Eclesiastés 4:4 - Bible in Tzeltal Bachajón

⁴ Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

Bible in Tzeltal de Oxchuc y Tenejapa

⁴ La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Eclesiastés 4:4 Referans Kwoze

1 Juan 3:12

Ma me hichucotic te bin ut'il Caín, te ha yu'un te pucuj, te la smil te yihts'ine. ¿Bin yu'un te la smile? Yu'un chopol te ya'tel te Caín, yan te yihts'in toj ya'tel stuquel.

Eclesiastés 1:14

La jquil spisil te bintic ya yich' pasel ta ye'tal ch'ulchan; ilawil, tojol nax ay spisil, ha snutsel ic' c'ohem.

Eclesiastés 2:21

Como te winic ya x'a'tej soc sp'ijil yo'tan, ya sna' ta lec soc ya xhu' yu'un te a'tele, patil ya me ya'be hilel spisil te mach'a ma ba a'tej tey a. Ha nix hich tojol nax soc mero ma lecuc.

Eclesiastés 2:26

Como Dios ya ya'be sp'ijil yo'tan, sna'ojibal soc yutsil q'uinal ya'iy te mach'a lec ta site; yan te jmulawil ya ya'be ya'tel ta stsobel soc ta sbusanel c'ulejalil yu'un ya ya'be hilel te mach'a lec ta o'tanil yu'un Dios. Ha nix hich tojol nax soc ha snutsel te iq'ue.

San Mateo 27:18

Como sna'oj te ta scaj yil-o'tantaybelic te la yaq'uic ta c'abal.

Eclesiastés 6:11

Ta banti ay bayel c'opetic, ya xp'ohl te bin tojol nax. Mayuc bin ya xloc' a.

Eclesiastés 6:9

Ha lec xan te bin ya yil te sit te bin ut'il te ya xc'ax bahel te bin ya sc'an yo'tan. Ha nix hich tojol nax soc ha snutsel te iq'ue.

Eclesiastés 4:16

Ma xhu' ta ahtayel mach'atic la st'unic; pero te mach'atic patil ya xtalic ma ba tse'el yo'tanic ta stojol. Ha nix hich tojol nax soc ha snutsel te iq'ue.

Proverbios 27:4

Te ilimba ya x'uts'inwan, te sc'ahc'al-o'tanil ya xjinawan, pero ¿mach'a ya xcuhch yu'un te ti'ti'o'tantayele?

Santiago 4:5

O ¿ya bal acuyic te tojol hich ya yal te Shun Dios: Te espíritu te la yac' ayinuc ta co'tantic, ha bayel xut'et yo'tan, te xchihe?

Hechos 7:9

Te tatiletic, ta scuenta sbic'tal yo'tanic, la schonic bahel ta Egipto te José; pero ha joquimbil yu'un Dios,

Eclesiastés 1:17

La jcac' co'tan ta sna'beyel sba te p'ijil-o'tanil soc nix te locahijel soc te bin sonsohil. La jna' te ha nix snutsel te iq'ue.

Génesis 26:14

Ay bayel tuminchijetic, wacaxetic soc a'batetic yu'un; hahch ta ti'ti'o'tantayel yu'un te filisteohetique.

Génesis 31:1

La ya'iy te Jacob bin yac yalbelic te snich'nab Labán, te hich yacalic ta yalel: Te Jacob la spojbe spisil bin ay yu'un te jtatic, la sta spisil sc'ulejal ta scuenta te bin ay yu'un te jtatique, te xchihique.