Eclesiastés 4:5 - Bible in Tzeltal Bachajón

⁵ Te mach'a ma sna' q'uinal ya spet sc'ab, hich ya sjin sba.

Bible in Tzeltal de Oxchuc y Tenejapa

⁵ Te ants-winiquetic jich ya yalic: “Te mach'a ma sna' q'uinale ya spet sc'ab, jich ya sjin sba ta stuquel a”, xiic.

Eclesiastés 4:5 Referans Kwoze

Isaías 9:20

Ya slajinic te bin ay ta swa'el-c'ab, pero ay to swi'nalic; ya swe'ic bin ay ta sq'uexam-c'ab, pero ma ba ya xnoj sch'uhtic yu'un. Jujutuhl ya swe'be sbaq'uetal te spat-xuhc:

Proverbios 20:4

Te mach'a ch'aj ma schahpan sq'uinal ta yorahil scomil c'ahc'al; hich ta yorahil stsobel sit, ya sle, pero mayuc bin ya sta.

Proverbios 13:4

Te mach'a ch'aj, ay bin ya sc'an, pero mayuc bin ya sta, yan te mach'atic ya ya'telinic bin ya sc'an pasel, ya xp'ohl bintic ay yu'unic.

Job 13:14

¿Bin yu'un ya jti' loq'uel te jbaq'uetal, soc ya cac' jcuxlejal ta jc'ab?

Proverbios 12:27

Te mach'a ch'aj ni ma ba ya swo te bin stsacoje; pero te bin bayel sc'oblal ya ya'iy te winique, ha te ya ya'telin te bin ya sc'an pasele.

Proverbios 11:17

Te mach'a ya xc'uxultaywan, lec bin ya spasbe sba, yan te j'uts'inwanej ha nix ya yuts'in sba.

Eclesiastés 10:12

Ay yutsil te c'op ya xloc' ta ye te mach'a ay sp'ijil yo'tan, yan te sc'op te mach'a ma sna' q'uinal ha nix ya xjihnot yu'un.

Proverbios 6:9

Ha'at te ch'ajat, ¿jayeb xan ora ya xwayat? ¿Bin ora ya xhahchat ta wayel?