uhtic yu'une? ¡A'iybon awa'iyic ta lec, we'anic te bin lec, ya me amulan te bintic buhts'an ta we'el!

Eclesiastés 2:23

Spisil scuxlejal c'ux obol sba soc ay swocol yu'un te ya'tel; ni ha'uc ya scux yo'tan ta ahc'abal. Ha nix hich tojol nax ini.

Eclesiastés 2:21

Como te winic ya x'a'tej soc sp'ijil yo'tan, ya sna' ta lec soc ya xhu' yu'un te a'tele, patil ya me ya'be hilel spisil te mach'a ma ba a'tej tey a. Ha nix hich tojol nax soc mero ma lecuc.

Eclesiastés 4:7

La jquil yan buelta te bin tojol ay ta bahlumilal:

Salmos 39:7

Yo'tic, Cajwal, ¿bin ya jmahliyix a? Ha'at smuc'ulat co'tan.

Eclesiastés 5:9

Te bin ya xloc' ta lumq'uinal ha yu'un spisilic, soc ha nix hich te ajwalil ay bin ya sta ta lumq'uinal.