Eclesiastés 4:1 - Bible in Tzeltal Bachajón

¹ La jquil yan buelta spisil te uts'inel te yac ta pasel ta ye'tal ch'ulchan: ha te ya'lel sitic te mach'atic uts'imbilic, mayuc mach'a ya xmuc'ubtesbot q'uinal ya ya'iyic yu'un; ay yip ta sc'abic te j'uts'inwanejetic yu'unic, mayuc jmuc'ubtesej q'uinal yu'unic.

Bible in Tzeltal de Oxchuc y Tenejapa

¹ Bajt' co'tan ta yilel te tulan uts'inel yac ta pasel ta balumilal. La quil te mach'atic yacal yich'belic tulan uts'inele, yacalic ta oq'uel, pero ma'yuc mach'a ya xmuc'tesbot q'uinal yaiyic yu'un. Ya x'ac'botic tulan swocolic yu'un, pero ma'yuc mach'a ya xmuc'tesbot q'uinal yaiyic yu'un.

Eclesiastés 4:1 Referans Kwoze

Eclesiastés 3:16

Ay to xan yan la jquil ta ye'tal ch'ulchan: te banti ay chahpanwanej, ay bin chopol tey a; te banti ay stojil ta pasel, ay mulil tey a.

Eclesiastés 5:8

Teme yac awil te ay banti ayic ta uts'inel te pobrehetic, soc te ma stojiluc ya xchahpanotic, ma me xchamuc awo'tan yu'un; como ay mach'a muc' ya'tel te ya x'ilot yu'un mach'a toyol xan yu'une, soc ay mach'a toyol xan yu'un schebalic.

Isaías 5:7

Te ts'usubil yu'un te Jehová te scuentahinej spisil, ha te sna Israel, soc te winiquetic yu'un Judá ha te ts'umbil q'uinal te mulambil yu'une. Ha la smahliy bin toj ta pasel, pero ay ta malel ch'ich'; la smahliy stojil chahpanel, pero la ya'iy aw yu'un wocol.

Santiago 5:4

A'iya me awa'iyic, yaquic ta aw ta scontrahimbelex te j'a'teletic te la stsobeyex sit te ats'unub awawalic, te ta scuenta lo'loyel ma ba la atojique. Te yawic te mach'atic la stsobic te sit ats'unub awawalic c'ohtix ta stojol te Cajwaltic te scuentahinej spisil.

San Mateo 26:56

Pero ya xc'oht spisil ini scuenta yu'un ya xc'oht ta pasel te bin ts'ihbabil hilel yu'un te jalwanejetique, xchi. Hich spisil te jnopojeletic la yihquitayic, loq'uic ta ahnel.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Lamentaciones 1:9

Te sbohlil ay ta stsec; ma ba la snop bin ut'il ya xc'oht ta loq'uel. Wocol ta ch'uhunel bin ut'il yahl, mayuc mach'a ya smuc'ubtesbe q'uinal ya'iy yu'un. Ilawil, Jehová, te jwocole, como toyol yac'oj sba te jcontrahe, xchi.

Lamentaciones 1:2

Pich'il yo'tan ta oq'uel ta ahc'abal, sch'alet ya'lel sit ta scho. Ta spisil te mach'atic antsinot c'ohem yu'un mayuc jtuhluc te ya xmuc'ubtesbot q'uinal ya'iy yu'un; ihquitayot yu'un spisil yamigotac, c'atp'ujemix ta scontratac.

Isaías 51:23

Ha ya ca'be ta sc'ab te j'uts'inwanejetic awu'un, te mach'atic hich la yalbat: Pahc'ana aba ta lum, yu'un ya xc'axotcotic ta aba, te xchihique. Hich la awac' apat te bin ut'il lum, hich te bin ut'il be yu'un ya xbehenic tey a.

Salmos 42:9

Hich ya calbe te Diose: Muc'ul tonat cu'un, ¿bin yu'un la ach'ayonix ta awo'tan? ¿Bin yu'un ayon ta mel-o'tan ta scaj te uts'inel yu'un te jcontra? xchihon.

