Eclesiastés 3:6 - Bible in Tzeltal Bachajón

⁶ ay yorahil ta lehel, ay yorahil ta ch'ayel; ay yorahil ta q'uejel, ay yorahil ta ch'ojel bahel;

Bible in Tzeltal de Oxchuc y Tenejapa

⁶ Ay yorail ta leel, soc ay yorail ta ch'ayel. Ay yorail ta q'uejel, soc ay yorail ta ch'ojel.

Eclesiastés 3:6 Referans Kwoze

Hechos 27:19

Ta yoxebal c'ahc'al ta jc'abcotic nix la jch'ojticlambecotic ochel ta ha' spisil biluquetic yu'un te barcohe.

Hechos 27:38

C'alal laj yo'tanic ta we'el, hahch sch'ojic ochel ta mar te trigo scuenta yu'un hich ya xlichot xan a te barcohe.

San Mateo 19:29

Mach'ayuc a te yihquitayej hilel sna, sbanquiltac, swixitac, yihts'inab, stat, snan, yihnam, yal-snich'nab o sq'uinal ta scuenta te jbihile, ho'winic (100) xan buelta ya x'a'bot, soc ya me yich' scuxlejalic sbahtel q'uinal.

Eclesiastés 11:1

Ac'a bahel ta ha' te pan awu'un, bayel c'ahc'al ta patil ya me ata yan buelta.

Salmos 112:9

Ya spucticlan, ya ya'be te pobrehetic, stalel ay te bin toj ya spas; ya xtohybot sc'oblal te yip scuenta yich'el ta muc'.

2 Reyes 5:26

Pero hich la yal te Eliseo: ¿Ma bal teyuc ay co'tan a te c'alal co ta scarreta te winic yu'un tal stahat? ¿Yorahil bal ta ich'el plata soc c'u'uletic, olivohetic, ts'usubiletic, tuminchijetic, wacaxetic soc a'bat ants-winiquetic?

Jonás 1:5

Xiwic te j'a'teletic ta barco, jujutuhl la yawtay te dios yu'unique. Soc la sch'ojticlanic ochel ta mar te ihcatsiletic te ayic ta barco, yu'un ya xco yalal. Pero te Jonás cohemix bahel ta yutil te barco, ochem swayel a.

Isaías 2:20

Ta hich ora te ants-winiquetic ya me sch'ojic bahel ta stojol te ch'ohetic soc sots'etic, te loc'ombahetic yu'unic te pasbilic ta plata soc ta oro, te la spasic yu'un ya sch'uhuntayic.

2 Reyes 8:9

Hich te Hazael la yich' bahel mahtanil te bintic lec ay ta Damasco, cuchbil bahel ta cha'winic (40) ta coht camellohetic, baht ta stahel tal. C'alal c'oht stehc'an sba ta stojol, hich la yal: Te anich'an Ben-adad ajwalil yu'un Siria la sticonon tal ta atojol yu'un ya joc'obat: ¿Ya bal xlecubon ta chamel? xchi c'ohel.

2 Reyes 7:15

Hich la st'unic bahel te siriahetic c'alal ta Jordán. La yilic te spisil te be nojel ta c'u'uletic soc yantic biluquetic te la sch'ojticlanic hilel yu'un ahnel. Patil suhtic talel te mach'atic ticombilic, la ya'beyic sna' te ajwalil.

Génesis 31:18

soc la smac bahel spisil schansbahlam soc spisil sbiluc te stahoj, (ha te chambahlametic te la spas ta ganar ta Padan-aram), yu'un ya suhtix bahel ta banti ay te Isaac te stat te ay ta sq'uinal Canaán.

Eclesiastés 3:5

ay yorahil ta puhquel bahel tonetic, ay yorahil ta tsobel tal tonetic; ay yorahil mech'el, ay yorahil mayuc mech'el;

Eclesiastés 3:7

ay yorahil ta jatsel, ay yorahil ta ts'isel; ay yorahil ch'abal ta c'op, ay yorahil ya xc'opoj;