Eclesiastés 4:13 - Bible in Tzeltal Bachajón

¹³ Ha lec xan te querem te pobre te ay sp'ijil yo'tan te bin ut'il jtuhl ajwalil te mamalix soc ma sna' q'uinal, te ma xyich' ta cuenta bin ya x'a'bot sna';

Bible in Tzeltal de Oxchuc y Tenejapa

¹³ Soc yan xan, ja' bayal sc'oplal te querem te me'ba teme ay sp'ijil yo'tane; ma ja'uc bayal sc'oplal te muc' ajwalil mamalix teme ma sna' q'uinale. Melel te mamale ma sc'anix tojtesel stuquel.

Eclesiastés 4:13 Referans Kwoze

2 Crónicas 25:16

C'alal hich yac ta yalel a te jalwanej, la sjac' te ajwalil: ¿Yu'un bal awich'oj awa'tel ta j'ac'-o'tanil ta stojol te ajwalil? Coma aba. ¿Yu'un bal yac ac'an te ya jmilat? xchi. Scuenta slajibal hich la yal te jalwanej: Jna'oj te Dios snopoj ta yo'tan te ya slajinat yu'un te hich apasoj soc ma ba la ach'uhun te bin la jcalbat, xchi.

Proverbios 19:1

Ha lec xan te pobre te mayuc bin ay ta scuenta te bin ut'il te mach'a ma sna' q'uinal soc te chopol bin ya yale.

Proverbios 28:6

Ha lec xan te pobre te lec yo'tan ya xbehen, te bin ut'il te jc'ulej te chopol te be yu'une.

1 Reyes 22:8

Te ajwalil yu'un Israel la yalbe te Josafat: Ay jtuhl winic te ya xhu' ya joc'obetic Jehová ta scuenta, ha te Micaías snich'an Imla, pero ya quihlay, como mayuc bin ora ya yalbon te bin lec, puro ma lecuc, xchi. Pero la yal te Josafat: Ma lecuc hich ya yal te ajwalil, xchi sc'oblal.

Génesis 37:2

Hich ay sc'oblal te snich'nab Jacob. C'alal ay huclajuneb (17) ya'bilal a te José la sjoquin te sbanquiltac ta scanantayel te tuminchijetic; la sjoquin te yalatac Bilha soc te yalatac Zilpa te yan antsetic yu'un te state. Te José la yalbe ya'iy te stat te ma lecuc ya'telic te sbanquiltac.

Eclesiastés 4:12

Te mach'a stuquel ay ya xhu' ya xtsalot, pero te chebic ya xhu' ya scoltay sbahic. Te lazo te oxp'ij ta ts'otel ma orahuc ya xtuch'.

Eclesiastés 7:19

Te p'ijil-o'tanil c'ax hich ya ya'be yip a te mach'a ay sp'ijil yo'tan te bin ut'il lajuntuhl mach'atic ay yipic ta jun pueblo.