Eclesiastés 4:16 - Bible in Tzeltal Bachajón

¹⁶ Ma xhu' ta ahtayel mach'atic la st'unic; pero te mach'atic patil ya xtalic ma ba tse'el yo'tanic ta stojol. Ha nix hich tojol nax soc ha snutsel te iq'ue.

Bible in Tzeltal de Oxchuc y Tenejapa

¹⁶ Manchuc me ma x'ajtabaj te yajwal lum ya swentaine, ni ja'uquic, ni ja'uc te patil alnich'anetic yu'un, te bin nax yo'tanic ya xjil yu'une. Ja' nix jich, mero tojol ta jyalel, ja' pajal soc te yacuc jtsactic te iq'ue.

Eclesiastés 4:16 Referans Kwoze

Eclesiastés 1:14

La jquil spisil te bintic ya yich' pasel ta ye'tal ch'ulchan; ilawil, tojol nax ay spisil, ha snutsel ic' c'ohem.

Eclesiastés 2:17

Ha yu'un la jp'aj te cuxlejal, como te bintic ya yich' pasel ta bahlumilal, ma lecuc la jca'iy. Spisil tojol nax, ha snutsel te ic' c'ohem.

1 Reyes 1:40

Patil spisil te pueblo la st'unic mohel, yacalic ta yoq'uesinel bahel flautas; bayel yutsil yo'tanic, hich ya'iyel te ya snic sba te lumq'uinal yu'un te yawique.

Eclesiastés 2:26

Como Dios ya ya'be sp'ijil yo'tan, sna'ojibal soc yutsil q'uinal ya'iy te mach'a lec ta site; yan te jmulawil ya ya'be ya'tel ta stsobel soc ta sbusanel c'ulejalil yu'un ya ya'be hilel te mach'a lec ta o'tanil yu'un Dios. Ha nix hich tojol nax soc ha snutsel te iq'ue.

Eclesiastés 2:11

Patil la jquil spisil te bintic jpasoj ta jc'ab soc te ca'tel te la jpase. Tojol ay soc ha snutsel te iq'ue; mayuc bin loc' a ta ye'tal ch'ulchan.

2 Samuel 19:9

Spisil ta chahp sts'umbal Israel yacalic ta stijel sbahic ta c'op, hich yac yalbelic: Te ajwalil la scoltayotic loq'uel ta sc'ab te jcontratic, la scoltayotic loq'uel ta sc'ab te filisteohetic; pero ta scaj te Absalón loq'uemix bahel ta ahnel ta sq'uinal.

Eclesiastés 4:15

La jquil te spisil mach'atic ayic ta ye'tal ch'ulchan la st'unic te querem te ha sjelol c'oht te ajwalile.