Salmos 42:3

Ha jwe'el c'ohem te ya'lel jsit jujun c'ahc'al, ahc'abal, te c'alal hich ya yalbonic spisil ora: ¿Banti ay te Dios awu'un? te xchihique.

Salmos 12:5

Ya yal te Jehová: Ta scaj te uts'inel yu'un te pobrehetic soc te ahcan yu'un te mach'atic mayuc bin ay yu'unic, ya xhahchonix, ya jcoltay te mach'atic sc'anojic coltayel, xchi.

Job 35:9

Ya x'awonic te ants-winiquetic ta scaj bayel swocolic; ya x'awonic ta sc'anel coltayel yu'un te mach'atic ay yipique.

Isaías 59:7

Te yoquic ya x'ahnimajic ta stojol te bin chopol, ya suj sbahic ta smalbeyel sch'ich'el te mach'a mayuc smul. Te bin snopojic, ha te bin chopol, ay jinel soc lajinel ta behetic yu'unic.

Malaquías 3:18

Ha yu'un ya me ana'ic yan buelta te yan yilel te mach'a lec yo'tan soc te mach'a chopol yo'tan, te mach'a ya yac' sba ta a'batinel yu'un Dios soc te mach'a ma ba ya yac' sba ta a'batinel yu'une.

Malaquías 2:13

Pero ay to yantic te bintic yac apasic: yac awahts'es ta ya'lel asitic te scajtajib ta chiq'uel mahtanil yu'un Jehová, ya x'oq'uex soc ya x'ahcanajex, yu'un ma ba ya quilix te mahtanil, ma ba tse'el co'tan ya jtsacbeyex ta ac'abic.

Eclesiastés 7:7

Te uts'inel ya sjimbe sjol te mach'a ay sp'ijil yo'tan; soc te aq'uel taq'uin yu'un chahpanel ya sjin o'tanil.

Proverbios 28:3

Te pobre te ya yuts'in te pobrehetic, hich ay te bin ut'il tulan ha'al te ya slajin te ts'unub awalil.

Salmos 142:4

Tsahtaya awil ta swa'el jc'ab, mayuc mach'a ya sc'an ya sna' bin ut'il ayon. Mayuc banti ya xhu' ya jnac' jba, mayuc mach'a ya scanantaybon jcuxlejal.

Salmos 80:5

La awa'be swe'ic te ya'lel sitic; la awa'be yuch'ic bayel te ya'lel sitique.

Salmos 69:20

La slajimbon co'tan te uts'inel, mayuquix bin ya scoltayon. La jmahliy mach'a ya sna'bon yo'bolil jba, pero mayuc; la jle mach'a ya yac' smuc'ul-o'tanil, mayuc jtuhluc la jta.

Job 16:4

Ha nix hichon ya xhu' ya xc'opojon hich te bin ut'il te ha'exe, te ha'uc hich ayex te bin ut'il ayon; ya xhu' ya cal bayel c'opetic ta acontrahic, soc ya xhu' ya jimulan jol ta atojolic.

Job 6:29

Nohpahic xan ta yach'il, soc ma me ayuquix bin ma stojiluc xapasic; nohpahic xan, na'ahic te stojil bin ya cal.

Jueces 4:3

Ha yu'un te snich'nab Israel awonic ta stojol Jehová, como te Jabín ay ho'winic yoxbahc' (900) carretahetic yu'un te pasbilic ta taq'uin soc ay jtahb (20) ha'bil te la ya'be tulan swocol te snich'nab Israel.

Deuteronomio 28:48

ha yu'un ya me awac' aba ta a'batinel yu'un acontra te ya sticon tal ta atojol te Jehová, ha yac apas soc awi'nal, taquinti'il, mayuc ac'u' apac' soc mayuc bin ay awu'un a. Ha ya ya'bat ta anuc' jun yugo pasbil ta taq'uin, ha to c'alal jc'axel ya slajinat.

Deuteronomio 28:33

Te sit ats'unub-awawal ta aq'uinal soc spisil te bintic yac ata ta scuenta awa'tel, ha ya swe'ic te mach'atic ma xana'be sba; ayat ta uts'inel soc jimbil ya xc'ohat spisil ora.

Éxodo 1:22

Ha yu'un te faraón la spas ta mandar spisil te pueblo yu'un: Ch'ojahic ochel ta muc'ul-ha' spisil te queremetic te ya x'ayinic, ac'a cuxajuc spisil te tut ach'ixetique, xchi.

Éxodo 1:16

Te c'alal yac acoltayic te hebrea-antsetic te ya x'ayin yalic, ya me awilic te bin alalil te ya x'ayine: teme tut querem, milahic; yan teme tut ach'ix, ac'a cuxajuc stuquel, xchi.

Proverbios 19:7

Te mach'a pobre, teme ya x'ihlayot yu'un spisil yermanotac, ¡c'ax to xan hich ya x'ihquitayot yu'un te yamigotaque! ya sle soc sc'op pero ma sta ta lehel.

Eclesiastés 8:9

Spisil la jquil ini te c'alal la jcac' co'tan ta sna'el bintic ay ta pasel ta ye'tal ch'ulchan, te c'alal jtuhl winic ya smosohin yan winic yu'un ya ya'be swocol.

Jeremías 16:7

Mayuc mach'a ya ya'be we'elil scuenta smuc'ubtesel q'uinal ya'iyic mach'atic ayic ta mel-o'tan yu'un te mach'a chamen yu'unic, soc mayuc bin ya x'a'bot yuch'ic scuenta smuc'ubtesel q'uinal ya'iyic yu'un te stat o te snane.

Lamentaciones 1:16

Ha scuentahil te yacon ta oq'uel; ha scuentahil te ya xloc' te ya'lel jsite, como namal ay te mach'a ya smuc'ubtesbon co'tan soc te ya ya'bon jcux co'tan. La yich'ic jinel te jnich'nab, como ha la ya'iy tsalaw te jcontrahe.

Job 9:24

Te q'uinal ya x'a'bot ta sc'abic te mach'atic chopolic, soc ha ya smacbe sit te juecetic yu'un. Teme ma ha'uc te Diose, ¿mach'a a?

Salmos 69:21

La ya'bonic jwe' bin ch'a scuenta jwe'el, soc te c'alal taquij co'tan la ya'bonic cuch' vinagre.

Salmos 142:5

Ya cawtayat, Jehová; hich ya cal: Ha'at ahnibalat cu'un soc te bin ay cu'un ta yohlil te mach'atic cuxulic, xchihon.

Proverbios 29:2

Te c'alal ya yich' yipic te mach'atic toj yo'tanic, ha tse'el yo'tan yu'un te pueblo; yan te c'alal ya yich' yipic te mach'atic chopol yo'tanic, ya x'ahcanaj te pueblohe.

Lamentaciones 1:17

Te Sión la shach sc'ab ta sc'anel coltayel, pero mayuc mach'a ya x'a'bot smuc'ul yo'tan yu'un. Te Jehová la yal mandar te ha scontratac ya xc'ohtic te spat-xuhc te Jacob; hich ihlaybil c'oht ta yohlilic te Jerusalén.

Amós 3:9

Pucahic ta halel ta tulan ts'ahquetic yu'un Asdod soc ta tulan ts'ahquetic yu'un te sq'uinal Egipto, hich me xawalbeyic: Tsoba abahic ta witsiltic yu'un Samaria, ilawilic te bayel c'op ta yohlil soc te uts'inel tey a.

Amós 3:10

Ma sna'ic spasel bin toj, xchi te Jehová; ya stsobic ta tulan ts'ahquetic yu'unic bintic elc'ambil soc te bintic pojbile.